໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

໖. ກຸສລໍ ສໍກິເລສິກໍ ຘມ຺ມໍ ປຏິຈ຺ຈ ກຸສໂລ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອກຸສລໍ ສໍກິເລສິກໍ ຘມ຺ມໍ ປຏິຈ຺ຈ ອກຸສໂລ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ສໍກິເລສິກໍ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ສໍກິເລສິກຎ຺ຈ ອພ຺ຍາກຕໍ ສໍກິເລສິກຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ສໍກິເລສິກຎ຺ຈ ອພ຺ຍາກຕໍ ສໍກິເລສິກຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

໗. ເຫຕຸຍາ ນວ, ອາຣມ຺ມເຓ ຕີຓິ…ເປ… ອວິຄເຕ ນວ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ວິຕ຺ຖາເຣຕພ຺ພໍ).

໘. ກຸສໂລ ສໍກິເລສິໂກ ຘມ຺ໂມ ອກຸສລສ຺ສ ສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ສໍກິເລສິໂກ ຘມ຺ໂມ ອກຸສລສ຺ສ ສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ສໍກິເລສິໂກ ຘມ຺ໂມ ອພ຺ຍາກຕສ຺ສ ສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໙. ເຫຕຸຍາ ສຕ຺ຕ, ອາຣມ຺ມເຓ ນວ, ອຘິປຕິຍາ ນວ…ເປ… ອວິຄເຕ ເຕຣສ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).

໑໐. ກຸສລໍ ອສໍກິເລສິກໍ ຘມ຺ມໍ ປຏິຈ຺ຈ ກຸສໂລ ອສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ອສໍກິເລສິກໍ ຘມ຺ມໍ ປຏິຈ຺ຈ ອພ຺ຍາກໂຕ ອສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໑໑. ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໑໒. ກຸສໂລ ອສໍກິເລສິໂກ ຘມ຺ໂມ ກຸສລສ຺ສ ອສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ອສໍກິເລສິໂກ ຘມ຺ໂມ ອພ຺ຍາກຕສ຺ສ ອສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ອສໍກິເລສິໂກ ຘມ຺ໂມ ອພ຺ຍາກຕສ຺ສ ອສໍກິເລສິກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອພ຺ຍາກໂຕ ອສໍກິເລສິໂກ ຘມ຺ໂມ ກຸສລສ຺ສ ອສໍກິເລສິກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒) (ສໍຂິຕ຺ຕໍ.)

໑໓. ເຫຕຸຍາ ທ຺ເວ, ອາຣມ຺ມເຓ ທ຺ເວ, ອຘິປຕິຍາ ຕີຓິ, ອນນ຺ຕເຣ ທ຺ເວ…ເປ… ອຸປນິສ຺ສເຍ ຈຕ຺ຕາຣິ…ເປ… ອວິຄເຕ ທ຺ເວ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).