໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

໕໘. ອກຸສລໍ ຫີນໍ ຘມ຺ມໍ ປຏິຈ຺ຈ ອກຸສໂລ ຫີໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ເອກໍ…ເປ… ອວິຄເຕ ເອກໍ. (ສໍຂິຕ຺ຕໍ. ສພ຺ພຕ຺ຖ ວິຕ຺ຖາໂຣ.)

໕໙. ກຸສລໍ ມຊ຺ຌິມໍ ຘມ຺ມໍ ປຏິຈ຺ຈ ກຸສໂລ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ມຊ຺ຌິມໍ ຘມ຺ມໍ ປຏິຈ຺ຈ ອພ຺ຍາກໂຕ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ມຊ຺ຌິມໍ ຘມ຺ມໍ ປຏິຈ຺ຈ ກຸສໂລ ມຊ຺ຌິໂມ ຈ ອພ຺ຍາກໂຕ ມຊ຺ຌິໂມ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອພ຺ຍາກຕໍ ມຊ຺ຌິມໍ ຘມ຺ມໍ ປຏິຈ຺ຈ ອພ຺ຍາກໂຕ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ມຊ຺ຌິມຎ຺ຈ ອພ຺ຍາກຕໍ ມຊ຺ຌິມຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ມຊ຺ຌິມໍ ຘມ຺ມໍ ປຏິຈ຺ຈ ກຸສໂລ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ. (໑)

ອພ຺ຍາກຕໍ ມຊ຺ຌິມໍ ຘມ຺ມໍ ປຏິຈ຺ຈ ອພ຺ຍາກໂຕ ມຊ຺ຌິໂມ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ປຎ຺ຈ, ອາຣມ຺ມເຓ ທ຺ເວ, ອວິຄເຕ ປຎ຺ຈ. (ສໍຂິຕ຺ຕໍ. ສຫຊາຕວາຣມ຺ປິ …ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໖໐. ກຸສໂລ ມຊ຺ຌິໂມ ຘມ຺ໂມ ກຸສລສ຺ສ ມຊ຺ຌິມສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ມຊ຺ຌິໂມ ຘມ຺ໂມ ອພ຺ຍາກຕສ຺ສ ມຊ຺ຌິມສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ກຸສໂລ ມຊ຺ຌິໂມ ຘມ຺ໂມ ກຸສລສ຺ສ ມຊ຺ຌິມສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ກຸສໂລ ມຊ຺ຌິໂມ ຘມ຺ໂມ ອພ຺ຍາກຕສ຺ສ ມຊ຺ຌິມສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ອພ຺ຍາກໂຕ ມຊ຺ຌິໂມ ຘມ຺ໂມ ອພ຺ຍາກຕສ຺ສ ມຊ຺ຌິມສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອພ຺ຍາກໂຕ ມຊ຺ຌິໂມ ຘມ຺ໂມ ກຸສລສ຺ສ ມຊ຺ຌິມສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒) (ສໍຂິຕ຺ຕໍ).

໖໑. ເຫຕຸຍາ ຈຕ຺ຕາຣິ, ອາຣມ຺ມເຓ ຈຕ຺ຕາຣິ, ອວິຄເຕ ສຕ຺ຕ.

(ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)

ປຓີຕປທໍ

ເຫຕຸປຈ຺ຈໂຍ

໖໒. ກຸສລໍ ປຓີຕໍ ຘມ຺ມໍ ປຏິຈ຺ຈ ກຸສໂລ ປຓີໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ປຓີຕໍ ຘມ຺ມໍ ປຏິຈ຺ຈ ອພ຺ຍາກໂຕ ປຓີໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ທ຺ເວ, ອວິຄເຕ ທ຺ເວ. (ສໍຂິຕ຺ຕໍ. ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາໂຣ.)