໑-໗. ປຏິຈ຺ຈວາຣາທິ

໑໐໑. ສອຸຕ຺ຕຣໍ ກຸສລໍ ຘມ຺ມໍ ປຏິຈ຺ຈ ສອຸຕ຺ຕໂຣ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນຸຕ຺ຕຣໍ ກຸສລໍ ຘມ຺ມໍ ປຏິຈ຺ຈ ອນຸຕ຺ຕໂຣ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໑໐໒. ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ. ສຫຊາຕວາໂຣປິ…ເປ… ປຎ຺ຫາວາໂຣປິ ສພ຺ພຕ຺ຖ ວິຕ຺ຖາເຣຕພ຺ພາ).

໑໐໓. ສອຸຕ຺ຕຣໍ ອກຸສລໍ ຘມ຺ມໍ ປຏິຈ຺ຈ ສອຸຕ຺ຕໂຣ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

ເຫຕຸຍາ ເອກໍ, ອາຣມ຺ມເຓ ເອກໍ…ເປ… ອວິຄເຕ ເອກໍ (ສໍຂິຕ຺ຕໍ. ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ເອກໍ).

ສອຸຕ຺ຕຣໍ ອພ຺ຍາກຕໍ ຘມ຺ມໍ ປຏິຈ຺ຈ ສອຸຕ຺ຕໂຣ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນຸຕ຺ຕຣໍ ອພ຺ຍາກຕໍ ຘມ຺ມໍ ປຏິຈ຺ຈ ອນຸຕ຺ຕໂຣ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (໓)

ສອຸຕ຺ຕຣໍ ອພ຺ຍາກຕຎ຺ຈ ອນຸຕ຺ຕຣໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ສອຸຕ຺ຕໂຣ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໑໐໔. ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ (ສໍຂິຕ຺ຕໍ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ສພ຺ພຕ຺ຖ ວິຕ຺ຖາເຣຕພ຺ພໍ ໂລກິຍທຸກອພ຺ຍາກຕສທິສໍ).