໑-໗. ປຏິຈ຺ຈວາຣາທິ

ເຫຕຸປຈ຺ຈໂຍ

໓໐. ກຸສລໍ ກິເລສວິປ຺ປຍຸຕ຺ຕໍ ສໍກິເລສິກໍ ຘມ຺ມໍ ປຏິຈ຺ຈ ກຸສໂລ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ກິເລສວິປ຺ປຍຸຕ຺ຕໍ ສໍກິເລສິກໍ ຘມ຺ມໍ ປຏິຈ຺ຈ ອພ຺ຍາກໂຕ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ກິເລສວິປ຺ປຍຸຕ຺ຕໍ ສໍກິເລສິກໍ ຘມ຺ມໍ ປຏິຈ຺ຈ ກຸສໂລ ກິເລສວິປ຺ປຍຸຕ຺ໂຕ ສໍກິເລສິໂກ ຈ ອພ຺ຍາກໂຕ ກິເລສວິປ຺ປຍຸຕ຺ໂຕ ສໍກິເລສິໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອພ຺ຍາກຕໍ ກິເລສວິປ຺ປຍຸຕ຺ຕໍ ສໍກິເລສິກໍ ຘມ຺ມໍ ປຏິຈ຺ຈ ອພ຺ຍາກໂຕ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ກິເລສວິປ຺ປຍຸຕ຺ຕໍ ສໍກິເລສິກຎ຺ຈ ອພ຺ຍາກຕໍ ກິເລສວິປ຺ປຍຸຕ຺ຕໍ ສໍກິເລສິກຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໓໑. ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໓໒. ກຸສໂລ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ກຸສລສ຺ສ ກິເລສວິປ຺ປຍຸຕ຺ຕສ຺ສ ສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ກິເລສວິປ຺ປຍຸຕ຺ໂຕ ສໍກິເລສິໂກ ຘມ຺ໂມ ອພ຺ຍາກຕສ຺ສ ກິເລສວິປ຺ປຍຸຕ຺ຕສ຺ສ ສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໓໓. ເຫຕຸຍາ ຈຕ຺ຕາຣິ, ອາຣມ຺ມເຓ ຈຕ຺ຕາຣິ…ເປ… ອວິຄເຕ ສຕ຺ຕ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).

໓໔. ກຸສລໍ ກິເລສວິປ຺ປຍຸຕ຺ຕໍ ອສໍກິເລສິກໍ ຘມ຺ມໍ ປຏິຈ຺ຈ ກຸສໂລ ກິເລສວິປ຺ປຍຸຕ຺ໂຕ ອສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ອພ຺ຍາກຕໍ ກິເລສວິປ຺ປຍຸຕ຺ຕໍ ອສໍກິເລສິກໍ ຘມ຺ມໍ ປຏິຈ຺ຈ ອພ຺ຍາກໂຕ ກິເລສວິປ຺ປຍຸຕ຺ໂຕ ອສໍກິເລສິໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ເຫຕຸຍາ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ. ສຫຊາຕວາຣມ຺ປິ …ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ).

໓໕. ກຸສໂລ ກິເລສວິປ຺ປຍຸຕ຺ໂຕ ອສໍກິເລສິໂກ ຘມ຺ໂມ ກຸສລສ຺ສ ກິເລສວິປ຺ປຍຸຕ຺ຕສ຺ສ ອສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອພ຺ຍາກໂຕ ກິເລສວິປ຺ປຍຸຕ຺ໂຕ ອສໍກິເລສິໂກ ຘມ຺ໂມ ອພ຺ຍາກຕສ຺ສ ກິເລສວິປ຺ປຍຸຕ຺ຕສ຺ສ ອສໍກິເລສິກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໓໖. ເຫຕຸຍາ ທ຺ເວ, ອາຣມ຺ມເຓ ທ຺ເວ, ອຘິປຕິຍາ ຕີຓິ, ອນນ຺ຕເຣ ທ຺ເວ…ເປ… ອຸປນິສ຺ສເຍ ຈຕ຺ຕາຣິ…ເປ… ອວິຄເຕ ທ຺ເວ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).

ກຸສລຕ຺ຕິກກິເລສໂຄຈ຺ຉກໍ ນິຏ຺ຐິຕໍ.