໒. ສງ຺ຂ຺ຍາວາໂຣ

ສຸທ຺ຘໍ

໘໐. ເຫຕຸຍາ ຈຕ຺ຕາຣິ, ອາຣມ຺ມເຓ ຈຕ຺ຕາຣິ, ອຘິປຕິຍາ ປຎ຺ຈ, ອນນ຺ຕເຣ ຈຕ຺ຕາຣິ, ສມນນ຺ຕເຣ ຈຕ຺ຕາຣິ, ສຫຊາເຕ ປຎ຺ຈ, ອຎ຺ຎມຎ຺ເຎ ທ຺ເວ, ນິສ຺ສເຍ ສຕ຺ຕ, ອຸປນິສ຺ສເຍ ຈຕ຺ຕາຣິ, ປຸເຣຊາເຕ ທ຺ເວ, ປຈ຺ຉາຊາເຕ ທ຺ເວ, ອາເສວເນ ທ຺ເວ, ກມ຺ເມ ຈຕ຺ຕາຣິ, ວິປາເກ ເອກໍ, ອາຫາເຣ ຈຕ຺ຕາຣິ, ອິນ຺ທ຺ຣິເຍ ຈຕ຺ຕາຣິ, ຌາເນ ຈຕ຺ຕາຣິ, ມຄ຺ເຄ ຈຕ຺ຕາຣິ, ສມ຺ປຍຸຕ຺ເຕ ທ຺ເວ, ວິປ຺ປຍຸຕ຺ເຕ ຕີຓິ, ອຕ຺ຖິຍາ ສຕ຺ຕ, ນຕ຺ຖິຍາ ຈຕ຺ຕາຣິ, ວິຄເຕ ຈຕ຺ຕາຣິ, ອວິຄເຕ ສຕ຺ຕ.

ອນຸໂລມໍ.

ປຈ຺ຈນີຍຸທ຺ຘາໂຣ

໘໑. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ… ປຈ຺ຉາຊາຕປຈ຺ຈເຍນ ປຈ຺ຈໂຍ… ກມ຺ມປຈ຺ຈເຍນ ປຈ຺ຈໂຍ. (໒)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຈ ປຣາມາສວິປ຺ປຍຸຕ຺ຕສ຺ສ ຈ ຘມ຺ມສ຺ສ ສຫຊາຕປຈ຺ຈເຍນ ປຈ຺ຈໂຍ. (໓)

໘໒. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ… ປຸເຣຊາຕປຈ຺ຈເຍນ ປຈ຺ຈໂຍ… ປຈ຺ຉາຊາຕປຈ຺ຈເຍນ ປຈ຺ຈໂຍ… ກມ຺ມປຈ຺ຈເຍນ ປຈ຺ຈໂຍ… ອາຫາຣປຈ຺ຈເຍນ ປຈ຺ຈໂຍ… ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ອຸປນິສ຺ສຍປຈ຺ຈເຍນ ປຈ຺ຈໂຍ… ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຣາມາສສມ຺ປຍຸຕ຺ໂຕ ຈ ປຣາມາສວິປ຺ປຍຸຕ຺ໂຕ ຈ ຘມ຺ມາ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ສຫຊາຕໍ, ປຸເຣຊາຕໍ. (໑)

ປຣາມາສສມ຺ປຍຸຕ຺ໂຕ ຈ ປຣາມາສວິປ຺ປຍຸຕ຺ໂຕ ຈ ຘມ຺ມາ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. (໒)