໗. ປຎ຺ຫາວາໂຣ

ປຈ຺ຈຍຈຕຸກ຺ກໍ

ເຫຕຸປຈ຺ຈຍາທິ

໑໑໓. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

໑໑໔. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ນເຫຕຸ ວິປາໂກ ຘມ຺ໂມ ນເຫຕຸສ຺ສ ວິປາກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ເຫຕຸ ວິປາໂກ ຈ ນເຫຕຸ ວິປາໂກ ຈ ຘມ຺ມາ ເຫຕຸສ຺ສ ວິປາກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ (ຕທາຣມ຺ມຓາເຍວ ລພ຺ຠນ຺ຕິ).

໑໑໕. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ຕີຓິ (ສຫຊາຕາຘິປຕິເຍວ ລພ຺ຠຕິ, ອາຣມ຺ມຓາຘິປຕິ ນຕ຺ຖິ)…ເປ….

ອຸປນິສ຺ສຍປຈ຺ຈຍາທິ

໑໑໖. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ. ເຫຕຸ ວິປາໂກ ຘມ຺ໂມ ນເຫຕຸສ຺ສ ວິປາກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຈ ນເຫຕຸສ຺ສ ວິປາກສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ. (໓)

ນເຫຕຸ ວິປາໂກ ຘມ຺ໂມ ນເຫຕຸສ຺ສ ວິປາກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ… (ອິຕເຣ ທ຺ເວ ອນນ຺ຕຣູປນິສ຺ສໂຍ ປກຕູປນິສ຺ສໂຍເຍວ).

໑໑໗. ນເຫຕຸ ວິປາໂກ ຘມ຺ໂມ ນເຫຕຸສ຺ສ ວິປາກສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ… ຕີຓິ (ສຫຊາຕກມ຺ມເມວ, ສໍຂິຕ຺ຕໍ).

ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ… ນວ.

ນເຫຕຸ ວິປາໂກ ຘມ຺ໂມ ນເຫຕຸສ຺ສ ວິປາກສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ (ສໍຂິຕ຺ຕໍ).

໑໑໘. ເຫຕຸຍາ ຕີຓິ, ອາຣມ຺ມເຓ ນວ, ອຘິປຕິຍາ ຉ, ອນນ຺ຕເຣ ນວ, ສມນນ຺ຕເຣ ນວ, ສຫຊາເຕ ນວ, ອຎ຺ຎມຎ຺ເຎ ນວ, ນິສ຺ສເຍ ນວ, ອຸປນິສ຺ສເຍ ນວ, ກມ຺ເມ ຕີຓິ, ວິປາເກ ນວ, ອາຫາເຣ ຕີຓິ, ອິນ຺ທ຺ຣິເຍ ນວ, ຌາເນ ຕີຓິ, ມຄ຺ເຄ ນວ, ສມ຺ປຍຸຕ຺ເຕ ນວ, ອຕ຺ຖິຍາ ນວ, ນຕ຺ຖິຍາ ນວ, ວິຄເຕ ນວ, ອວິຄເຕ ນວ (ອນຸໂລມໍ).

ປຈ຺ຈນີຍຸທ຺ຘາໂຣ

໑໑໙. ເຫຕຸ ວິປາໂກ ຘມ຺ໂມ ເຫຕຸສ຺ສ ວິປາກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ (ສໍຂິຕ຺ຕໍ).

໑໒໐. ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ, ປຈ຺ຈນີຍໍ).

ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ, ອນຸໂລມປຈ຺ຈນີຍໍ).

ນເຫຕຸປຈ຺ຈຍາ ອາຣມ຺ມເຓ ນວ (ສໍຂິຕ຺ຕໍ, ປຈ຺ຈນີຍານຸໂລມໍ).

(ຍຖາ ກຸສລຕ຺ຕິເກ ປຎ຺ຫາວາຣສ຺ສ ອນຸໂລມມ຺ປິ ປຈ຺ຈນີຍມ຺ປິ ອນຸໂລມປຈ຺ຈນີຍມ຺ປິ ປຈ຺ຈນີຍານຸໂລມມ຺ປິ ຄຓິຕໍ, ເອວໍ ຄເຓຕພ຺ພໍ.)