໑. ວິຠງ຺ຄວາໂຣ

ເຫຕຸປຈ຺ຈໂຍ

໑. ກິເລສໍ ຘມ຺ມໍ ປຏິຈ຺ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂລຠໍ ປຏິຈ຺ຈ ໂມໂຫ ທິຏ຺ຐິ ຖິນໍ [ຖີນໍ (ສີ. ສ຺ຍາ.)] ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂລຠໍ ປຏິຈ຺ຈ ໂມໂຫ ທິຏ຺ຐິ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂລຠໍ ປຏິຈ຺ຈ ໂມໂຫ ມາໂນ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂລຠໍ ປຏິຈ຺ຈ ໂມໂຫ ມາໂນ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂລຠໍ ປຏິຈ຺ຈ ໂມໂຫ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂລຠໍ ປຏິຈ຺ຈ ໂມໂຫ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ; ໂທສໍ ປຏິຈ຺ຈ ໂມໂຫ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ, ໂທສໍ ປຏິຈ຺ຈ ໂມໂຫ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ; ວິຈິກິຈ຺ຉໍ ປຏິຈ຺ຈ ໂມໂຫ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ; ອຸທ຺ຘຈ຺ຈໍ ປຏິຈ຺ຈ ໂມໂຫ ອຫິຣິກໍ ອໂນຕ຺ຕປ຺ປໍ. (໑)

ກິເລສໍ ຘມ຺ມໍ ປຏິຈ຺ຈ ໂນກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກິເລສໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໒)

ກິເລສໍ ຘມ຺ມໍ ປຏິຈ຺ຈ ກິເລໂສ ຈ ໂນກິເລໂສ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂລຠໍ ປຏິຈ຺ຈ ໂມໂຫ ທິຏ຺ຐິ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ (ຈກ຺ກໍ). (໓)

໒. ໂນກິເລສໍ ຘມ຺ມໍ ປຏິຈ຺ຈ ໂນກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນກິເລສໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ, ເອກໍ ມຫາຠູຕໍ…ເປ…. (໑)

ໂນກິເລສໍ ຘມ຺ມໍ ປຏິຈ຺ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນກິເລເສ ຂນ຺ເຘ ປຏິຈ຺ຈ ກິເລສາ. (໒)

ໂນກິເລສໍ ຘມ຺ມໍ ປຏິຈ຺ຈ ກິເລໂສ ຈ ໂນກິເລໂສ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນກິເລສໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ກິເລສາ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໓. ກິເລສຎ຺ຈ ໂນກິເລສຎ຺ຈ ຘມ຺ມໍ ປຏິຈ຺ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂລຠຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ໂມໂຫ ທິຏ຺ຐິ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ (ຈກ຺ກໍ). (໑)

ກິເລສຎ຺ຈ ໂນກິເລສຎ຺ຈ ຘມ຺ມໍ ປຏິຈ຺ຈ ໂນກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນກິເລສໍ ເອກໍ ຂນ຺ຘຎ຺ຈ ກິເລເສ ຈ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ຈ…ເປ… ກິເລເສ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ກິເລສຎ຺ຈ ໂນກິເລສຎ຺ຈ ຘມ຺ມໍ ປຏິຈ຺ຈ ກິເລໂສ ຈ ໂນກິເລໂສ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນກິເລສໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ ໂມໂຫ ທິຏ຺ຐິ ຖິນໍ ອຸທ຺ຘຈ຺ຈໍ ອຫິຣິກໍ ອໂນຕ຺ຕປ຺ປໍ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ຈ…ເປ… (ຈກ຺ກໍ, ສໍຂິຕ຺ຕໍ). (໓)