໑. ວິຠງ຺ຄວາໂຣ

ເຫຕຸປຈ຺ຈໂຍ

໒໐໖. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ກາມາວຈຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ນກາມາວຈຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ນກາມາວຈຣາ ເຫຕູ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (ມູລໍ ກາຕພ຺ພໍ.) ນກາມາວຈຣາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໓)

ອາຣມ຺ມຓປຈ຺ຈໂຍ

໒໐໗. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ…ເປ… ໂທມນສ຺ສໍ ອຸປ຺ປຊ຺ຊຕິ; ອຣິຍາ ໂຄຕ຺ຣຠຸໍ ປຈ຺ຈເວກ຺ຂນ຺ຕິ, ໂວທານໍ ປຈ຺ຈເວກ຺ຂນ຺ຕິ; ປຫີເນ ກິເລເສ…ເປ… ວິກ຺ຂມ຺ຠິເຕ ກິເລເສ…ເປ… ປຸພ຺ເພ ສຸຈິຓ຺ຓານິ…ເປ… ຈກ຺ຂຸໍ…ເປ… ວຕ຺ຖຸໍ ກາມາວຈເຣ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ເຈໂຕປຣິຍຎາເຓນ ກາມາວຈຣຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ກາມາວຈຣາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)

໒໐໘. ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ນິພ຺ພານໍ ມຄ຺ຄສ຺ສ, ຜລສ຺ສ ອາຣມ຺ມຓປຈ຺ຈເຍນ ປຈ຺ຈໂຍ; ເຈໂຕປຣິຍຎາເຓນ ນກາມາວຈຣຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ນກາມາວຈຣາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຌານາ ວຸຏ຺ຐຫິຕ຺ວາ ຌານໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ; ຜລໍ…ເປ… ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອາກາສານຎ຺ຈາຍຕນໍ ປຈ຺ຈເວກ຺ຂຕິ, ວິຎ຺ຎາຓຎ຺ຈາຍຕນໍ ປຈ຺ຈເວກ຺ຂຕິ, ອາກິຎ຺ຈຎ຺ຎາຍຕນໍ ປຈ຺ຈເວກ຺ຂຕິ, ເນວສຎ຺ຎານາສຎ຺ຎາຍຕນໍ ປຈ຺ຈເວກ຺ຂຕິ, ທິພ຺ພໍ ຈກ຺ຂຸໍ ປຈ຺ຈເວກ຺ຂຕິ, ທິພ຺ພໍ ໂສຕຘາຕຸໍ ປຈ຺ຈເວກ຺ຂຕິ, ອິທ຺ຘິວິຘຎາຓໍ ປຈ຺ຈເວກ຺ຂຕິ, ເຈໂຕປຣິຍຎາຓໍ…ເປ… ປຸພ຺ເພນິວາສານຸສ຺ສຕິຎາຓໍ…ເປ… ຍຖາກມ຺ມູປຄຎາຓໍ…ເປ… ອນາຄຕໍສຎາຓໍ ປຈ຺ຈເວກ຺ຂຕິ, ນກາມາວຈເຣ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ. (໒)

ອຘິປຕິປຈ຺ຈໂຍ

໒໐໙. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ ສຸຈິຓ຺ຓານິ ຄຣຸໍ ກຕ຺ວາ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ເສກ຺ຂາ ໂຄຕ຺ຣຠຸໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ໂວທານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ຈກ຺ຂຸໍ…ເປ… ວຕ຺ຖຸໍ ກາມາວຈເຣ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ກາມາວຈຣາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

໒໑໐. ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ນິພ຺ພານໍ ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນກາມາວຈຣາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ຌານາ ວຸຏ຺ຐຫິຕ຺ວາ ຌານໍ ຄຣຸໍ ກຕ຺ວາ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ຜລໍ…ເປ… ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ ອຘິປຕິປຈ຺ຈເຍນ ປຈ຺ຈໂຍ; ອາກາສານຎ຺ຈາຍຕນໍ ຄຣຸໍ ກຕ຺ວາ ປຈ຺ຈເວກ຺ຂຕິ ວິຎ຺ຎາຓຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ…ເປ… ເນວສຎ຺ຎານາສຎ຺ຎາຍຕນໍ ຄຣຸໍ ກຕ຺ວາ ປຈ຺ຈເວກ຺ຂຕິ, ທິພ຺ພໍ ຈກ຺ຂຸໍ…ເປ… ທິພ຺ພໍ ໂສຕຘາຕຸໍ…ເປ… ອິທ຺ຘິວິຘຎາຓໍ…ເປ… ອນາຄຕໍສຎາຓໍ ຄຣຸໍ ກຕ຺ວາ ປຈ຺ຈເວກ຺ຂຕິ, ນກາມາວຈເຣ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ນກາມາວຈຣາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ; ນກາມາວຈໂຣ ຘມ຺ໂມ ກາມາວຈຣສ຺ສ ຈ ນກາມາວຈຣສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນກາມາວຈຣາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

ອນນ຺ຕຣປຈ຺ຈຍາທິ

໒໑໑. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ກາມາວຈຣາ ຂນ຺ຘາ ປຈ຺ຉິມານໍ ປຈ຺ຉິມານໍ ກາມາວຈຣານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ… ອາວຊ຺ຊນາ ກາມາວຈຣານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ.

ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ກາມາວຈຣໍ ຈຸຕິຈິຕ຺ຕໍ ນກາມາວຈຣສ຺ສ ອຸປປຕ຺ຕິຈິຕ຺ຕສ຺ສ… ອາວຊ຺ຊນາ ນກາມາວຈຣານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ກາມາວຈຣາ ຂນ຺ຘາ ນກາມາວຈຣສ຺ສ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ປຐມສ຺ສ ຌານສ຺ສ ປຣິກມ຺ມໍ ປຐມສ຺ສ ຌານສ຺ສ ອນນ຺ຕຣປຈ຺ຈເຍນ ປຈ຺ຈໂຍ…ເປ… ຈຕຸຕ຺ຖສ຺ສ ຌານສ຺ສ…ເປ… ເນວສຎ຺ຎານາສຎ຺ຎາຍຕນສ຺ສ ປຣິກມ຺ມໍ…ເປ… ທິພ຺ພສ຺ສ ຈກ຺ຂຸສ຺ສ…ເປ… ທິພ຺ພາຍ ໂສຕຘາຕຸຍາ…ເປ… ອິທ຺ຘິວິຘຎາຓສ຺ສ…ເປ… ເຈໂຕປຣິຍຎາຓສ຺ສ…ເປ… ປຸພ຺ເພນິວາສານຸສ຺ສຕິຎາຓສ຺ສ…ເປ… ຍຖາກມ຺ມູປຄຎາຓສ຺ສ…ເປ… ອນາຄຕໍສຎາຓສ຺ສ ປຣິກມ຺ມໍ ອນາຄຕໍສຎາຓສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ… ອນຸໂລມໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໒)

໒໑໒. ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ນກາມາວຈຣາ ຂນ຺ຘາ ປຈ຺ຉິມານໍ ປຈ຺ຉິມານໍ ນກາມາວຈຣານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ມຄ຺ໂຄ ຜລສ຺ສ, ຜລໍ ຜລສ຺ສ, ນິໂຣຘາ ວຸຏ຺ຐຫນ຺ຕສ຺ສ, ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ນກາມາວຈຣໍ ຈຸຕິຈິຕ຺ຕໍ ກາມາວຈຣສ຺ສ ອຸປປຕ຺ຕິຈິຕ຺ຕສ຺ສ, ນກາມາວຈຣໍ ຠວງ຺ຄໍ ອາວຊ຺ຊນາຍ, ນກາມາວຈຣາ ຂນ຺ຘາ ກາມາວຈຣສ຺ສ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ…. (໒)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ສຕ຺ຕ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ຉ… ນິສ຺ສຍປຈ຺ຈເຍນ ປຈ຺ຈໂຍ… ສຕ຺ຕ.

ອຸປນິສ຺ສຍປຈ຺ຈໂຍ

໒໑໓. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ກາມາວຈຣໍ ສທ຺ຘໍ ອຸປນິສ຺ສາຍ ທານໍ ເທຕິ…ເປ… ສີລໍ…ເປ… ອຸໂປສຖກມ຺ມໍ…ເປ… ວິປສ຺ສນໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ກາມາວຈຣໍ ສີລໍ…ເປ… ປຎ຺ຎໍ… ຣາຄໍ…ເປ… ປຕ຺ຖນໍ… ກາຍິກໍ ສຸຂໍ… ກາຍິກໍ ທຸກ຺ຂໍ… ອຸຕຸໍ… ໂຠຊນໍ… ເສນາສນໍ ອຸປນິສ຺ສາຍ ທານໍ ເທຕິ…ເປ… ວິປສ຺ສນໍ ອຸປ຺ປາເທຕິ, ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ກາມາວຈຣາ ສທ຺ຘາ…ເປ… ເສນາສນໍ ກາມາວຈຣາຍ ສທ຺ຘາຍ…ເປ… ປຕ຺ຖນາຍ… ກາຍິກສ຺ສ ສຸຂສ຺ສ… ກາຍິກສ຺ສ ທຸກ຺ຂສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ກາມາວຈຣໍ ສທ຺ຘໍ ອຸປນິສ຺ສາຍ ນກາມາວຈຣໍ ຌານໍ ອຸປ຺ປາເທຕິ, ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ; ກາມາວຈຣໍ ສີລໍ…ເປ… ເສນາສນໍ ອຸປນິສ຺ສາຍ ນກາມາວຈຣໍ ຌານໍ ອຸປ຺ປາເທຕິ, ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ; ກາມາວຈຣາ ສທ຺ຘາ…ເປ… ເສນາສນໍ ນກາມາວຈຣາຍ ສທ຺ຘາຍ…ເປ… ປຎ຺ຎາຍ… ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ; ປຐມສ຺ສ ຌານສ຺ສ ປຣິກມ຺ມໍ ປຐມສ຺ສ ຌານສ຺ສ…ເປ… ຈຕຸຕ຺ຖສ຺ສ ຌານສ຺ສ…ເປ… ອາກາສານຎ຺ຈາຍຕນສ຺ສ…ເປ… ປຐມສ຺ສ ມຄ຺ຄສ຺ສ…ເປ… ຈຕຸຕ຺ຖສ຺ສ ມຄ຺ຄສ຺ສ ປຣິກມ຺ມໍ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໒໑໔. ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ນກາມາວຈຣໍ ສທ຺ຘໍ ອຸປນິສ຺ສາຍ ຌານໍ ອຸປ຺ປາເທຕິ, ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ; ນກາມາວຈຣໍ ສີລໍ …ເປ… ປຎ຺ຎໍ ອຸປນິສ຺ສາຍ ນກາມາວຈຣໍ ຌານໍ ອຸປ຺ປາເທຕິ…ເປ… ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ; ນກາມາວຈຣາ ສທ຺ຘາ…ເປ… ປຎ຺ຎາ ນກາມາວຈຣາຍ ສທ຺ຘາຍ…ເປ… ປຎ຺ຎາຍ, ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ; ປຐມໍ ຌານໍ ທຸຕິຍສ຺ສ ຌານສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ…ເປ… ຕຕິຍໍ ຌານໍ…ເປ… ຈຕຸຕ຺ຖໍ ຌານໍ…ເປ… ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ …ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ປຐໂມ ມຄ຺ໂຄ ທຸຕິຍສ຺ສ ມຄ຺ຄສ຺ສ…ເປ… ທຸຕິໂຍ ມຄ຺ໂຄ ຕຕິຍສ຺ສ ມຄ຺ຄສ຺ສ…ເປ… ຕຕິໂຍ ມຄ຺ໂຄ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ມຄ຺ໂຄ ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ນກາມາວຈຣໍ ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ…ເປ… ອຸໂປສຖກມ຺ມໍ…ເປ… ວິປສ຺ສນໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ນກາມາວຈຣໍ ສີລໍ…ເປ… ປຎ຺ຎໍ ອຸປນິສ຺ສາຍ ທານໍ ເທຕິ, ສີລໍ…ເປ… ອຸໂປສຖກມ຺ມໍ…ເປ… ວິປສ຺ສນໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ນກາມາວຈຣາ ສທ຺ຘາ…ເປ… ປຎ຺ຎາ ກາມາວຈຣາຍ ສທ຺ຘາຍ…ເປ… ປຎ຺ຎາຍ, ຣາຄສ຺ສ…ເປ… ປຕ຺ຖນາຍ ກາຍິກສ຺ສ ສຸຂສ຺ສ, ກາຍິກສ຺ສ ທຸກ຺ຂສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ອຣິຍາ ມຄ຺ຄໍ ອຸປນິສ຺ສາຍ ສງ຺ຂາເຣ ອນິຈ຺ຈໂຕ…ເປ… ວິປສ຺ສນ຺ຕິ, ມຄ຺ໂຄ ອຣິຍານໍ ອຕ຺ຖປຏິສມ຺ຠິທາຍ… ຘມ຺ມປຏິສມ຺ຠິທາຍ… ນິຣຸຕ຺ຕິປຏິສມ຺ຠິທາຍ… ປຏິຠານປຏິສມ຺ຠິທາຍ… ຐານາຐານໂກສລ຺ລສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ຜລສມາປຕ຺ຕິ ກາຍິກສ຺ສ ສຸຂສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈຍາທິ

໒໑໕. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ …ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ກາມາວຈຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ວຕ຺ຖຸປຸເຣຊາຕໍ – ວຕ຺ຖຸ ນກາມາວຈຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕປຈ຺ຈເຍນ ປຈ຺ຈໂຍ… ທ຺ເວ… ອາເສວນປຈ຺ຈເຍນ ປຈ຺ຈໂຍ… ຕີຓິ.

ກມ຺ມປຈ຺ຈຍາທິ

໒໑໖. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ).

ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ). ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ). ນກາມາວຈໂຣ ຘມ຺ໂມ ກາມາວຈຣສ຺ສ ຈ ນກາມາວຈຣສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ). (໓)

ວິປາກປຈ຺ຈເຍນ ປຈ຺ຈໂຍ… ຈຕ຺ຕາຣິ… ອາຫາຣປຈ຺ຈເຍນ ປຈ຺ຈໂຍ… ຈຕ຺ຕາຣິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຈຕ຺ຕາຣິ… ຌານປຈ຺ຈເຍນ ປຈ຺ຈໂຍ… ຈຕ຺ຕາຣິ… ມຄ຺ຄປຈ຺ຈເຍນ ປຈ຺ຈໂຍ… ຈຕ຺ຕາຣິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ທ຺ເວ.

ວິປ຺ປຍຸຕ຺ຕປຈ຺ຈໂຍ

໒໑໗. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ (ສໍຂິຕ຺ຕໍ) ປຏິສນ຺ຘິກ຺ຂເຓ ວຕ຺ຖຸ ນກາມາວຈຣານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ນກາມາວຈຣານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ນກາມາວຈຣາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ປຈ຺ຉາຊາຕາ – ນກາມາວຈຣາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອຕ຺ຖິປຈ຺ຈຍາທິ

໒໑໘. ກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). ກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ປຏິສນ຺ຘິກ຺ຂເຓ ວຕ຺ຖຸ ນກາມາວຈຣານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… (ປຸເຣຊາຕສທິສໍ). (໒)

ນກາມາວຈໂຣ ຘມ຺ໂມ ນກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ (ສໍຂິຕ຺ຕໍ). ນກາມາວຈໂຣ ຘມ຺ໂມ ກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ວິປ຺ປຍຸຕ຺ຕສທິສໍ). ນກາມາວຈໂຣ ຘມ຺ໂມ ກາມາວຈຣສ຺ສ ຈ ນກາມາວຈຣສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ). (໓)

໒໑໙. ກາມາວຈໂຣ ຈ ນກາມາວຈໂຣ ຈ ຘມ຺ມາ ກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ນກາມາວຈຣາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ປຈ຺ຉາຊາຕາ – ນກາມາວຈຣາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ນກາມາວຈຣາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ກາມາວຈໂຣ ຈ ນກາມາວຈໂຣ ຈ ຘມ຺ມາ ນກາມາວຈຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ນກາມາວຈໂຣ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ… ປຏິສນ຺ຘິກ຺ຂເຓ…ເປ…. ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ. (໒)