໑. ວິຠງ຺ຄວາໂຣ

ເຫຕຸປຈ຺ຈໂຍ

໓໓໐. ນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຈຕ຺ຕາຣິ (ນິຍ຺ຍານິກທຸກສທິສາ ນິນ຺ນານາກຣຓາ).

ອາຣມ຺ມຓປຈ຺ຈໂຍ

໓໓໑. ນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ນິຍເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ…ເປ… ນິຍເຕ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ເຈໂຕປຣິຍຎາເຓນ ນິຍຕຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ນິຍຕາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ອນິຍໂຕ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ອນິຍຕໍ ໂທມນສ຺ສໍ ອຸປ຺ປຊ຺ຊຕິ, ອຣິຍາ ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ອນິຍເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ…ເປ… ປຸພ຺ເພ ສມຸທາຈິຓ຺ເຓ…ເປ… ຈກ຺ຂຸໍ…ເປ… ວຕ຺ຖຸໍ ອນິຍເຕ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ອນິຍໂຕ ຣາໂຄ…ເປ… ໂທມນສ຺ສໍ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. ອນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ; ນິພ຺ພານໍ ມຄ຺ຄສ຺ສ ອາຣມ຺ມຓປຈ຺ຈເຍນ ປຈ຺ຈໂຍ; ຣູປຊີວິຕິນ຺ທ຺ຣິຍໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ; ຍໍ ວຕ຺ຖຸໍ ອາມສນ຺ຕສ຺ສ ມິຈ຺ຉຕ຺ຕນິຍຕາ ຂນ຺ຘາ ອຸປ຺ປຊ຺ຊນ຺ຕິ, ຕໍ ວຕ຺ຖຸ ມິຈ຺ຉຕ຺ຕນິຍຕານໍ ຂນ຺ຘານໍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ອຘິປຕິປຈ຺ຈໂຍ

໓໓໒. ນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. ນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ. ສຫຊາຕາຘິປຕິ – ນິຍຕາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. ນິຍໂຕ ຘມ຺ໂມ ນິຍຕສ຺ສ ຈ ອນິຍຕສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໓໓໓. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ອນິຍໂຕ ຣາໂຄ ອຸປ຺ປຊ຺ຊຕິ… ທິຏ຺ຐິ ອຸປ຺ປຊ຺ຊຕິ; ປຸພ຺ເພ…ເປ… ຌານາ…ເປ… ອຣິຍາ ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອນິຍເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ອນິຍໂຕ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ອນິຍຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. ອນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ນິພ຺ພານໍ ມຄ຺ຄສ຺ສ ອຘິປຕິປຈ຺ຈເຍນ ປຈ຺ຈໂຍ. (໒)

ອນນ຺ຕຣປຈ຺ຈຍາທິ

໓໓໔. ນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ມຄ຺ໂຄ ຜລສ຺ສ ອນນ຺ຕຣປຈ຺ຈເຍນ ປຈ຺ຈໂຍ, ນິຍຕາ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອນິຍຕາ ຂນ຺ຘາ ປຈ຺ຉິມານໍ ປຈ຺ຉິມານໍ ອນິຍຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ… ຜລໍ ຜລສ຺ສ… ອນຸໂລມໍ ຜລສມາປຕ຺ຕິຍາ… ນິໂຣຘາ ວຸຏ຺ຐຫນ຺ຕສ຺ສ ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. ອນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ອນິຍຕໍ ໂທມນສ຺ສໍ ນິຍຕສ຺ສ ໂທມນສ຺ສສ຺ສ, ອນິຍຕາ ມິຈ຺ຉາທິຏ຺ຐິ ນິຍຕມິຈ຺ຉາທິຏ຺ຐິຍາ ອນນ຺ຕຣປຈ຺ຈເຍນ ປຈ຺ຈໂຍ; ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ປຎ຺ຈ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ທ຺ເວ… ນິສ຺ສຍປຈ຺ຈເຍນ ປຈ຺ຈໂຍ… ສຕ຺ຕ.

ອຸປນິສ຺ສຍປຈ຺ຈໂຍ

໓໓໕. ນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ປກຕູປນິສ຺ສໂຍ – ມາຕຸຆາຕິກມ຺ມໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ… ສງ຺ຆເຠທກມ຺ມສ຺ສ, ນິຍຕມິຈ຺ຉາທິຏ຺ຐິຍາ ອຸປນິສ຺ສຍປຈ຺ຈເຍນ ປຈ຺ຈໂຍ (ຈກ຺ກໍ). ປຐໂມ ມຄ຺ໂຄ ທຸຕິຍສ຺ສ ມຄ຺ຄສ຺ສ…ເປ… ຕຕິໂຍ ມຄ຺ໂຄ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ມາຕຣໍ ຊີວິຕາ ໂວໂຣເປຕ຺ວາ…ເປ… ສງ຺ຆໍ ຠິນ຺ທິຕ຺ວາ ຕສ຺ສ ປຏິຆາຕຕ຺ຖາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ ກໂຣຕິ, ອຣິຍາ ມຄ຺ຄໍ ອຸປນິສ຺ສາຍ ອນຸປ຺ປນ຺ນໍ ສມາປຕ຺ຕິໍ ອຸປ຺ປາເທນ຺ຕິ, ອຸປ຺ປນ຺ນໍ ສມາປຊ຺ຊນ຺ຕິ…ເປ… ຐານາຐານໂກສລ຺ລສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ມຄ຺ໂຄ ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໓໓໖. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອນິຍຕໍ ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ…ເປ… ອຸໂປສຖກມ຺ມໍ ກໂຣຕິ, ຌານໍ ອຸປ຺ປາເທຕິ, ວິປສ຺ສນໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ… ທິຏ຺ຐິໍ ຄຓ຺ຫາຕິ; ອນິຍຕໍ ສີລໍ…ເປ… ປຎ຺ຎໍ… ຣາຄໍ…ເປ… ປຕ຺ຖນໍ… ກາຍິກໍ ສຸຂໍ… ກາຍິກໍ ທຸກ຺ຂໍ… ອຸຕຸໍ… ໂຠຊນໍ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ປາຓໍ ຫນຕິ…ເປ… ນິຄມຆາຕໍ ກໂຣຕິ, ອນິຍຕາ ສທ຺ຘາ…ເປ… ເສນາສນໍ ອນິຍຕາຍ ສທ຺ຘາຍ…ເປ… ປຕ຺ຖນາຍ… ກາຍິກສ຺ສ ສຸຂສ຺ສ… ກາຍິກສ຺ສ ທຸກ຺ຂສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ອນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອນິຍຕໍ ຣາຄໍ ອຸປນິສ຺ສາຍ ມາຕຣໍ ຊີວິຕາ ໂວໂຣເປຕິ…ເປ… ສງ຺ຆໍ ຠິນ຺ທຕິ; ອນິຍຕໍ ໂທສໍ…ເປ… ເສນາສນໍ ອຸປນິສ຺ສາຍ ມາຕຣໍ ຊີວິຕາ ໂວໂຣເປຕິ…ເປ… ສງ຺ຆໍ ຠິນ຺ທຕິ; ອນິຍໂຕ ຣາໂຄ… ໂທສໍ…ເປ… ເສນາສນໍ ມາຕຸຆາຕິກມ຺ມສ຺ສ…ເປ… ສງ຺ຆເຠທກມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ປຐມສ຺ສ ມຄ຺ຄສ຺ສ ປຣິກມ຺ມໍ ປຐມສ຺ສ ມຄ຺ຄສ຺ສ…ເປ… ຈຕຸຕ຺ຖສ຺ສ ມຄ຺ຄສ຺ສ ປຣິກມ຺ມໍ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈຍາທິ

໓໓໗. ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ (ສໍຂິຕ຺ຕໍ). ອນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຣູປຊີວິຕິນ຺ທ຺ຣິຍໍ ມາຕຸຆາຕິກມ຺ມສ຺ສ… ປິຕຸຆາຕິກມ຺ມສ຺ສ… ອຣຫນ຺ຕຆາຕິກມ຺ມສ຺ສ… ຣຸຫິຣຸປ຺ປາທກມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ວຕ຺ຖຸ ນິຍຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕປຈ຺ຈເຍນ ປຈ຺ຈໂຍ… ທ຺ເວ… ອາເສວນປຈ຺ຈເຍນ ປຈ຺ຈໂຍ… ທ຺ເວ.

ກມ຺ມປຈ຺ຈໂຍ

໓໓໘. ນິຍໂຕ ຘມ຺ໂມ ນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. ນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ນິຍຕາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ນິຍຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ນິຍຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ອນິຍໂຕ ຘມ຺ໂມ ອນິຍຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ).

ວິປາກປຈ຺ຈເຍນ ປຈ຺ຈໂຍ… ເອກໍ… ອາຫາຣປຈ຺ຈເຍນ ປຈ຺ຈໂຍ… ຈຕ຺ຕາຣິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຈຕ຺ຕາຣິ… ຌານປຈ຺ຈເຍນ ປຈ຺ຈໂຍ… ຈຕ຺ຕາຣິ… ມຄ຺ຄປຈ຺ຈເຍນ ປຈ຺ຈໂຍ… ຈຕ຺ຕາຣິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ທ຺ເວ… ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ… ຕີຓິ (ອຣູປທຸກສທິສໍ)… ອຕ຺ຖິປຈ຺ຈເຍນ ປຈ຺ຈໂຍ… ສຕ຺ຕ (ອຣູປາວຈຣທຸກສທິສໍ)… ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ… ສຕ຺ຕ.