໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໑໐. ອຸປາທານິຍໍ ກຸສລໍ ຘມ຺ມໍ ປຏິຈ຺ຈ ອຸປາທານິໂຍ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນຸປາທານິຍໍ ກຸສລໍ ຘມ຺ມໍ ປຏິຈ຺ຈ ອນຸປາທານິໂຍ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໑໑. ເຫຕຸຍາ ທ຺ເວ, ອາຣມ຺ມເຓ ທ຺ເວ…ເປ… ອວິຄເຕ ທ຺ເວ (ສໍຂິຕ຺ຕໍ. ໂລກິຍໂລກຸຕ຺ຕຣທຸກກຸສລສທິສໍ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)

໑໒. ອຸປາທານິຍໍ ອກຸສລໍ ຘມ຺ມໍ ປຏິຈ຺ຈ ອຸປາທານິໂຍ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ສໍຂິຕ຺ຕໍ).

ເຫຕຸຍາ ເອກໍ, ອາຣມ຺ມເຓ ເອກໍ…ເປ… ອວິຄເຕ ເອກໍ (ສໍຂິຕ຺ຕໍ).

(ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ເອກໍ.)

໑໓. ອຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອນຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອນຸປາທານິຍໍ ອພ຺ຍາກຕໍ ຘມ຺ມໍ ປຏິຈ຺ຈ ອຸປາທານິໂຍ ອພ຺ຍາກໂຕ ຈ ອນຸປາທານິໂຍ ອພ຺ຍາກໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອຸປາທານິຍໍ ອພ຺ຍາກຕຎ຺ຈ ອນຸປາທານິຍໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ອຸປາທານິໂຍ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໑໔. ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອາເສວເນ ເອກໍ…ເປ… ອວິຄເຕ ປຎ຺ຈ (ສໍຂິຕ຺ຕໍ. ໂລກິຍທຸກອພ຺ຍາກຕສທິສໍ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ).