໑-໗. ປຏິຈ຺ຈວາຣາທິ

໘໕. ປຣິຍາປນ຺ນໍ ກຸສລໍ ຘມ຺ມໍ ປຏິຈ຺ຈ ປຣິຍາປນ຺ໂນ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອປຣິຍາປນ຺ນໍ ກຸສລໍ ຘມ຺ມໍ ປຏິຈ຺ຈ ອປຣິຍາປນ຺ໂນ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໘໖. ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ. ໂລກິຍທຸກກຸສລສທິສໍ. ສຫຊາຕວາໂຣປິ…ເປ… ປຎ຺ຫາວາໂຣປິ ວິຕ຺ຖາເຣຕພ຺ພາ).

໘໗. ປຣິຍາປນ຺ນໍ ອກຸສລໍ ຘມ຺ມໍ ປຏິຈ຺ຈ ປຣິຍາປນ຺ໂນ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

ເຫຕຸຍາ ເອກໍ, ອາຣມ຺ມເຓ ເອກໍ…ເປ… ອວິຄເຕ ເອກໍ (ສໍຂິຕ຺ຕໍ).

(ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ເອກໍ).

໘໘. ປຣິຍາປນ຺ນໍ ອພ຺ຍາກຕໍ ຘມ຺ມໍ ປຏິຈ຺ຈ ປຣິຍາປນ຺ໂນ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອປຣິຍາປນ຺ນໍ ອພ຺ຍາກຕໍ ຘມ຺ມໍ ປຏິຈ຺ຈ ອປຣິຍາປນ຺ໂນ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ປຣິຍາປນ຺ນໍ ອພ຺ຍາກຕຎ຺ຈ ອປຣິຍາປນ຺ນໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ປຣິຍາປນ຺ໂນ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໘໙. ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ (ສໍຂິຕ຺ຕໍ. ໂລກິຍທຸກອພ຺ຍາກຕສທິສໍ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ສພ຺ພຕ຺ຖ ວິຕ຺ຖາເຣຕພ຺ພໍ).