໑-໗. ປຏິຈ຺ຈວາຣາທິ

ເຫຕຸປຈ຺ຈໂຍ

໙໓. ອນຸປາທິນ຺ນຸປາທານິຍໍ ກຸສລໍ ຘມ຺ມໍ ປຏິຈ຺ຈ ອນຸປາທິນ຺ນຸປາທານິໂຍ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ອນຸປາທິນ຺ນອນຸປາທານິຍໍ ກຸສລໍ ຘມ຺ມໍ ປຏິຈ຺ຈ ອນຸປາທິນ຺ນອນຸປາທານິໂຍ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ທ຺ເວ. (ສພ຺ພຕ຺ຖ ວິຕ຺ຖາໂຣ.)

ອນຸປາທິນ຺ນຸປາທານິຍໍ ອກຸສລໍ ຘມ຺ມໍ ປຏິຈ຺ຈ ອນຸປາທິນ຺ນຸປາທານິໂຍ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສພ຺ພຕ຺ຖ ເອກໍ. ສພ຺ພຕ຺ຖ ວິຕ຺ຖາໂຣ.)

໙໔. ອຸປາທິນ຺ນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອຸປາທິນ຺ນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສພ຺ພຕ຺ຖ ວິຕ຺ຖາໂຣ.)

ອນຸປາທິນ຺ນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອນຸປາທິນ຺ນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອນຸປາທິນ຺ນອນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອນຸປາທິນ຺ນອນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນຸປາທິນ຺ນຸປາທານິຍໍ ອພ຺ຍາກຕຎ຺ຈ ອນຸປາທິນ຺ນອນຸປາທານິຍໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອນຸປາທິນ຺ນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອຸປາທິນ຺ນຸປາທານິຍໍ ອພ຺ຍາກຕຎ຺ຈ ອນຸປາທິນ຺ນຸປາທານິຍໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອນຸປາທິນ຺ນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ນວ. (ສພ຺ພຕ຺ຖ ວິຕ຺ຖາໂຣ.)