໑-໖. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈຍາທິ

໔໔. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ເຫຕຸ ອພ຺ຍາກໂຕ ຈ ນເຫຕຸ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

໔໕. ນເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ເຫຕຸໍ ອພ຺ຍາກຕຎ຺ຈ ນເຫຕຸໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

໔໖. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ (ສໍຂິຕ຺ຕໍ).

໔໗. ເຫຕຸຍາ ນວ, ອາຣມ຺ມເຓ ນວ, ອຘິປຕິຍາ ນວ, ອນນ຺ຕເຣ ນວ, ສມນນ຺ຕເຣ ນວ, ສຫຊາເຕ ນວ, ອຎ຺ຎມຎ຺ເຎ ນວ, ນິສ຺ສເຍ ນວ, ອຸປນິສ຺ສເຍ ນວ, ປຸເຣຊາເຕ ນວ, ອາເສວເນ ນວ, ກມ຺ເມ ນວ, ວິປາເກ ນວ, ອາຫາເຣ ນວ, ອິນ຺ທ຺ຣິເຍ ນວ, ຌາເນ ນວ, ມຄ຺ເຄ ນວ, ສມ຺ປຍຸຕ຺ເຕ ນວ, ວິປ຺ປຍຸຕ຺ເຕ ນວ, ອຕ຺ຖິຍາ ນວ, ນຕ຺ຖິຍາ ນວ, ວິຄເຕ ນວ, ອວິຄເຕ ນວ (ອນຸໂລມໍ).

ນເຫຕຸ-ນອາຣມ຺ມຓປຈ຺ຈຍາ

໔໘. ນເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ. (໑)

໔໙. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ. (໑)

ນເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ. (໑)

ເຫຕຸໍ ອພ຺ຍາກຕຎ຺ຈ ນເຫຕຸໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ. (໑)

ນອຘິປຕິປຈ຺ຈຍາທິ

໕໐. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນອຘິປຕິປຈ຺ຈຍາ… ນວ…ເປ….

໕໑. ເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ. (໑)

ນເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ. (໑)

ເຫຕຸໍ ອພ຺ຍາກຕຎ຺ຈ ນເຫຕຸໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ. (໑)

໕໒. ນເຫຕຸໍ ອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ນອາຫາຣປຈ຺ຈຍາ… ນອິນ຺ທ຺ຣິຍປຈ຺ຈຍາ… ນຌານປຈ຺ຈຍາ (ສໍຂິຕ຺ຕໍ).

໕໓. ນເຫຕຸຍາ ເອກໍ, ນອາຣມ຺ມເຓ ຕີຓິ, ນອຘິປຕິຍາ ນວ, ນອນນ຺ຕເຣ ຕີຓິ, ນສມນນ຺ຕເຣ ຕີຓິ, ນອຎ຺ຎມຎ຺ເຎ ຕີຓິ, ນອຸປນິສ຺ສເຍ ຕີຓິ, ນປຸເຣຊາເຕ ນວ, ນປຈ຺ຉາຊາເຕ ນວ, ນອາເສວເນ ນວ, ນກມ຺ເມ ຕີຓິ, ນວິປາເກ ນວ, ນອາຫາເຣ ເອກໍ, ນອິນ຺ທ຺ຣິເຍ ເອກໍ, ນຌາເນ ເອກໍ, ນມຄ຺ເຄ ເອກໍ, ນສມ຺ປຍຸຕ຺ເຕ ຕີຓິ, ນວິປ຺ປຍຸຕ຺ເຕ ນວ, ໂນນຕ຺ຖິຍາ ຕີຓິ, ໂນວິຄເຕ ຕີຓິ (ປຈ຺ຈນີຍໍ).

ເຫຕຸປຈ຺ຈຍາ ນອາຣມ຺ມເຓ ຕີຓິ, ນອຘິປຕິຍາ ນວ (ສໍຂິຕ຺ຕໍ, ອນຸໂລມປຈ຺ຈນີຍໍ).

ນເຫຕຸປຈ຺ຈຍາ ອາຣມ຺ມເຓ ເອກໍ (ສໍຂິຕ຺ຕໍ, ປຈ຺ຈນີຍານຸໂລມໍ).

(ສຫຊາຕວາໂຣປິ ປຈ຺ຈຍວາໂຣປິ ນິສ຺ສຍວາໂຣປິ ສໍສຏ຺ຐວາໂຣປິ ສມ຺ປຍຸຕ຺ຕວາໂຣປິ ປຏິຈ຺ຈວາຣສທິສາ ວິຕ຺ຖາເຣຕພ຺ພາ.)