໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໒໑໔. ອຕີຕາຣມ຺ມຓໍ ເຫຕຸໍ ຘມ຺ມໍ ປຏິຈ຺ຈ ອຕີຕາຣມ຺ມໂຓ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນາຄຕາຣມ຺ມຓໍ ເຫຕຸໍ ຘມ຺ມໍ ປຏິຈ຺ຈ ອນາຄຕາຣມ຺ມໂຓ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ປຈ຺ຈຸປ຺ປນ຺ນາຣມ຺ມຓໍ ເຫຕຸໍ ຘມ຺ມໍ ປຏິຈ຺ຈ ປຈ຺ຈຸປ຺ປນ຺ນາຣມ຺ມໂຓ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໒໑໕. ເຫຕຸຍາ ຕີຓິ, ອາຣມ຺ມເຓ ຕີຓິ…ເປ… ອວິຄເຕ ຕີຓິ (ສໍຂິຕ຺ຕໍ).

ນອຘິປຕິຍາ ຕີຓິ, ນປຸເຣຊາເຕ ຕີຓິ, ນປຈ຺ຉາຊາເຕ ຕີຓິ, ນອາເສວເນ ຕີຓິ, ນວິປາເກ ຕີຓິ, ນວິປ຺ປຍຸຕ຺ເຕ ທ຺ເວ (ສໍຂິຕ຺ຕໍ).

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ວິຕ຺ຖາເຣຕພ຺ພໍ.)

ເຫຕຸ-ອາຣມ຺ມຓປຈ຺ຈຍາ

໒໑໖. ອຕີຕາຣມ຺ມໂຓ ເຫຕຸ ຘມ຺ໂມ ອຕີຕາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອນາຄຕາຣມ຺ມໂຓ ເຫຕຸ ຘມ຺ໂມ ອນາຄຕາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ປຈ຺ຈຸປ຺ປນ຺ນາຣມ຺ມໂຓ ເຫຕຸ ຘມ຺ໂມ ປຈ຺ຈຸປ຺ປນ຺ນາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)

ອຕີຕາຣມ຺ມໂຓ ເຫຕຸ ຘມ຺ໂມ ອຕີຕາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອຕີຕາຣມ຺ມໂຓ ເຫຕຸ ຘມ຺ໂມ ອນາຄຕາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອຕີຕາຣມ຺ມໂຓ ເຫຕຸ ຘມ຺ໂມ ປຈ຺ຈຸປ຺ປນ຺ນາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ອນາຄຕາຣມ຺ມໂຓ ເຫຕຸ ຘມ຺ໂມ ອນາຄຕາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ປຈ຺ຈຸປ຺ປນ຺ນາຣມ຺ມໂຓ ເຫຕຸ ຘມ຺ໂມ ປຈ຺ຈຸປ຺ປນ຺ນາຣມ຺ມຓສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ (ສໍຂິຕ຺ຕໍ).

໒໑໗. ເຫຕຸຍາ ຕີຓິ, ອາຣມ຺ມເຓ ນວ, ອຘິປຕິຍາ ສຕ຺ຕ, ອນນ຺ຕເຣ ຉ, ສມນນ຺ຕເຣ ຉ, ສຫຊາເຕ ຕີຓິ, ອຎ຺ຎມຎ຺ເຎ ຕີຓິ, ນິສ຺ສເຍ ຕີຓິ, ອຸປນິສ຺ສເຍ ນວ…ເປ… ອວິຄເຕ ຕີຓິ (ສໍຂິຕ຺ຕໍ).

ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ).

ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).

ນເຫຕຸປຈ຺ຈຍາ ອາຣມ຺ມເຓ ນວ (ສໍຂິຕ຺ຕໍ).

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)

ນເຫຕຸປທໍ