໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

໕໑. ກຸສລໍ ປຣິຕ຺ຕໍ ຘມ຺ມໍ ປຏິຈ຺ຈ ກຸສໂລ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ປຣິຕ຺ຕໍ ຘມ຺ມໍ ປຏິຈ຺ຈ ອພ຺ຍາກໂຕ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ປຣິຕ຺ຕໍ ຘມ຺ມໍ ປຏິຈ຺ຈ ກຸສໂລ ປຣິຕ຺ໂຕ ຈ ອພ຺ຍາກໂຕ ປຣິຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອກຸສລໍ ປຣິຕ຺ຕໍ ຘມ຺ມໍ ປຏິຈ຺ຈ ອກຸສໂລ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ປຣິຕ຺ຕໍ ຘມ຺ມໍ ປຏິຈ຺ຈ ອພ຺ຍາກໂຕ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ປຣິຕ຺ຕຎ຺ຈ ອພ຺ຍາກຕໍ ປຣິຕ຺ຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ປຣິຕ຺ຕຎ຺ຈ ອພ຺ຍາກຕໍ ປຣິຕ຺ຕຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ປຣິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ຕີຓິ, ອວິຄເຕ ນວ. (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໕໒. ກຸສໂລ ປຣິຕ຺ໂຕ ຘມ຺ໂມ ກຸສລສ຺ສ ປຣິຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ປຣິຕ຺ໂຕ ຘມ຺ໂມ ອກຸສລສ຺ສ ປຣິຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ປຣິຕ຺ໂຕ ຘມ຺ໂມ ອພ຺ຍາກຕສ຺ສ ປຣິຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ກຸສໂລ ປຣິຕ຺ໂຕ ຘມ຺ໂມ ກຸສລສ຺ສ ປຣິຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (ສໍຂິຕ຺ຕໍ.)

ເຫຕຸຍາ ສຕ຺ຕ, ອາຣມ຺ມເຓ ນວ, ອວິຄເຕ ເຕຣສ. (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ ເອວໍ ວິຕ຺ຖາເຣຕພ຺ພໍ.)

ມຫຄ຺ຄຕາທິປທານິ

ເຫຕຸປຈ຺ຈໂຍ

໕໓. ກຸສລໍ ມຫຄ຺ຄຕໍ ຘມ຺ມໍ ປຏິຈ຺ຈ ກຸສໂລ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ມຫຄ຺ຄຕໍ ຘມ຺ມໍ ປຏິຈ຺ຈ ອພ຺ຍາກໂຕ ມຫຄ຺ຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ທ຺ເວ, ອາຣມ຺ມເຓ ທ຺ເວ, ອວິຄເຕ ທ຺ເວ. (ສໍຂິຕ຺ຕໍ. ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາໂຣ).

໕໔. ກຸສລໍ ອປ຺ປມາຓໍ ຘມ຺ມໍ ປຏິຈ຺ຈ ກຸສໂລ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ອປ຺ປມາຓໍ ຘມ຺ມໍ ປຏິຈ຺ຈ ອພ຺ຍາກໂຕ ອປ຺ປມາໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ທ຺ເວ, ອວິຄເຕ ທ຺ເວ. (ສໍຂິຕ຺ຕໍ. ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາໂຣ.)