໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

໖໓. ອກຸສລໍ ມິຈ຺ຉຕ຺ຕນິຍຕໍ ຘມ຺ມໍ ປຏິຈ຺ຈ ອກຸສໂລ ມິຈ຺ຉຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ເອກໍ…ເປ… ອວິຄເຕ ເອກໍ. (ສໍຂິຕ຺ຕໍ. ສພ຺ພຕ຺ຖ ວິຕ຺ຖາໂຣ.)

໖໔. ກຸສລໍ ສມ຺ມຕ຺ຕນິຍຕໍ ຘມ຺ມໍ ປຏິຈ຺ຈ ກຸສໂລ ສມ຺ມຕ຺ຕນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ເອກໍ…ເປ… ອວິຄເຕ ເອກໍ. (ສໍຂິຕ຺ຕໍ. ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ເອກໍ.)

໖໕. ກຸສລໍ ອນິຍຕໍ ຘມ຺ມໍ ປຏິຈ຺ຈ ກຸສໂລ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ອນິຍຕໍ ຘມ຺ມໍ ປຏິຈ຺ຈ ອພ຺ຍາກໂຕ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ອນິຍຕໍ ຘມ຺ມໍ ປຏິຈ຺ຈ ກຸສໂລ ອນິຍໂຕ ຈ ອພ຺ຍາກໂຕ ອນິຍໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອກຸສລໍ ອນິຍຕໍ ຘມ຺ມໍ ປຏິຈ຺ຈ ອກຸສໂລ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ອນິຍຕໍ ຘມ຺ມໍ ປຏິຈ຺ຈ ອພ຺ຍາກໂຕ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ອນິຍຕຎ຺ຈ ອພ຺ຍາກຕໍ ອນິຍຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ອນິຍຕຎ຺ຈ ອພ຺ຍາກຕໍ ອນິຍຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ອນິຍໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ຕີຓິ, ອວິຄເຕ ນວ. (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໖໖. ກຸສໂລ ອນິຍໂຕ ຘມ຺ໂມ ກຸສລສ຺ສ ອນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ອນິຍໂຕ ຘມ຺ໂມ ອກຸສລສ຺ສ ອນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ອນິຍໂຕ ຘມ຺ໂມ ອພ຺ຍາກຕສ຺ສ ອນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

ເຫຕຸຍາ ສຕ຺ຕ, ອາຣມ຺ມເຓ ນວ, ອວິຄເຕ ເຕຣສ. (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ ເອວໍ ວິຕ຺ຖາເຣຕພ຺ພໍ.)