໑-໗. ປຏິຈ຺ຈວາຣາທິ
ປຈ຺ຈຍຈຕຸກ຺ກໍ
໑໕໘. ປຣິຕ຺ຕໍ ເຫຕຸໍ ຘມ຺ມໍ ປຏິຈ຺ຈ ປຣິຕ຺ໂຕ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ມຫຄ຺ຄຕໍ ເຫຕຸໍ ຘມ຺ມໍ ປຏິຈ຺ຈ ມຫຄ຺ຄໂຕ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ອປ຺ປມາຓໍ ເຫຕຸໍ ຘມ຺ມໍ ປຏິຈ຺ຈ ອປ຺ປມາໂຓ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)
ເຫຕຸຍາ ຕີຓິ, ອາຣມ຺ມເຓ ຕີຓິ…ເປ… ອວິຄເຕ ຕີຓິ (ສໍຂິຕ຺ຕໍ).
ນອຘິປຕິຍາ ຕີຓິ…ເປ… ນວິປ຺ປຍຸຕ຺ເຕ ຕີຓິ (ສໍຂິຕ຺ຕໍ).
(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ວິຕ຺ຖາເຣຕພ຺ພໍ.)
ເຫຕຸອາຣມ຺ມຓປຈ຺ຈຍາທິ
໑໕໙. ປຣິຕ຺ໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ມຫຄ຺ຄໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ອປ຺ປມາໂຓ ເຫຕຸ ຘມ຺ໂມ ອປ຺ປມາຓສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໑)
ປຣິຕ຺ໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ປຣິຕ຺ໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)
ມຫຄ຺ຄໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ມຫຄ຺ຄໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)
ອປ຺ປມາໂຓ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອປ຺ປມາໂຓ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)
໑໖໐. ປຣິຕ຺ໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. (໑)
ມຫຄ຺ຄໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ມຫຄ຺ຄໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. (໒)
ອປ຺ປມາໂຓ ເຫຕຸ ຘມ຺ໂມ ອປ຺ປມາຓສ຺ສ ເຫຕຸສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ທ຺ເວ.
ປຣິຕ຺ໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ປຣິຕ຺ໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ປຣິຕ຺ໂຕ ເຫຕຸ ຘມ຺ໂມ ອປ຺ປມາຓສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໓)
ມຫຄ຺ຄໂຕ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ມຫຄ຺ຄໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ມຫຄ຺ຄໂຕ ເຫຕຸ ຘມ຺ໂມ ອປ຺ປມາຓສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໓)
ອປ຺ປມາໂຓ ເຫຕຸ ຘມ຺ໂມ ອປ຺ປມາຓສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ອປ຺ປມາໂຓ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. ອປ຺ປມາໂຓ ເຫຕຸ ຘມ຺ໂມ ມຫຄ຺ຄຕສ຺ສ ເຫຕຸສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໓)
ປຣິຕ຺ໂຕ ເຫຕຸ ຘມ຺ໂມ ປຣິຕ຺ຕສ຺ສ ເຫຕຸສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ (ສໍຂິຕ຺ຕໍ).
໑໖໑. ເຫຕຸຍາ ຕີຓິ, ອາຣມ຺ມເຓ ຉ, ອຘິປຕິຍາ ປຎ຺ຈ, ອນນ຺ຕເຣ ນວ, ສມນນ຺ຕເຣ ນວ, ສຫຊາເຕ ຕີຓິ, ອຎ຺ຎມຎ຺ເຎ ຕີຓິ, ນິສ຺ສເຍ ຕີຓິ, ອຸປນິສ຺ສເຍ ນວ…ເປ… ອວິຄເຕ ຕີຓິ (ສໍຂິຕ຺ຕໍ).
ນເຫຕຸຍາ ນວ, ນອາຣມ຺ມເຓ ນວ (ສໍຂິຕ຺ຕໍ).
ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).
ນເຫຕຸປຈ຺ຈຍາ ອາຣມ຺ມເຓ ຉ (ສໍຂິຕ຺ຕໍ).
(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)