໑-໗. ປຏິຈ຺ຈວາຣາທິ
ປຈ຺ຈຍຈຕຸກ຺ກໍ
ເຫຕຸປຈ຺ຈໂຍ
໒໒໒. ອຊ຺ຌຕ຺ຕໍ ເຫຕຸໍ ຘມ຺ມໍ ປຏິຈ຺ຈ ອຊ຺ຌຕ຺ໂຕ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ພຫິທ຺ຘາ ເຫຕຸໍ ຘມ຺ມໍ ປຏິຈ຺ຈ ພຫິທ຺ຘາ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)
໒໒໓. ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ).
ນອຘິປຕິຍາ ທ຺ເວ, ນປຸເຣຊາເຕ ທ຺ເວ, ນປຈ຺ຉາຊາເຕ ທ຺ເວ, ນອາເສວເນ ທ຺ເວ, ນວິປາເກ ທ຺ເວ, ນວິປ຺ປຍຸຕ຺ເຕ ທ຺ເວ (ສໍຂິຕ຺ຕໍ).
(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ວິຕ຺ຖາເຣຕພ຺ພໍ.)
ເຫຕຸອາຣມ຺ມຓປຈ຺ຈຍາທິ
໒໒໔. ອຊ຺ຌຕ຺ໂຕ ເຫຕຸ ຘມ຺ໂມ ອຊ຺ຌຕ຺ຕສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ພຫິທ຺ຘາ ເຫຕຸ ຘມ຺ໂມ ພຫິທ຺ຘາ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ.
ອຊ຺ຌຕ຺ໂຕ ເຫຕຸ ຘມ຺ໂມ ອຊ຺ຌຕ຺ຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອຊ຺ຌຕ຺ໂຕ ເຫຕຸ ຘມ຺ໂມ ພຫິທ຺ຘາ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)
ພຫິທ຺ຘາ ເຫຕຸ ຘມ຺ໂມ ພຫິທ຺ຘາ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ພຫິທ຺ຘາ ເຫຕຸ ຘມ຺ໂມ ອຊ຺ຌຕ຺ຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)
໒໒໕. ອຊ຺ຌຕ຺ໂຕ ເຫຕຸ ຘມ຺ໂມ ອຊ຺ຌຕ຺ຕສ຺ສ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. (໑)
ພຫິທ຺ຘາ ເຫຕຸ ຘມ຺ໂມ ພຫິທ຺ຘາ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. (໑)
ອຊ຺ຌຕ຺ໂຕ ເຫຕຸ ຘມ຺ໂມ ອຊ຺ຌຕ຺ຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)
ພຫິທ຺ຘາ ເຫຕຸ ຘມ຺ໂມ ພຫິທ຺ຘາ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑) (ສໍຂິຕ຺ຕໍ.)
໒໒໖. ເຫຕຸຍາ ທ຺ເວ, ອາຣມ຺ມເຓ ຈຕ຺ຕາຣິ, ອຘິປຕິຍາ ທ຺ເວ, ອນນ຺ຕເຣ ທ຺ເວ, ສມນນ຺ຕເຣ ທ຺ເວ, ສຫຊາເຕ ທ຺ເວ, ອຎ຺ຎມຎ຺ເຎ ທ຺ເວ, ນິສ຺ສເຍ ທ຺ເວ, ອຸປນິສ຺ສເຍ ຈຕ຺ຕາຣິ…ເປ… ອວິຄເຕ ທ຺ເວ (ສໍຂິຕ຺ຕໍ).
ນເຫຕຸຍາ ຈຕ຺ຕາຣິ, ນອາຣມ຺ມເຓ ຈຕ຺ຕາຣິ (ສໍຂິຕ຺ຕໍ).
ເຫຕຸປຈ຺ຈຍາ ນອາຣມ຺ມເຓ ທ຺ເວ (ສໍຂິຕ຺ຕໍ).
ນເຫຕຸປຈ຺ຈຍາ ອາຣມ຺ມເຓ ຈຕ຺ຕາຣິ (ສໍຂິຕ຺ຕໍ).
(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)