໑. ວິຠງ຺ຄວາໂຣ

ເຫຕຸປຈ຺ຈໂຍ

໑໑໖. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ສວິຕກ຺ກາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ສວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ສວິຕກ຺ກາ ເຫຕູ ວິຕກ຺ກສ຺ສ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (ມູລໍ ກາຕພ຺ພໍ.) ສວິຕກ຺ກາ ເຫຕູ ສມ຺ປຍຸຕ຺ຕການໍ ຂນ຺ຘານໍ ວິຕກ຺ກສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… (໓)

ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອວິຕກ຺ກາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໑໑໗. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ສວິຕກ຺ເກ ຂນ຺ເຘ ອາຣພ຺ຠ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ອາຣພ຺ຠ ອວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ອາຣພ຺ຠ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໓)

໑໑໘. ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ ອວິຕກ຺ກໍ ຌານໍ ປຈ຺ຈເວກ຺ຂນ຺ຕິ, ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລາ ວຸຏ຺ຐຫິຕ຺ວາ ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ອວິຕກ຺ກສ຺ສ ມຄ຺ຄສ຺ສ, ຜລສ຺ສ, ວິຕກ຺ກສ຺ສ ຈ ອາຣມ຺ມຓປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ວິຕກ຺ໂກ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ເຈໂຕປຣິຍຎາເຓນ ອວິຕກ຺ກຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ…ເປ… ອວິຕກ຺ກາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ວິຕກ຺ກສ຺ສ ຈ ອາຣມ຺ມຓປຈ຺ຈເຍນ ປຈ຺ຈໂຍ; ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ອວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໑)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ…ເປ… ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ສວິຕກ຺ກສ຺ສ ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ; ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. (໒)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ…ເປ… ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ສວິຕກ຺ກສ຺ສ ມຄ຺ຄສ຺ສ, ຜລສ຺ສ, ອາວຊ຺ຊນາຍ, ວິຕກ຺ກສ຺ສ ຈ ອາຣມ຺ມຓປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ, ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໓)

໑໑໙. ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ອວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ອາຣພ຺ຠ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໓)

ອຘິປຕິປຈ຺ຈໂຍ

໑໒໐. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ສວິຕກ຺ເກ ຂນ຺ເຘ ຄຣຸໍ ກຕ຺ວາ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ສວິຕກ຺ກາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ສວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ສວິຕກ຺ເກ ຂນ຺ເຘ ຄຣຸໍ ກຕ຺ວາ ວິຕກ຺ໂກ ອຸປ຺ປຊ຺ຊຕິ. ສຫຊາຕາຘິປຕິ – ສວິຕກ຺ກາຘິປຕິ ວິຕກ຺ກສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ສວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ສວິຕກ຺ເກ ຂນ຺ເຘ ຄຣຸໍ ກຕ຺ວາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. ສຫຊາຕາຘິປຕິ – ສວິຕກ຺ກາຘິປຕິ ສມ຺ປຍຸຕ຺ຕການໍ ຂນ຺ຘານໍ ວິຕກ຺ກສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໑໒໑. ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ…ເປ… ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ອວິຕກ຺ກສ຺ສ ມຄ຺ຄສ຺ສ, ຜລສ຺ສ, ວິຕກ຺ກສ຺ສ ຈ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ວິຕກ຺ໂກ ອຸປ຺ປຊ຺ຊຕິ. ສຫຊາຕາຘິປຕິ – ອວິຕກ຺ກາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ…ເປ… ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ສວິຕກ຺ກສ຺ສ ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. (໒)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ອຣິຍາ ອວິຕກ຺ກາ ຌານາ ວຸຏ຺ຐຫິຕ຺ວາ…ເປ… ມຄ຺ຄາ ວຸຏ຺ຐຫິຕ຺ວາ…ເປ… ຜລາ ວຸຏ຺ຐຫິຕ຺ວາ ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ສວິຕກ຺ກສ຺ສ ມຄ຺ຄສ຺ສ, ຜລສ຺ສ, ວິຕກ຺ກສ຺ສ ຈ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ; ອວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໓)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ວິຕກ຺ໂກ ອຸປ຺ປຊ຺ຊຕິ. (ມູລໍ ກາຕພ຺ພໍ.) ສວິຕກ຺ເກ ຂນ຺ເຘ ຈ ວິຕກ຺ກຎ຺ຈ ຄຣຸໍ ກຕ຺ວາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. (໓)

ອນນ຺ຕຣປຈ຺ຈຍາທິ

໑໒໒. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ສວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ປຈ຺ຉິມສ຺ສ ປຈ຺ຉິມສ຺ສ ວິຕກ຺ກສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ສວິຕກ຺ກໍ ຈຸຕິຈິຕ຺ຕໍ ອວິຕກ຺ກສ຺ສ ອຸປປຕ຺ຕິຈິຕ຺ຕສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ອາວຊ຺ຊນາ ປຎ຺ຈນ຺ນໍ ວິຎ຺ຎາຓານໍ ອນນ຺ຕຣປຈ຺ຈເຍນ ປຈ຺ຈໂຍ; ສວິຕກ຺ກາ ຂນ຺ຘາ ອວິຕກ຺ກສ຺ສ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ທຸຕິຍສ຺ສ ຌານສ຺ສ ປຣິກມ຺ມໍ ທຸຕິຍສ຺ສ ຌານສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ຕຕິຍສ຺ສ ຌານສ຺ສ ປຣິກມ຺ມໍ…ເປ… ເນວສຎ຺ຎານາສຎ຺ຎາຍຕນສ຺ສ ປຣິກມ຺ມໍ ເນວສຎ຺ຎານາສຎ຺ຎາຍຕນສ຺ສ…ເປ… ທິພ຺ພສ຺ສ ຈກ຺ຂຸສ຺ສ ປຣິກມ຺ມໍ…ເປ… ທິພ຺ພາຍ ໂສຕຘາຕຸຍາ ປຣິກມ຺ມໍ…ເປ… ອິທ຺ຘິວິຘຎາຓສ຺ສ ປຣິກມ຺ມໍ…ເປ… ເຈໂຕປຣິຍຎາຓສ຺ສ ປຣິກມ຺ມໍ…ເປ… ປຸພ຺ເພນິວາສານຸສ຺ສຕິຎາຓສ຺ສ ປຣິກມ຺ມໍ…ເປ… ຍຖາກມ຺ມູປຄຎາຓສ຺ສ ປຣິກມ຺ມໍ ຍຖາກມ຺ມູປຄຎາຓສ຺ສ…ເປ… ອນາຄຕໍສຎາຓສ຺ສ ປຣິກມ຺ມໍ ອນາຄຕໍສຎາຓສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ໂຄຕ຺ຣຠຸ ອວິຕກ຺ກສ຺ສ ມຄ຺ຄສ຺ສ… ໂວທານໍ ອວິຕກ຺ກສ຺ສ ມຄ຺ຄສ຺ສ… ອນຸໂລມໍ ອວິຕກ຺ກາຍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອນນ຺ຕຣປຈ຺ຈເຍນ ປຈ຺ຈໂຍ. (໓)

໑໒໓. ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິໂມ ປຸຣິໂມ ວິຕກ຺ໂກ ປຈ຺ຉິມສ຺ສ ປຈ຺ຉິມສ຺ສ ວິຕກ຺ກສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ປຸຣິມາ ປຸຣິມາ ອວິຕກ຺ກາ ຂນ຺ຘາ ປຈ຺ຉິມານໍ ປຈ຺ຉິມານໍ ອວິຕກ຺ການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອວິຕກ຺ໂກ ມຄ຺ໂຄ ອວິຕກ຺ກສ຺ສ ຜລສ຺ສ…ເປ… ອວິຕກ຺ກໍ ຜລໍ ອວິຕກ຺ກສ຺ສ ຜລສ຺ສ …ເປ… ນິໂຣຘາ ວຸຏ຺ຐຫນ຺ຕສ຺ສ ເນວສຎ຺ຎານາສຎ຺ຎາຍຕນໍ ອວິຕກ຺ກາຍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິໂມ ປຸຣິໂມ ວິຕກ຺ໂກ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອວິຕກ຺ກໍ ຈຸຕິຈິຕ຺ຕໍ ສວິຕກ຺ກສ຺ສ ອຸປປຕ຺ຕິຈິຕ຺ຕສ຺ສ, ອວິຕກ຺ກໍ ຠວງ຺ຄໍ ອາວຊ຺ຊນາຍ, ອວິຕກ຺ກາ ຂນ຺ຘາ ສວິຕກ຺ກສ຺ສ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໒)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິໂມ ປຸຣິໂມ ວິຕກ຺ໂກ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອນນ຺ຕຣປຈ຺ຈເຍນ ປຈ຺ຈໂຍ. (໓)

໑໒໔. ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ອວິຕກ຺ກສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ປຈ຺ຉິມສ຺ສ ປຈ຺ຉິມສ຺ສ ວິຕກ຺ກສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ສວິຕກ຺ກໍ ຈຸຕິຈິຕ຺ຕຎ຺ຈ ວິຕກ຺ໂກ ຈ ອວິຕກ຺ກສ຺ສ ອຸປປຕ຺ຕິຈິຕ຺ຕສ຺ສ…ເປ… ອາວຊ຺ຊນາ ຈ ວິຕກ຺ໂກ ຈ ປຎ຺ຈນ຺ນໍ ວິຎ຺ຎາຓານໍ…ເປ… ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອວິຕກ຺ກສ຺ສ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ; ທຸຕິຍສ຺ສ ຌານສ຺ສ ປຣິກມ຺ມຎ຺ຈ ວິຕກ຺ໂກ ຈ…ເປ… (ເຫຏ຺ຐາ ລິຂິຕໍ ເລຂໍ ອິມິນາ ກາຣເຓນ ທຏ຺ຐພ຺ພໍ); ອນຸໂລມຎ຺ຈ ວິຕກ຺ໂກ ຈ ອວິຕກ຺ກາຍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ປຈ຺ຉິມານໍ ປຈ຺ຉິມານໍ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອນນ຺ຕຣປຈ຺ຈເຍນ ປຈ຺ຈໂຍ. (໓)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ນວ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ນວ… ນິສ຺ສຍປຈ຺ຈເຍນ ປຈ຺ຈໂຍ… ນວ.

ອຸປນິສ຺ສຍປຈ຺ຈໂຍ

໑໒໕. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສວິຕກ຺ກາ ຂນ຺ຘາ ສວິຕກ຺ການໍ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ສວິຕກ຺ກາ ຂນ຺ຘາ ອວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ສວິຕກ຺ກາ ຂນ຺ຘາ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

໑໒໖. ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອວິຕກ຺ກໍ ສທ຺ຘໍ ອຸປນິສ຺ສາຍ ອວິຕກ຺ກໍ ຌານໍ ອຸປ຺ປາເທຕິ, ມຄ຺ຄໍ ອຸປ຺ປາເທຕິ, ອຠິຎ຺ຎໍ ອຸປ຺ປາເທຕິ, ສມາປຕ຺ຕິໍ ອຸປ຺ປາເທຕິ; ອວິຕກ຺ກໍ ສີລໍ…ເປ… ປຎ຺ຎໍ… ກາຍິກໍ ສຸຂໍ… ກາຍິກໍ ທຸກ຺ຂໍ… ອຸຕຸໍ… ໂຠຊນໍ… ເສນາສນໍ ວິຕກ຺ກໍ ອຸປນິສ຺ສາຍ ອວິຕກ຺ກໍ ຌານໍ ອຸປ຺ປາເທຕິ, ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ; ອວິຕກ຺ກາ ສທ຺ຘາ…ເປ… ເສນາສນໍ ວິຕກ຺ໂກ ຈ ອວິຕກ຺ກາຍ ສທ຺ຘາຍ…ເປ… ປຎ຺ຎາຍ… ກາຍິກສ຺ສ ສຸຂສ຺ສ… ກາຍິກສ຺ສ ທຸກ຺ຂສ຺ສ… ອວິຕກ຺ກສ຺ສ ມຄ຺ຄສ຺ສ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ (ຕີຓິປິ ອຸປນິສ຺ສຍາ ສພ຺ພຕ຺ຖ ກາຕພ຺ພາ). ອວິຕກ຺ກໍ ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ ສມາທິຍຕິ, ອຸໂປສຖກມ຺ມໍ ກໂຣຕິ; ສວິຕກ຺ກໍ ຌານໍ ອຸປ຺ປາເທຕິ, ວິປສ຺ສນໍ…ເປ… ມຄ຺ຄໍ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ອວິຕກ຺ກໍ ສີລໍ…ເປ… ເສນາສນໍ ວິຕກ຺ກໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ອວິຕກ຺ກາ ສທ຺ຘາ…ເປ… ເສນາສນໍ ວິຕກ຺ໂກ ຈ ສວິຕກ຺ກາຍ ສທ຺ຘາຍ…ເປ… ປຎ຺ຎາຍ… ຣາຄສ຺ສ…ເປ… ປຕ຺ຖນາຍ ສວິຕກ຺ກສ຺ສ ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອວິຕກ຺ກໍ ສທ຺ຘໍ ອຸປນິສ຺ສາຍ ທານໍ ເທຕິ…ເປ… (ທຸຕິຍວາເຣ ລິຂິຕປທາ ສພ຺ເພ ກາຕພ຺ພາ) ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ປຎ຺ຎໍ…ເປ… ເສນາສນໍ ວິຕກ຺ກໍ ອຸປນິສ຺ສາຍ ທານໍ ເທຕິ…ເປ… ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ອວິຕກ຺ກາ ສທ຺ຘາ…ເປ… ເສນາສນໍ ວິຕກ຺ໂກ ຈ ສວິຕກ຺ກາຍ ສທ຺ຘາຍ…ເປ… ປຎ຺ຎາຍ… ຣາຄສ຺ສ …ເປ… ປຕ຺ຖນາຍ ສວິຕກ຺ກສ຺ສ ມຄ຺ຄສ຺ສ, ຜລສມາປຕ຺ຕິຍາ ວິຕກ຺ກສ຺ສ ຈ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

໑໒໗. ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ສວິຕກ຺ກາ ຂນ຺ຘາ ຈ ວິຕກ຺ໂກ ຈ ສວິຕກ຺ການໍ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ສວິຕກ຺ກາ ຂນ຺ຘາ ຈ ວິຕກ຺ໂກ ຈ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

ປຸເຣຊາຕປຈ຺ຈໂຍ

໑໒໘. ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ວິຕກ຺ໂກ ອຸປ຺ປຊ຺ຊຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ອວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ປຸເຣຊາຕປຈ຺ຈເຍນ ປຈ຺ຈໂຍ.

ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ສວິຕກ຺ກາ ຂນ຺ຘາ ອຸປ຺ປຊ຺ຊນ຺ຕິ. ວຕ຺ຖຸປຸເຣຊາຕໍ – ວຕ຺ຖຸ ສວິຕກ຺ການໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ.

ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ສວິຕກ຺ກາ ຂນ຺ຘາ ຈ ວິຕກ຺ໂກ ຈ ອຸປ຺ປຊ຺ຊນ຺ຕິ. ວຕ຺ຖຸປຸເຣຊາຕໍ – ວຕ຺ຖຸ ສວິຕກ຺ການໍ ຂນ຺ຘານໍ ວິຕກ຺ກສ຺ສ ຈ ປຸເຣຊາຕປຈ຺ຈເຍນ ປຈ຺ຈໂຍ. (໓)

ປຈ຺ຉາຊາຕາເສວນປຈ຺ຈຍາ

໑໒໙. ສວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ຕີຓິ, ປຈ຺ຉາຊາຕາ)… ອາເສວນປຈ຺ຈເຍນ ປຈ຺ຈໂຍ… ນວ.

ກມ຺ມປຈ຺ຈຍາທິ

໑໓໐. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ສວິຕກ຺ກາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ສວິຕກ຺ກາ ເຈຕນາ ວິປາການໍ ສວິຕກ຺ການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (ເອວໍ ຈຕ຺ຕາຣິ, ສຫຊາຕາປິ ນານາກ຺ຂຓິກາປິ ກາຕພ຺ພາ.)

ວິປາກປຈ຺ຈເຍນ ປຈ຺ຈໂຍ… ນວ… ອາຫາຣປຈ຺ຈເຍນ ປຈ຺ຈໂຍ… ຈຕ຺ຕາຣິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຈຕ຺ຕາຣິ… ຌານປຈ຺ຈເຍນ ປຈ຺ຈໂຍ… ນວ… ມຄ຺ຄປຈ຺ຈເຍນ ປຈ຺ຈໂຍ… ນວ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ຉ.

໑໓໑. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ສໍຂິຕ຺ຕໍ). ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ປຏິສນ຺ຘິກ຺ຂເຓ ວຕ຺ຖຸ ວິຕກ຺ກສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ວິຕກ຺ກສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ອວິຕກ຺ກສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ).

ອຕ຺ຖິປຈ຺ຈຍາທິ

໑໓໒. ສວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ເອກໍ, ປຏິຈ຺ຈສທິສໍ). ສວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). ສວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ). (໓)

ອວິຕກ຺ໂກ ຘມ຺ໂມ ອວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). ອວິຕກ຺ໂກ ຘມ຺ໂມ ສວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ສໍຂິຕ຺ຕໍ). ອວິຕກ຺ໂກ ຘມ຺ໂມ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ວິຕກ຺ໂກ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ວິຕກ຺ໂກ ສມ຺ປຍຸຕ຺ຕການໍ ຂນ຺ຘານໍ ກຏຕ຺ຕາ ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ, ປຏິສນ຺ຘິກ຺ຂເຓ ວຕ຺ຖຸ ວິຕກ຺ກສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ວິຕກ຺ໂກ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ, ວຕ຺ຖຸ ວິຕກ຺ກສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໓)

໑໓໓. ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ສວິຕກ຺ໂກ ເອໂກ ຂນ຺ໂຘ ຈ ວິຕກ຺ໂກ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. ສຫຊາໂຕ – ສວິຕກ຺ໂກ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ… (ປຏິສນ຺ຘິກ຺ຂເຓ ສຫຊາຕາປິ ທ຺ເວປິ ກາຕພ຺ພາ). (໑)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ອວິຕກ຺ກສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ສວິຕກ຺ກາ ຂນ຺ຘາ ຈ ວິຕກ຺ໂກ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ສຫຊາຕາ – ສວິຕກ຺ກາ ຂນ຺ຘາ ຈ ວຕ຺ຖຸ ຈ ວິຕກ຺ກສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິສນ຺ຘິກ຺ຂເຓ, ຕີຓິ). ປຈ຺ຉາຊາຕາ – ສວິຕກ຺ກາ ຂນ຺ຘາ ຈ ວິຕກ຺ໂກ ຈ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ສວິຕກ຺ກາ ຂນ຺ຘາ ຈ ວິຕກ຺ໂກ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ສວິຕກ຺ກາ ຂນ຺ຘາ ຈ ວິຕກ຺ໂກ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໓)

ສວິຕກ຺ໂກ ຈ ອວິຕກ຺ໂກ ຈ ຘມ຺ມາ ສວິຕກ຺ກສ຺ສ ຈ ອວິຕກ຺ກສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ສວິຕກ຺ໂກ ເອໂກ ຂນ຺ໂຘ ຈ ວິຕກ຺ໂກ ຈ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. ສຫຊາໂຕ – ສວິຕກ຺ໂກ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ວິຕກ຺ກສ຺ສ ຈ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ… (ປຏິສນ຺ຘິຍາປິ ທ຺ເວ). (໓)

ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ.