໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໑໙. ອກຸສລໍ ອາສວຎ຺ເຈວ ສາສວຎ຺ຈ ຘມ຺ມໍ ປຏິຈ຺ຈ ອກຸສໂລ ອາສໂວ ເຈວ ສາສໂວ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

ເຫຕຸຍາ ເອກໍ, ອາຣມ຺ມເຓ ເອກໍ…ເປ… ອວິຄເຕ ເອກໍ (ສໍຂິຕ຺ຕໍ).

(ສຫຊາຕວາເຣປິ…ເປ… ສມ຺ປຍຸຕ຺ຕວາເຣປິ ປຎ຺ຫາວາເຣປິ ສພ຺ພຕ຺ຖ ເອກໍ).

໒໐. ກຸສລໍ ສາສວຎ຺ເຈວ ໂນ ຈ ອາສວໍ ຘມ຺ມໍ ປຏິຈ຺ຈ ກຸສໂລ ສາສໂວ ເຈວ ໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອກຸສລໍ ສາສວຎ຺ເຈວ ໂນ ຈ ອາສວໍ ຘມ຺ມໍ ປຏິຈ຺ຈ ອກຸສໂລ ສາສໂວ ເຈວ ໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອພ຺ຍາກຕໍ ສາສວຎ຺ເຈວ ໂນ ຈ ອາສວໍ ຘມ຺ມໍ ປຏິຈ຺ຈ ອພ຺ຍາກໂຕ ສາສໂວ ເຈວ ໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ກຸສລໍ ສາສວຎ຺ເຈວ ໂນ ຈ ອາສວຎ຺ຈ ອພ຺ຍາກຕໍ ສາສວຎ຺ເຈວ ໂນ ຈ ອາສວຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສາສໂວ ເຈວ ໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ສາສວຎ຺ເຈວ ໂນ ຈ ອາສວຎ຺ຈ ອພ຺ຍາກຕໍ ສາສວຎ຺ເຈວ ໂນ ຈ ອາສວຎ຺ຈ ຘມ຺ມໍ ປຏິຈ຺ຈ ອພ຺ຍາກໂຕ ສາສໂວ ເຈວ ໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໒໑. ເຫຕຸຍາ ນວ, ອາຣມ຺ມເຓ ຕີຓິ, ອຘິປຕິຍາ ນວ…ເປ… ອວິຄເຕ ນວ (ສໍຂິຕ຺ຕໍ).

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໒໒. ກຸສໂລ ສາສໂວ ເຈວ ໂນ ຈ ອາສໂວ ຘມ຺ໂມ ກຸສລສ຺ສ ສາສວສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ສາສໂວ ເຈວ ໂນ ຈ ອາສໂວ ຘມ຺ໂມ ອກຸສລສ຺ສ ສາສວສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ສາສໂວ ເຈວ ໂນ ຈ ອາສໂວ ຘມ຺ໂມ ອພ຺ຍາກຕສ຺ສ ສາສວສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)

໒໓. ເຫຕຸຍາ ສຕ຺ຕ, ອາຣມ຺ມເຓ ນວ, ອຘິປຕິຍາ ນວ…ເປ… ອວິຄເຕ ເຕຣສ (ສໍຂິຕ຺ຕໍ. ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ).