໑. ວິຠງ຺ຄວາໂຣ

ເຫຕຸປຈ຺ຈໂຍ

໑໓. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ນທສ຺ສເນນ ປຫາຕພ຺ພາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໑໔. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທສ຺ສເນນ ປຫາຕພ຺ພໍ ຣາຄໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ ອຸປ຺ປຊ຺ຊຕິ, ທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ; ທສ຺ສເນນ ປຫາຕພ຺ພໍ ທິຏ຺ຐິໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ໂທມນສ຺ສໍ ອຸປ຺ປຊ຺ຊຕິ; ວິຈິກິຈ຺ຉໍ ອາຣພ຺ຠ ວິຈິກິຈ຺ຉາ ອຸປ຺ປຊ຺ຊຕິ, ທິຏ຺ຐິ…ເປ… ໂທມນສ຺ສໍ ອຸປ຺ປຊ຺ຊຕິ; ທສ຺ສເນນ ປຫາຕພ຺ພໍ ໂທມນສ຺ສໍ ອາຣພ຺ຠ ທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ວິຈິກິຈ຺ຉາ ອຸປ຺ປຊ຺ຊຕິ. (໑)

ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ທສ຺ສເນນ ປຫາຕພ຺ເພ ປຫີເນ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ…ເປ… ທສ຺ສເນນ ປຫາຕພ຺ເພ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ເຈໂຕປຣິຍຎາເຓນ ທສ຺ສເນນ ປຫາຕພ຺ພຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ທສ຺ສເນນ ປຫາຕພ຺ພາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

໑໕. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ນທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ; ອຸທ຺ຘຈ຺ຈໍ…ເປ… ນທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ, ປຸພ຺ເພ ສຸຈິຓ຺ຓານິ…ເປ… ຌານາ …ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ…ເປ… ຜລສ຺ສ ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ນທສ຺ສເນນ ປຫາຕພ຺ເພ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ…ເປ… ປຸພ຺ເພ…ເປ… ຈກ຺ຂຸໍ…ເປ… ວຕ຺ຖຸໍ ນທສ຺ສເນນ ປຫາຕພ຺ເພ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ນທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ອຸທ຺ຘຈ຺ຈໍ…ເປ… ນທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ…ເປ… ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ…ເປ… ຈກ຺ຂຸໍ …ເປ… ວຕ຺ຖຸໍ ນທສ຺ສເນນ ປຫາຕພ຺ເພ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ. (໒)

ອຘິປຕິປຈ຺ຈໂຍ

໑໖. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທສ຺ສເນນ ປຫາຕພ຺ພໍ ຣາຄໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ທິຏ຺ຐິໍ ຄຣຸໍ ກຕ຺ວາ…ເປ…. ສຫຊາຕາຘິປຕິ – ທສ຺ສເນນ ປຫາຕພ຺ພາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ທສ຺ສເນນ ປຫາຕພ຺ພາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຈ ນທສ຺ສເນນ ປຫາຕພ຺ພສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ທສ຺ສເນນ ປຫາຕພ຺ພາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໑໗. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ ວຸຏ຺ຐຫິຕ຺ວາ ຌານໍ ຄຣຸໍ ກຕ຺ວາ ປຈ຺ຈເວກ຺ຂຕິ, ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ນທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ…ເປ… ຜລສ຺ສ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ນທສ຺ສເນນ ປຫາຕພ຺ເພ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ນທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ. ສຫຊາຕາຘິປຕິ – ນທສ຺ສເນນ ປຫາຕພ຺ພາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ທານໍ ທຕ຺ວາ…ເປ… ຌານໍ…ເປ… ຈກ຺ຂຸໍ…ເປ… ວຕ຺ຖຸໍ ນທສ຺ສເນນ ປຫາຕພ຺ເພ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ທສ຺ສເນນ ປຫາຕພ຺ໂພ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. (໒)

ອນນ຺ຕຣປຈ຺ຈໂຍ

໑໘. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ທສ຺ສເນນ ປຫາຕພ຺ພາ ຂນ຺ຘາ ປຈ຺ຉິມານໍ ປຈ຺ຉິມານໍ ທສ຺ສເນນ ປຫາຕພ຺ພານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ທສ຺ສເນນ ປຫາຕພ຺ພາ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ປຸຣິມາ ປຸຣິມາ ນທສ຺ສເນນ ປຫາຕພ຺ພາ ຂນ຺ຘາ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) ອາວຊ຺ຊນາ ທສ຺ສເນນ ປຫາຕພ຺ພານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ປຎ຺ຈ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ທ຺ເວ… ນິສ຺ສຍປຈ຺ຈເຍນ ປຈ຺ຈໂຍ… ສຕ຺ຕ.

ອຸປນິສ຺ສຍປຈ຺ຈໂຍ

໑໙. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ທສ຺ສເນນ ປຫາຕພ຺ພໍ ຣາຄໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ທສ຺ສເນນ ປຫາຕພ຺ພໍ ໂທສໍ… ໂມຫໍ… ທິຏ຺ຐິໍ… ປຕ຺ຖນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ທສ຺ສເນນ ປຫາຕພ຺ໂພ ຣາໂຄ…ເປ… ປຕ຺ຖນາ ທສ຺ສເນນ ປຫາຕພ຺ພສ຺ສ ຣາຄສ຺ສ…ເປ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ທສ຺ສເນນ ປຫາຕພ຺ພໍ ຣາຄໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ ທສ຺ສເນນ ປຫາຕພ຺ພໍ ໂທສໍ… ໂມຫໍ… ທິຏ຺ຐິໍ… ປຕ຺ຖນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ; ທສ຺ສເນນ ປຫາຕພ຺ໂພ ຣາໂຄ…ເປ… ປຕ຺ຖນາ ສທ຺ຘາຍ…ເປ… ປຎ຺ຎາຍ ນທສ຺ສເນນ ປຫາຕພ຺ພສ຺ສ ຣາຄສ຺ສ… ໂທສສ຺ສ… ໂມຫສ຺ສ… ມານສ຺ສ … ປຕ຺ຖນາຍ… ກາຍິກສ຺ສ ສຸຂສ຺ສ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໒໐. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ; ສີລໍ…ເປ… ປຎ຺ຎໍ, ນທສ຺ສເນນ ປຫາຕພ຺ພໍ ຣາຄໍ… ໂທສໍ… ໂມຫໍ… ມານໍ… ປຕ຺ຖນໍ… ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ; ສທ຺ຘາ…ເປ… ປຎ຺ຎາ, ນທສ຺ສເນນ ປຫາຕພ຺ໂພ ຣາໂຄ…ເປ… ປຕ຺ຖນາ… ກາຍິກໍ ສຸຂໍ…ເປ… ເສນາສນໍ ສທ຺ຘາຍ…ເປ… ປຎ຺ຎາຍ ນທສ຺ສເນນ ປຫາຕພ຺ພສ຺ສ ຣາຄສ຺ສ…ເປ… ປຕ຺ຖນາຍ… ກາຍິກສ຺ສ ສຸຂສ຺ສ… ກາຍິກສ຺ສ ທຸກ຺ຂສ຺ສ… ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທິຏ຺ຐິໍ ຄຓ຺ຫາຕິ; ສີລໍ…ເປ… ປຎ຺ຎໍ ອຸປນິສ຺ສາຍ ທິຏ຺ຐິໍ ຄຓ຺ຫາຕິ, ນທສ຺ສເນນ ປຫາຕພ຺ພໍ ຣາຄໍ… ໂທສໍ… ໂມຫໍ… ມານໍ… ປຕ຺ຖນໍ… ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ທສ຺ສເນນ ປຫາຕພ຺ພສ຺ສ ຣາຄສ຺ສ… ໂທສສ຺ສ… ໂມຫສ຺ສ… ທິຏ຺ຐິຍາ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈໂຍ

໒໑. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ນທສ຺ສເນນ ປຫາຕພ຺ໂພ ຣາໂຄ …ເປ… ອຸທ຺ຘຈ຺ຈໍ…ເປ… ນທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ …ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ນທສ຺ສເນນ ປຫາຕພ຺ພານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ທສ຺ສເນນ ປຫາຕພ຺ໂພ ຣາໂຄ…ເປ… ທິຏ຺ຐິ…ເປ… ວິຈິກິຈ຺ຉາ…ເປ… ທສ຺ສເນນ ປຫາຕພ຺ພໍ ໂທມນສ຺ສໍ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ວຕ຺ຖຸ ທສ຺ສເນນ ປຫາຕພ຺ພານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕາເສວນປຈ຺ຈຍາ

໒໒. ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ)… ອາເສວນປຈ຺ຈເຍນ ປຈ຺ຈໂຍ… ທ຺ເວ.

ກມ຺ມປຈ຺ຈໂຍ

໒໓. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ທສ຺ສເນນ ປຫາຕພ຺ພາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ທສ຺ສເນນ ປຫາຕພ຺ພາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ທສ຺ສເນນ ປຫາຕພ຺ພາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຈ ນທສ຺ສເນນ ປຫາຕພ຺ພສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ທສ຺ສເນນ ປຫາຕພ຺ພາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

໒໔. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ນທສ຺ສເນນ ປຫາຕພ຺ພາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ນທສ຺ສເນນ ປຫາຕພ຺ພາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ.

ວິປາກປຈ຺ຈຍາທິ

໒໕. ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ… ເອກໍ… ອາຫາຣປຈ຺ຈເຍນ ປຈ຺ຈໂຍ… ຈຕ຺ຕາຣິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຈຕ຺ຕາຣິ… ຌານປຈ຺ຈເຍນ ປຈ຺ຈໂຍ… ຈຕ຺ຕາຣິ… ມຄ຺ຄປຈ຺ຈເຍນ ປຈ຺ຈໂຍ… ຈຕ຺ຕາຣິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ທ຺ເວ.

ວິປ຺ປຍຸຕ຺ຕປຈ຺ຈໂຍ

໒໖. ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ).

ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ທສ຺ສເນນ ປຫາຕພ຺ພານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ອຕ຺ຖິປຈ຺ຈຍາທິ

໒໗. ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ). ທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). ທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຈ ນທສ຺ສເນນ ປຫາຕພ຺ພສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິຈ຺ຈວາຣສທິສາ). (໓)

ນທສ຺ສເນນ ປຫາຕພ຺ໂພ ຘມ຺ໂມ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). ນທສ຺ສເນນ ປຫາຕພ຺ໂພ ຘມ຺ໂມ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… (ສໍຂິຕ຺ຕໍ, ປຸເຣຊາຕສທິສໍ). (໒)

໒໘. ທສ຺ສເນນ ປຫາຕພ຺ໂພ ຈ ນທສ຺ສເນນ ປຫາຕພ຺ໂພ ຈ ຘມ຺ມາ ທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ທສ຺ສເນນ ປຫາຕພ຺ໂພ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. (໑)

ທສ຺ສເນນ ປຫາຕພ຺ໂພ ຈ ນທສ຺ສເນນ ປຫາຕພ຺ໂພ ຈ ຘມ຺ມາ ນທສ຺ສເນນ ປຫາຕພ຺ພສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ທສ຺ສເນນ ປຫາຕພ຺ພາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ທສ຺ສເນນ ປຫາຕພ຺ພາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ທສ຺ສເນນ ປຫາຕພ຺ພາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ນຕ຺ຖິປຈ຺ຈເຍນ ປຈ຺ຈໂຍ, ວິຄຕປຈ຺ຈເຍນ ປຈ຺ຈໂຍ, ອວິຄຕປຈ຺ຈເຍນ ປຈ຺ຈໂຍ.