໑-໗. ປຏິຈ຺ຈວາຣາທິ

໒໖. ເຈຕສິກໍ ຘມ຺ມໍ ປຏິຈ຺ຈ ນເຈຕສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

໒໗. ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ….

ຈິຕ຺ຕສໍສຏ຺ຐໍ ຘມ຺ມໍ ປຏິຈ຺ຈ ນຈິຕ຺ຕສໍສຏ຺ໂຐ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

໒໘. ຈິຕ຺ຕສມຸຏ຺ຐານໍ ຘມ຺ມໍ ປຏິຈ຺ຈ ນຈິຕ຺ຕສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

໒໙. ຈິຕ຺ຕສຫຠຸໍ ຘມ຺ມໍ ປຏິຈ຺ຈ ນຈິຕ຺ຕສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ… ຈິຕ຺ຕານຸປຣິວຕ຺ຕິໍ ຘມ຺ມໍ ປຏິຈ຺ຈ ນຈິຕ຺ຕານຸປຣິວຕ຺ຕີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ… ຈິຕ຺ຕສໍສຏ຺ຐສມຸຏ຺ຐານໍ ຘມ຺ມໍ ປຏິຈ຺ຈ ນຈິຕ຺ຕສໍສຏ຺ຐສມຸຏ຺ຐາໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ… ຈິຕ຺ຕສໍສຏ຺ຐສມຸຏ຺ຐານສຫຠຸໍ ຘມ຺ມໍ ປຏິຈ຺ຈ ນຈິຕ຺ຕສໍສຏ຺ຐສມຸຏ຺ຐານສຫຠູ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ… ຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕິໍ ຘມ຺ມໍ ປຏິຈ຺ຈ ນຈິຕ຺ຕສໍສຏ຺ຐສມຸຏ຺ຐານານຸປຣິວຕ຺ຕີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

໓໐. ອຊ຺ຌຕ຺ຕິກໍ ຘມ຺ມໍ ປຏິຈ຺ຈ ນອຊ຺ຌຕ຺ຕິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ພາຫິຣໍ ຘມ຺ມໍ ປຏິຈ຺ຈ ນພາຫິໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອຊ຺ຌຕ຺ຕິກຎ຺ຈ ພາຫິຣຎ຺ຈ ຘມ຺ມໍ ປຏິຈ຺ຈ ນອຊ຺ຌຕ຺ຕິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

໓໑. ອຸປາທາ ຘມ຺ມໍ ປຏິຈ຺ຈ ໂນອຸປາທາ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ໂນອຸປາທາ ຘມ຺ມໍ ປຏິຈ຺ຈ ນໂນອຸປາທາ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອຸປາທາ ຈ ໂນອຸປາທາ ຈ ຘມ຺ມໍ ປຏິຈ຺ຈ ໂນອຸປາທາ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

໓໒. ອຸປາທິນ຺ນໍ ຘມ຺ມໍ ປຏິຈ຺ຈ ນອຸປາທິນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອນຸປາທິນ຺ນໍ ຘມ຺ມໍ ປຏິຈ຺ຈ ນອນຸປາທິນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອຸປາທິນ຺ນຎ຺ຈ ອນຸປາທິນ຺ນຎ຺ຈ ຘມ຺ມໍ ປຏິຈ຺ຈ ນອຸປາທິນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ປຎ຺ຈ…ເປ… ອວິຄເຕ ປຎ຺ຈ. (ສພ຺ພຕ຺ຖ ວິຕ຺ຖາໂຣ.)

ມຫນ຺ຕຣທຸກໍ ນິຏ຺ຐິຕໍ.