໑-໗. ປຏິຈ຺ຈວາຣາທິ

໒໗໕. ກຸສລໍ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ກຸສໂລ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອກຸສລໍ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ອກຸສໂລ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອພ຺ຍາກຕໍ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ອພ຺ຍາກໂຕ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

໒໗໖. ເຫຕຸຍາ ຕີຓິ, ອາຣມ຺ມເຓ ຕີຓິ…ເປ… ອວິຄເຕ ຕີຓິ.

ນອຘິປຕິຍາ ຕີຓິ (ສໍຂິຕ຺ຕໍ).

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໒໗໗. ກຸສໂລ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ກຸສລສ຺ສ ເຫຕຸສມ຺ປຍຸຕ຺ຕສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ອກຸສໂລ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ອກຸສລສ຺ສ ເຫຕຸສມ຺ປຍຸຕ຺ຕສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ອພ຺ຍາກໂຕ ເຫຕຸສມ຺ປຍຸຕ຺ໂຕ ເຈວ ນ ຈ ເຫຕຸ ຘມ຺ໂມ ອພ຺ຍາກຕສ຺ສ ເຫຕຸສມ຺ປຍຸຕ຺ຕສ຺ສ ເຈວ ນ ຈ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ (ສໍຂິຕ຺ຕໍ).

໒໗໘. ອາຣມ຺ມເຓ ນວ, ອຘິປຕິຍາ ສຕ຺ຕ, ອນນ຺ຕເຣ ປຎ຺ຈ…ເປ… ສຫຊາເຕ ຕີຓິ…ເປ… ອຸປນິສ຺ສເຍ ນວ…ເປ… ອວິຄເຕ ຕີຓິ (ສໍຂິຕ຺ຕໍ).

ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ).

ອາຣມ຺ມຓປຈ຺ຈຍາ ນເຫຕຸຍາ ນວ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ນວ (ສໍຂິຕ຺ຕໍ).

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)