໑-໗. ປຏິຈ຺ຈວາຣາທິ

ເຫຕຸປຈ຺ຈໂຍ

໑໓໑. ອນິທສ຺ສນອປ຺ປຏິຆໍ ກຸສລໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສພ຺ພຕ຺ຖ ເອກໍ.)

ອນິທສ຺ສນອປ຺ປຏິຆໍ ອກຸສລໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສພ຺ພຕ຺ຖ ເອກໍ.)

໑໓໒. ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ເອກໍ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ທ຺ເວ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ຕີຓິ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ອພ຺ຍາກໂຕ ຈ ອນິທສ຺ສນອປ຺ປຏິໂຆ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ (ຈຕ຺ຕາຣິ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ອນິທສ຺ສນສປ຺ປຏິໂຆ ອພ຺ຍາກໂຕ ຈ ອນິທສ຺ສນອປ຺ປຏິໂຆ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ (ປຎ຺ຈ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ອພ຺ຍາກໂຕ ຈ ອນິທສ຺ສນສປ຺ປຏິໂຆ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ (ຉ). ອນິທສ຺ສນສປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ອພ຺ຍາກໂຕ ຈ ອນິທສ຺ສນສປ຺ປຏິໂຆ ອພ຺ຍາກໂຕ ຈ ອນິທສ຺ສນອປ຺ປຏິໂຆ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ (ສຕ຺ຕ).

໑໓໓. ອນິທສ຺ສນອປ຺ປຏິຆໍ ອພ຺ຍາກຕໍ ຘມ຺ມໍ ປຏິຈ຺ຈ ອນິທສ຺ສນອປ຺ປຏິໂຆ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສຕ຺ຕ). ອນິທສ຺ສນອປ຺ປຏິຆໍ ອພ຺ຍາກຕຎ຺ຈ ອນິທສ຺ສນສປ຺ປຏິຆໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ສນິທສ຺ສນສປ຺ປຏິໂຆ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສຕ຺ຕ, ສໍຂິຕ຺ຕໍ).

໑໓໔. ເຫຕຸຍາ ເອກວີສ, ອວິຄເຕ ເອກວີສ. (ສໍຂິຕ຺ຕໍ.)

(ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)

ຘມ຺ມານຸໂລເມ ຕິກຕິກປຏ຺ຐານໍ ນິຏ຺ຐິຕໍ.