໗. ປຎ຺ຫາວາໂຣ

ປຈ຺ຈຍຈຕຸກ຺ກໍ

ເຫຕຸປຈ຺ຈຍາທິ

໔໙໗. ເຫຕຸ ອນາຄຕາຣມ຺ມໂຓ ຘມ຺ໂມ ເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ເຫຕຸ ອນາຄຕາຣມ຺ມໂຓ ຘມ຺ໂມ ເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ນວ.

ເຫຕຸ ອນາຄຕາຣມ຺ມໂຓ ຘມ຺ໂມ ເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ… ຕີຓິ.

ນເຫຕຸ ອນາຄຕາຣມ຺ມໂຓ ຘມ຺ໂມ ນເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ… ຕີຓິ.

ເຫຕຸ ອນາຄຕາຣມ຺ມໂຓ ຈ ນເຫຕຸ ອນາຄຕາຣມ຺ມໂຓ ຈ ຘມ຺ມາ ເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ… ຕີຓິ (ສໍຂິຕ຺ຕໍ).

໔໙໘. ເຫຕຸຍາ ຕີຓິ, ອາຣມ຺ມເຓ ນວ, ອຘິປຕິຍາ ນວ, ອນນ຺ຕເຣ ນວ, ສມນນ຺ຕເຣ ນວ, ສຫຊາເຕ ນວ, ອຎ຺ຎມຎ຺ເຎ ນວ, ນິສ຺ສເຍ ນວ, ອຸປນິສ຺ສເຍ ນວ, ອາເສວເນ ນວ, ກມ຺ເມ ຕີຓິ, ວິປາເກ ນວ, ອາຫາເຣ ຕີຓິ…ເປ… ອວິຄເຕ ນວ (ສໍຂິຕ຺ຕໍ).

ປຈ຺ຈນີຍຸທ຺ຘາໂຣ

໔໙໙. ເຫຕຸ ອນາຄຕາຣມ຺ມໂຓ ຘມ຺ໂມ ເຫຕຸສ຺ສ ອນາຄຕາຣມ຺ມຓສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ (ສໍຂິຕ຺ຕໍ).

໕໐໐. ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ).

ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ນວ (ສໍຂິຕ຺ຕໍ).

(ຍຖາ ກຸສລຕ຺ຕິເກ ປຎ຺ຫາວາຣສ຺ສ ອນຸໂລມມ຺ປິ ປຈ຺ຈນີຍມ຺ປິ ອນຸໂລມປຈ຺ຈນີຍມ຺ປິ ປຈ຺ຈນີຍານຸໂລມມ຺ປິ ຄຓິຕໍ, ເອວໍ ຄເຓຕພ຺ພໍ.)