໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໕໓. ຈິຕ຺ຕສຫຠຸໍ ກຸສລໍ ຘມ຺ມໍ ປຏິຈ຺ຈ ຈິຕ຺ຕສຫຠູ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ຈິຕ຺ຕສຫຠຸໍ ກຸສລໍ ຘມ຺ມໍ ປຏິຈ຺ຈ ໂນຈິຕ຺ຕສຫຠູ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ຈິຕ຺ຕສຫຠຸໍ ກຸສລໍ ຘມ຺ມໍ ປຏິຈ຺ຈ ຈິຕ຺ຕສຫຠູ ກຸສໂລ ຈ ໂນຈິຕ຺ຕສຫຠູ ກຸສໂລ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ໂນຈິຕ຺ຕສຫຠຸໍ ກຸສລໍ ຘມ຺ມໍ ປຏິຈ຺ຈ ຈິຕ຺ຕສຫຠູ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ຈິຕ຺ຕສຫຠຸໍ ກຸສລຎ຺ຈ ໂນຈິຕ຺ຕສຫຠຸໍ ກຸສລຎ຺ຈ ຘມ຺ມໍ ປຏິຈ຺ຈ ຈິຕ຺ຕສຫຠູ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໕໔. ເຫຕຸຍາ ປຎ຺ຈ, ອາຣມ຺ມເຓ ປຎ຺ຈ…ເປ… ອວິຄເຕ ປຎ຺ຈ (ສໍຂິຕ຺ຕໍ). (ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ).

໕໕. ຈິຕ຺ຕສຫຠຸໍ ອກຸສລໍ ຘມ຺ມໍ ປຏິຈ຺ຈ ຈິຕ຺ຕສຫຠູ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ໂນຈິຕ຺ຕສຫຠຸໍ ອກຸສລໍ ຘມ຺ມໍ ປຏິຈ຺ຈ ຈິຕ຺ຕສຫຠູ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ຈິຕ຺ຕສຫຠຸໍ ອກຸສລຎ຺ຈ ໂນຈິຕ຺ຕສຫຠຸໍ ອກຸສລຎ຺ຈ ຘມ຺ມໍ ປຏິຈ຺ຈ ຈິຕ຺ຕສຫຠູ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

໕໖. ເຫຕຸຍາ ປຎ຺ຈ, ອາຣມ຺ມເຓ ປຎ຺ຈ…ເປ… ອວິຄເຕ ປຎ຺ຈ (ສໍຂິຕ຺ຕໍ).

(ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)

໕໗. ຈິຕ຺ຕສຫຠຸໍ ອພ຺ຍາກຕໍ ຘມ຺ມໍ ປຏິຈ຺ຈ ຈິຕ຺ຕສຫຠູ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ໂນຈິຕ຺ຕສຫຠຸໍ ອພ຺ຍາກຕໍ ຘມ຺ມໍ ປຏິຈ຺ຈ ໂນຈິຕ຺ຕສຫຠູ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ຈິຕ຺ຕສຫຠຸໍ ອພ຺ຍາກຕຎ຺ຈ ໂນຈິຕ຺ຕສຫຠຸໍ ອພ຺ຍາກຕຎ຺ຈ ຘມ຺ມໍ ປຏິຈ຺ຈ ຈິຕ຺ຕສຫຠູ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ສໍຂິຕ຺ຕໍ).

໕໘. ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ. (ສໍຂິຕ຺ຕໍ. ຍຖາ ເຈຕສິກທຸກມູລາ ຕີຓິ ຄມນາ, ເອວໍ ອິເມປິ ຕີຓິ ຄມນາ ກາຕພ຺ພາ. ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)