໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໔໑. ກຸສລໍ ປຣິຍາປນ຺ນໍ ຘມ຺ມໍ ປຏິຈ຺ຈ ກຸສໂລ ປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອກຸສລໍ ປຣິຍາປນ຺ນໍ ຘມ຺ມໍ ປຏິຈ຺ຈ ອກຸສໂລ ປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ປຣິຍາປນ຺ນໍ ຘມ຺ມໍ ປຏິຈ຺ຈ ອພ຺ຍາກໂຕ ປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ປຣິຍາປນ຺ນຎ຺ຈ ອພ຺ຍາກຕໍ ປຣິຍາປນ຺ນຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ປຣິຍາປນ຺ນຎ຺ຈ ອພ຺ຍາກຕໍ ປຣິຍາປນ຺ນຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໔໒. ເຫຕຸຍາ ນວ, ອາຣມ຺ມເຓ ຕີຓິ…ເປ… ວິປາເກ ເອກໍ…ເປ… ອວິຄເຕ ນວ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໔໓. ກຸສໂລ ປຣິຍາປນ຺ໂນ ຘມ຺ໂມ ກຸສລສ຺ສ ປຣິຍາປນ຺ນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ປຣິຍາປນ຺ໂນ ຘມ຺ໂມ ອກຸສລສ຺ສ ປຣິຍາປນ຺ນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ປຣິຍາປນ຺ໂນ ຘມ຺ໂມ ອພ຺ຍາກຕສ຺ສ ປຣິຍາປນ຺ນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໔໔. ເຫຕຸຍາ ສຕ຺ຕ, ອາຣມ຺ມເຓ ນວ, ອຘິປຕິຍາ ນວ…ເປ… ອວິຄເຕ ເຕຣສ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).

ອປຣິຍາປນ຺ນປທໍ

ເຫຕຸ-ອາຣມ຺ມຓປຈ຺ຈຍາ

໔໕. ກຸສລໍ ອປຣິຍາປນ຺ນໍ ຘມ຺ມໍ ປຏິຈ຺ຈ ກຸສໂລ ອປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ອປຣິຍາປນ຺ນໍ ຘມ຺ມໍ ປຏິຈ຺ຈ ອພ຺ຍາກໂຕ ອປຣິຍາປນ຺ໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ.) (ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໔໖. ກຸສໂລ ອປຣິຍາປນ຺ໂນ ຘມ຺ໂມ ກຸສລສ຺ສ ອປຣິຍາປນ຺ນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ອປຣິຍາປນ຺ໂນ ຘມ຺ໂມ ອພ຺ຍາກຕສ຺ສ ອປຣິຍາປນ຺ນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ອປຣິຍາປນ຺ໂນ ຘມ຺ໂມ ອພ຺ຍາກຕສ຺ສ ອປຣິຍາປນ຺ນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອພ຺ຍາກໂຕ ອປຣິຍາປນ຺ໂນ ຘມ຺ໂມ ກຸສລສ຺ສ ອປຣິຍາປນ຺ນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)

໔໗. ເຫຕຸຍາ ທ຺ເວ, ອາຣມ຺ມເຓ ທ຺ເວ, ອຘິປຕິຍາ ຕີຓິ, ອນນ຺ຕເຣ ທ຺ເວ…ເປ… ອຸປນິສ຺ສເຍ ຈຕ຺ຕາຣິ…ເປ… ອວິຄເຕ ທ຺ເວ. (ສໍຂິຕ຺ຕໍ.)

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)