໑-໗. ປຏິຈ຺ຈວາຣາທິ
ປຈ຺ຈຍຈຕຸກ຺ກໍ
໑໑໔. ທສ຺ສເນນ ປຫາຕພ຺ພໍ ເຫຕຸໍ ຘມ຺ມໍ ປຏິຈ຺ຈ ທສ຺ສເນນ ປຫາຕພ຺ໂພ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ຠາວນາຍ ປຫາຕພ຺ພໍ ເຫຕຸໍ ຘມ຺ມໍ ປຏິຈ຺ຈ ຠາວນາຍ ປຫາຕພ຺ໂພ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)
ເນວທສ຺ສເນນ ນຠາວນາຍ ປຫາຕພ຺ພໍ ເຫຕຸໍ ຘມ຺ມໍ ປຏິຈ຺ຈ ເນວທສ຺ສເນນ ນຠາວນາຍ ປຫາຕພ຺ໂພ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).
໑໑໕. ເຫຕຸຍາ ຕີຓິ (ສພ຺ພຕ຺ຖ ຕີຓິ), ວິປາເກ ເອກໍ…ເປ… ອວິຄເຕ ຕີຓິ.
ນອຘິປຕິຍາ ຕີຓິ, ນປຸເຣຊາເຕ ຕີຓິ…ເປ… ນວິປ຺ປຍຸຕ຺ເຕ ຕີຓິ (ສໍຂິຕ຺ຕໍ. ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ວິຕ຺ຖາເຣຕພ຺ພໍ).
໑໑໖. ທສ຺ສເນນ ປຫາຕພ຺ໂພ ເຫຕຸ ຘມ຺ໂມ ທສ຺ສເນນ ປຫາຕພ຺ພສ຺ສ ເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.
ທສ຺ສເນນ ປຫາຕພ຺ໂພ ເຫຕຸ ຘມ຺ໂມ ທສ຺ສເນນ ປຫາຕພ຺ພສ຺ສ ເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ (ສໍຂິຕ຺ຕໍ).
໑໑໗. ເຫຕຸຍາ ຕີຓິ, ອາຣມ຺ມເຓ ອຏ຺ຐ, ອຘິປຕິຍາ ຉ, ອນນ຺ຕເຣ ປຎ຺ຈ, ສມນນ຺ຕເຣ ປຎ຺ຈ, ສຫຊາເຕ ຕີຓິ, ອຎ຺ຎມຎ຺ເຎ ຕີຓິ, ນິສ຺ສເຍ ຕີຓິ, ອຸປນິສ຺ສເຍ ອຏ຺ຐ, ອາເສວເນ ຕີຓິ, ວິປາເກ ເອກໍ, ອິນ຺ທ຺ຣິເຍ ເອກໍ, ມຄ຺ເຄ ເອກໍ…ເປ… ອວິຄເຕ ຕີຓິ (ສໍຂິຕ຺ຕໍ).
ນເຫຕຸຍາ ອຏ຺ຐ, ນອາຣມ຺ມເຓ ອຏ຺ຐ (ສໍຂິຕ຺ຕໍ).
ເຫຕຸປຈ຺ຈຍາ ນອາຣມ຺ມເຓ ຕີຓິ (ສໍຂິຕ຺ຕໍ).
ນເຫຕຸປຈ຺ຈຍາ ອາຣມ຺ມເຓ ອຏ຺ຐ (ສໍຂິຕ຺ຕໍ).
(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)