໑-໗. ປຏິຈ຺ຈວາຣາທິ

ເຫຕຸປຈ຺ຈໂຍ

໒໑. ອກຸສລໍ ກິເລສຎ຺ເຈວ ສໍກິເລສິກຎ຺ຈ ຘມ຺ມໍ ປຏິຈ຺ຈ ອກຸສໂລ ກິເລໂສ ເຈວ ສໍກິເລສິໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

ເຫຕຸຍາ ເອກໍ…ເປ… ອວິຄເຕ ເອກໍ (ສໍຂິຕ຺ຕໍ).

(ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ເອກໍ.)

໒໒. ກຸສລໍ ສໍກິເລສິກຎ຺ເຈວ ໂນ ຈ ກິເລສໍ ຘມ຺ມໍ ປຏິຈ຺ຈ ກຸສໂລ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອກຸສລໍ ສໍກິເລສິກຎ຺ເຈວ ໂນ ຈ ກິເລສໍ ຘມ຺ມໍ ປຏິຈ຺ຈ ອກຸສໂລ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ສໍກິເລສິກຎ຺ເຈວ ໂນ ຈ ກິເລສໍ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ກຸສລໍ ສໍກິເລສິກຎ຺ເຈວ ໂນ ຈ ກິເລສຎ຺ຈ ອພ຺ຍາກຕໍ ສໍກິເລສິກຎ຺ເຈວ ໂນ ຈ ກິເລສຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ສໍກິເລສິກຎ຺ເຈວ ໂນ ຈ ກິເລສຎ຺ຈ ອພ຺ຍາກຕໍ ສໍກິເລສິກຎ຺ເຈວ ໂນ ຈ ກິເລສຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

໒໓. ເຫຕຸຍາ ນວ, ອາຣມ຺ມເຓ ຕີຓິ…ເປ… ອວິຄເຕ ນວ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໒໔. ກຸສໂລ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ກຸສລສ຺ສ ສໍກິເລສິກສ຺ສ ເຈວ ໂນ ຈ ກິເລສສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ສໍກິເລສິໂກ ເຈວ ໂນ ຈ ກິເລໂສ ຘມ຺ໂມ ອພ຺ຍາກຕສ຺ສ ສໍກິເລສິກສ຺ສ ເຈວ ໂນ ຈ ກິເລສສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໒໕. ເຫຕຸຍາ ຈຕ຺ຕາຣິ, ອາຣມ຺ມເຓ ນວ, ອຘິປຕິຍາ ນວ…ເປ… ອວິຄເຕ ເຕຣສ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).