໑-໖. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໙໗. ນເຫຕຸໍ ສເຫຕຸກໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ສເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ສເຫຕຸກໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ສເຫຕຸກໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ສເຫຕຸໂກ ອພ຺ຍາກໂຕ ຈ ນເຫຕຸ ອເຫຕຸໂກ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸໍ ອເຫຕຸກໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນເຫຕຸໍ ສເຫຕຸກໍ ອພ຺ຍາກຕຎ຺ຈ ນເຫຕຸໍ ອເຫຕຸກໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ນເຫຕຸ ສເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ສໍຂິຕ຺ຕໍ).

໙໘. ເຫຕຸຍາ ນວ, ອາຣມ຺ມເຓ ຈຕ຺ຕາຣິ, ອຘິປຕິຍາ ປຎ຺ຈ…ເປ… ປຸເຣຊາເຕ ອາເສວເນ ທ຺ເວ, ກມ຺ເມ ນວ, ວິປາເກ ນວ…ເປ… ອວິຄເຕ ນວ (ສໍຂິຕ຺ຕໍ).

ນເຫຕຸປຈ຺ຈໂຍ

໙໙. ນເຫຕຸໍ ອເຫຕຸກໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ (ສໍຂິຕ຺ຕໍ).

໑໐໐. ນເຫຕຸຍາ ເອກໍ, ນອາຣມ຺ມເຓ ຕີຓິ, ນອຘິປຕິຍາ ນວ, ນອນນ຺ຕເຣ ຕີຓິ, ນສມນນ຺ຕເຣ ຕີຓິ, ນອຎ຺ຎມຎ຺ເຎ ຕີຓິ, ນອຸປນິສ຺ສເຍ ຕີຓິ, ນປຸເຣຊາເຕ ນວ, ນປຈ຺ຉາຊາເຕ ນວ, ນອາເສວເນ ນວ, ນກມ຺ເມ ທ຺ເວ, ນວິປາເກ ປຎ຺ຈ, ນອາຫາເຣ ເອກໍ, ນອິນ຺ທ຺ຣິເຍ ເອກໍ, ນຌາເນ ເອກໍ, ນມຄ຺ເຄ ເອກໍ, ນສມ຺ປຍຸຕ຺ເຕ ຕີຓິ, ນວິປ຺ປຍຸຕ຺ເຕ ທ຺ເວ, ໂນນຕ຺ຖິຍາ ຕີຓິ, ໂນວິຄເຕ ຕີຓິ (ສໍຂິຕ຺ຕໍ).

ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ເອກໍ (ສໍຂິຕ຺ຕໍ).

(ສຫຊາຕວາໂຣປິ ປຈ຺ຈຍວາໂຣປິ ນິສ຺ສຍວາໂຣປິ ສໍສຏ຺ຐວາໂຣປິ ສມ຺ປຍຸຕ຺ຕວາໂຣປິ ປຏິຈ຺ຈວາຣສທິສາ ວິຕ຺ຖາເຣຕພ຺ພາ.)