໑-໗. ປຏິຈ຺ຈວາຣາທິ
ປຈ຺ຈຍຈຕຸກ຺ກໍ
ເຫຕຸປຈ຺ຈໂຍ
໒໔໔. ກຸສລໍ ສເຫຕຸກໍ ຘມ຺ມໍ ປຏິຈ຺ຈ ກຸສໂລ ສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ອກຸສລໍ ສເຫຕຸກໍ ຘມ຺ມໍ ປຏິຈ຺ຈ ອກຸສໂລ ສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ອພ຺ຍາກຕໍ ສເຫຕຸກໍ ຘມ຺ມໍ ປຏິຈ຺ຈ ອພ຺ຍາກໂຕ ສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)
໒໔໕. ເຫຕຸຍາ ຕີຓິ…ເປ… ອວິຄເຕ ຕີຓິ (ສໍຂິຕ຺ຕໍ).
ນອຘິປຕິຍາ ຕີຓິ, ນປຸເຣຊາເຕ ຕີຓິ, ນປຈ຺ຉາຊາເຕ ຕີຓິ, ນອາເສວເນ ຕີຓິ, ນກມ຺ເມ ຕີຓິ, ນວິປາເກ ຕີຓິ, ນວິປ຺ປຍຸຕ຺ເຕ ຕີຓິ.
ເຫຕຸປຈ຺ຈຍາ ນອຘິປຕິຍາ ຕີຓິ (ສໍຂິຕ຺ຕໍ).
ນອຘິປຕິປຈ຺ຈຍາ ເຫຕຸຍາ ຕີຓິ (ສໍຂິຕ຺ຕໍ).
(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)
ເຫຕຸ-ອາຣມ຺ມຓປຈ຺ຈຍາ
໒໔໖. ກຸສໂລ ສເຫຕຸໂກ ຘມ຺ໂມ ກຸສລສ຺ສ ສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ອກຸສໂລ ສເຫຕຸໂກ ຘມ຺ໂມ ອກຸສລສ຺ສ ສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ອພ຺ຍາກໂຕ ສເຫຕຸໂກ ຘມ຺ໂມ ອພ຺ຍາກຕສ຺ສ ສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ກຸສໂລ ສເຫຕຸໂກ ຘມ຺ໂມ ກຸສລສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ກຸສໂລ ສເຫຕຸໂກ ຘມ຺ໂມ ອກຸສລສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ກຸສໂລ ສເຫຕຸໂກ ຘມ຺ໂມ ອພ຺ຍາກຕສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)
ອກຸສໂລ ສເຫຕຸໂກ ຘມ຺ໂມ ອກຸສລສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ. (໓)
ອພ຺ຍາກໂຕ ສເຫຕຸໂກ ຘມ຺ໂມ ອພ຺ຍາກຕສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ. (໓)
ກຸສໂລ ສເຫຕຸໂກ ຘມ຺ໂມ ກຸສລສ຺ສ ສເຫຕຸກສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ (ສໍຂິຕ຺ຕໍ).
໒໔໗. ເຫຕຸຍາ ຕີຓິ, ອາຣມ຺ມເຓ ນວ, ອຘິປຕິຍາ ສຕ຺ຕ, ອນນ຺ຕເຣ ປຎ຺ຈ, ສມນນ຺ຕເຣ ປຎ຺ຈ, ສຫຊາເຕ ຕີຓິ, ອຎ຺ຎມຎ຺ເຎ ຕີຓິ, ນິສ຺ສເຍ ຕີຓິ, ອຸປນິສ຺ສເຍ ນວ…ເປ… ອວິຄເຕ ຕີຓິ (ສໍຂິຕ຺ຕໍ).
ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ).
ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).
ນເຫຕຸປຈ຺ຈຍາ ອາຣມ຺ມເຓ ນວ (ສໍຂິຕ຺ຕໍ).
(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)