໑-໗. ປຏິຈ຺ຈວາຣາທິ

໓໔. ກຸສລໍ ປີຕິສຫຄຕໍ ຘມ຺ມໍ ປຏິຈ຺ຈ ກຸສໂລ ປີຕິສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ປີຕິສຫຄຕໍ ຘມ຺ມໍ ປຏິຈ຺ຈ ອກຸສໂລ ປີຕິສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ປີຕິສຫຄຕໍ ຘມ຺ມໍ ປຏິຈ຺ຈ ອພ຺ຍາກໂຕ ປີຕິສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ຕີຓິ, ອາຣມ຺ມເຓ ຕີຓິ, ອວິຄເຕ ຕີຓິ. (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໓໕. ກຸສໂລ ປີຕິສຫຄໂຕ ຘມ຺ໂມ ກຸສລສ຺ສ ປີຕິສຫຄຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອກຸສໂລ ປີຕິສຫຄໂຕ ຘມ຺ໂມ ອກຸສລສ຺ສ ປີຕິສຫຄຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ປີຕິສຫຄໂຕ ຘມ຺ໂມ ອພ຺ຍາກຕສ຺ສ ປີຕິສຫຄຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

ເຫຕຸຍາ ຕີຓິ, ອາຣມ຺ມເຓ ນວ, ອຘິປຕິຍາ ສຕ຺ຕ, ອນນ຺ຕເຣ ປຎ຺ຈ ອວິຄເຕ ຕີຓິ. (ສໍຂິຕ຺ຕໍ.)

(ຍຖາ ກຸສລຕ຺ຕິເກ ປຎ຺ຫາວາຣໍ ເອວໍ ວິຕ຺ຖາເຣຕພ຺ພໍ.)

໓໖. ກຸສລໍ ສຸຂສຫຄຕໍ ຘມ຺ມໍ ປຏິຈ຺ຈ ກຸສໂລ ສຸຂສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ສຸຂສຫຄຕໍ ຘມ຺ມໍ ປຏິຈ຺ຈ ອກຸສໂລ ສຸຂສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ສຸຂສຫຄຕໍ ຘມ຺ມໍ ປຏິຈ຺ຈ ອພ຺ຍາກໂຕ ສຸຂສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ຕີຓິ, ອາຣມ຺ມເຓ ຕີຓິ, ອວິຄເຕ ຕີຓິ. (ສໍຂິຕ຺ຕໍ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)

໓໗. ກຸສລໍ ອຸເປກ຺ຂາສຫຄຕໍ ຘມ຺ມໍ ປຏິຈ຺ຈ ກຸສໂລ ອຸເປກ຺ຂາສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ອຸເປກ຺ຂາສຫຄຕໍ ຘມ຺ມໍ ປຏິຈ຺ຈ ອກຸສໂລ ອຸເປກ຺ຂາສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ອຸເປກ຺ຂາສຫຄຕໍ ຘມ຺ມໍ ປຏິຈ຺ຈ ອພ຺ຍາກໂຕ ອຸເປກ຺ຂາສຫຄໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ຕີຓິ, ອວິຄເຕ ຕີຓິ. (ສໍຂິຕ຺ຕໍ.)

(ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)