໑-໖. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໒໑໐. ເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ນເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ເຫຕຸ ສວິຕກ຺ກສວິຈາໂຣ ຈ ນເຫຕຸ ສວິຕກ຺ກສວິຈາໂຣ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ນເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ເຫຕຸໍ ສວິຕກ຺ກສວິຈາຣຎ຺ຈ ນເຫຕຸໍ ສວິຕກ຺ກສວິຈາຣຎ຺ຈ ຘມ຺ມໍ ປຏິຈ຺ຈ ເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ສໍຂິຕ຺ຕໍ).

໒໑໑. ເຫຕຸຍາ ນວ, ອາຣມ຺ມເຓ ນວ, ອຘິປຕິຍາ ນວ, ອນນ຺ຕເຣ ນວ, ສມນນ຺ຕເຣ ນວ…ເປ… ກມ຺ເມ ນວ, ວິປາເກ ນວ…ເປ… ອວິຄເຕ ນວ (ສໍຂິຕ຺ຕໍ).

ນເຫຕຸ-ນອຘິປຕິປຈ຺ຈຍາ

໒໑໒. ນເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ນເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ… ທ຺ເວ.

ເຫຕຸໍ ສວິຕກ຺ກສວິຈາຣໍ ຘມ຺ມໍ ປຏິຈ຺ຈ ເຫຕຸ ສວິຕກ຺ກສວິຈາໂຣ ຘມ຺ໂມ ອຸປ຺ປຊ຺ຊຕິ ນອຘິປຕິປຈ຺ຈຍາ (ສໍຂິຕ຺ຕໍ).

໒໑໓. ນເຫຕຸຍາ ທ຺ເວ, ນອຘິປຕິຍາ ນວ, ນປຸເຣຊາເຕ ນວ, ນປຈ຺ຉາຊາເຕ ນວ, ນອາເສວເນ ນວ, ນກມ຺ເມ ຕີຓິ, ນວິປາເກ ນວ, ນມຄ຺ເຄ ເອກໍ, ນວິປ຺ປຍຸຕ຺ເຕ ນວ (ສໍຂິຕ຺ຕໍ).

ເຫຕຸປຈ຺ຈຍາ ນອຘິປຕິຍາ ນວ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ທ຺ເວ (ສໍຂິຕ຺ຕໍ).

(ສຫຊາຕວາໂຣປິ ປຈ຺ຈຍວາໂຣປິ ນິສ຺ສຍວາໂຣປິ ສໍສຏ຺ຐວາໂຣປິ ສມ຺ປຍຸຕ຺ຕວາໂຣປິ ປຏິຈ຺ຈວາຣສທິສາ ວິຕ຺ຖາເຣຕພ຺ພາ.)