໑-໖. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸ-ອາຣມ຺ມຓປຈ຺ຈຍາ

໓໑. ເຫຕຸສມ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ເຫຕຸວິປ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ເຫຕຸສມ຺ປຍຸຕ຺ຕໍ ອກຸສລຎ຺ຈ ເຫຕຸວິປ຺ປຍຸຕ຺ຕໍ ອກຸສລຎ຺ຈ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ເຫຕຸສມ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ… ຕີຓິ. (໓)

ເຫຕຸວິປ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ. (໑)

ເຫຕຸສມ຺ປຍຸຕ຺ຕໍ ອກຸສລຎ຺ຈ ເຫຕຸວິປ຺ປຍຸຕ຺ຕໍ ອກຸສລຎ຺ຈ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ. (໑)

ເຫຕຸສມ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ (ສໍຂິຕ຺ຕໍ).

໓໒. ເຫຕຸຍາ ຕີຓິ, ອາຣມ຺ມເຓ ປຎ຺ຈ, ອຘິປຕິຍາ ເອກໍ, ອນນ຺ຕເຣ ປຎ຺ຈ, ສມນນ຺ຕເຣ ປຎ຺ຈ, ສຫຊາເຕ ປຎ຺ຈ, ອຎ຺ຎມຎ຺ເຎ ປຎ຺ຈ, ນິສ຺ສເຍ ປຎ຺ຈ, ອຸປນິສ຺ສເຍ ປຎ຺ຈ, ປຸເຣຊາເຕ ປຎ຺ຈ, ອາເສວເນ ປຎ຺ຈ, ກມ຺ເມ ປຎ຺ຈ, ອາຫາເຣ ປຎ຺ຈ, ອິນ຺ທ຺ຣິເຍ ປຎ຺ຈ, ຌາເນ ປຎ຺ຈ, ມຄ຺ເຄ ປຎ຺ຈ, ສມ຺ປຍຸຕ຺ເຕ ປຎ຺ຈ, ວິປ຺ປຍຸຕ຺ເຕ ປຎ຺ຈ, ອຕ຺ຖິຍາ ປຎ຺ຈ…ເປ… ອວິຄເຕ ປຎ຺ຈ (ສໍຂິຕ຺ຕໍ).

ນເຫຕຸ-ນອຘິປຕິປຈ຺ຈຍາ

໓໓. ເຫຕຸສມ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸວິປ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ. (໑)

ເຫຕຸສມ຺ປຍຸຕ຺ຕໍ ອກຸສລໍ ຘມ຺ມໍ ປຏິຈ຺ຈ ເຫຕຸສມ຺ປຍຸຕ຺ໂຕ ອກຸສໂລ ຘມ຺ໂມ ອຸປ຺ປຊ຺ຊຕິ ນອຘິປຕິປຈ຺ຈຍາ (ສໍຂິຕ຺ຕໍ).

໓໔. ນເຫຕຸຍາ ເອກໍ, ນອຘິປຕິຍາ ປຎ຺ຈ, ນປຸເຣຊາເຕ ປຎ຺ຈ, ນປຈ຺ຉາຊາເຕ ປຎ຺ຈ, ນອາເສວເນ ປຎ຺ຈ, ນກມ຺ເມ ຕີຓິ, ນວິປາເກ ປຎ຺ຈ, ນວິປ຺ປຍຸຕ຺ເຕ ປຎ຺ຈ (ສໍຂິຕ຺ຕໍ).

ເຫຕຸປຈ຺ຈຍາ ນອຘິປຕິຍາ ຕີຓິ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ເອກໍ (ສໍຂິຕ຺ຕໍ).

(ສຫຊາຕວາໂຣປິ ປຈ຺ຈຍວາໂຣປິ ນິສ຺ສຍວາໂຣປິ ສໍສຏ຺ຐວາໂຣປິ ສມ຺ປຍຸຕ຺ຕວາໂຣປິ ປຏິຈ຺ຈວາຣສທິສາ ວິຕ຺ຖາເຣຕພ຺ພາ.)