໑. ວິຠງ຺ຄວາໂຣ

ເຫຕຸປຈ຺ຈໂຍ

໖໓. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຣາມາສສມ຺ປຍຸຕ຺ຕາ ເຫຕູ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຣາມາສສມ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ປຣາມາສວິປ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໖໔. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຣາຄໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ; ປຣາມາສສມ຺ປຍຸຕ຺ເຕ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ປຣາມາສສມ຺ປຍຸຕ຺ເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ, ປຣາມາສສມ຺ປຍຸຕ຺ເຕ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສວິປ຺ປຍຸຕ຺ໂຕ ຣາໂຄ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ເຈໂຕປຣິຍຎາເຓນ ປຣາມາສສມ຺ປຍຸຕ຺ຕຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ປຣາມາສສມ຺ປຍຸຕ຺ຕາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

໖໕. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສວິປ຺ປຍຸຕ຺ໂຕ ຣາໂຄ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ປຸພ຺ເພ ສຸຈິຓ຺ຓານິ…ເປ… ຌານາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ…ເປ… ນິພ຺ພານໍ…ເປ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ປຣາມາສວິປ຺ປຍຸຕ຺ເຕ ປຫີເນ ກິເລເສ…ເປ… ວິກ຺ຂມ຺ຠິເຕ ກິເລເສ…ເປ… ປຸພ຺ເພ…ເປ… ຈກ຺ຂຸໍ…ເປ… ວຕ຺ຖຸໍ ປຣາມາສວິປ຺ປຍຸຕ຺ເຕ ຂນ຺ເຘ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສວິປ຺ປຍຸຕ຺ໂຕ ຣາໂຄ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ເຈໂຕປຣິຍຎາເຓນ ປຣາມາສວິປ຺ປຍຸຕ຺ຕຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ປຣາມາສວິປ຺ປຍຸຕ຺ຕາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ປຣາມາສວິປ຺ປຍຸຕ຺ເຕ ຂນ຺ເຘ ອສ຺ສາເທຕິ ອຠິນນ຺ທຕິ. ຕໍ ອາຣພ຺ຠ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. (໒)

ອຘິປຕິປຈ຺ຈໂຍ

໖໖. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ຣາຄໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ, ປຣາມາສສມ຺ປຍຸຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. ສຫຊາຕາຘິປຕິ – ປຣາມາສສມ຺ປຍຸຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ປຣາມາສສມ຺ປຍຸຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສວິປ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. ສຫຊາຕາຘິປຕິ – ປຣາມາສສມ຺ປຍຸຕ຺ຕາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຈ ປຣາມາສວິປ຺ປຍຸຕ຺ຕສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ປຣາມາສສມ຺ປຍຸຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໖໗. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ, ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສວິປ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ, ປຸພ຺ເພ…ເປ… ຌານາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ…ເປ… ຜລໍ…ເປ… ນິພ຺ພານໍ…ເປ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ປຣາມາສວິປ຺ປຍຸຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສວິປ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. ສຫຊາຕາຘິປຕິ – ປຣາມາສວິປ຺ປຍຸຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ, ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ປຣາມາສວິປ຺ປຍຸຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. (໒)

ອນນ຺ຕຣ-ສມນນ຺ຕຣປຈ຺ຈຍາ

໖໘. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ປຣາມາສສມ຺ປຍຸຕ຺ຕາ ຂນ຺ຘາ ປຈ຺ຉິມານໍ ປຈ຺ຉິມານໍ ປຣາມາສສມ຺ປຍຸຕ຺ຕການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ຕາ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໒)

໖໙. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ປຣາມາສວິປ຺ປຍຸຕ຺ຕາ ຂນ຺ຘາ ປຈ຺ຉິມານໍ ປຈ຺ຉິມານໍ ປຣາມາສວິປ຺ປຍຸຕ຺ຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ອາວຊ຺ຊນາ ປຣາມາສສມ຺ປຍຸຕ຺ຕການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ… ສມນນ຺ຕຣປຈ຺ຈເຍນ ປຈ຺ຈໂຍ. (໒)

ສຫຊາຕປຈ຺ຈຍາທິ

໗໐. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ສຫຊາຕປຈ຺ຈເຍນ ປຈ຺ຈໂຍ… ປຎ຺ຈ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ທ຺ເວ… ນິສ຺ສຍປຈ຺ຈເຍນ ປຈ຺ຈໂຍ… ສຕ຺ຕ.

ອຸປນິສ຺ສຍປຈ຺ຈໂຍ

໗໑. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ປຣາມາສສມ຺ປຍຸຕ຺ໂຕ ຣາໂຄ… ໂມໂຫ… ປຕ຺ຖນາ ປຣາມາສສມ຺ປຍຸຕ຺ຕສ຺ສ ຣາຄສ຺ສ… ໂມຫສ຺ສ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ປຣາມາສສມ຺ປຍຸຕ຺ຕໍ ຣາຄໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ; ປຣາມາສສມ຺ປຍຸຕ຺ຕໍ ໂມຫໍ… ປຕ຺ຖນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ປຣາມາສສມ຺ປຍຸຕ຺ໂຕ ຣາໂຄ… ໂມໂຫ… ປຕ຺ຖນາ ສທ຺ຘາຍ …ເປ… ປຎ຺ຎາຍ, ຣາຄສ຺ສ… ໂທສສ຺ສ… ໂມຫສ຺ສ… ມານສ຺ສ… ປຕ຺ຖນາຍ… ກາຍິກສ຺ສ ສຸຂສ຺ສ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໗໒. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ …ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ; ສີລໍ…ເປ… ປຎ຺ຎໍ, ຣາຄໍ…ເປ… ມານໍ…ເປ… ປຕ຺ຖນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ປຎ຺ຎາ, ຣາໂຄ…ເປ… ມາໂນ… ປຕ຺ຖນາ… ກາຍິກໍ ສຸຂໍ…ເປ… ເສນາສນໍ ສທ຺ຘາຍ…ເປ… ປຎ຺ຎາຍ, ຣາຄສ຺ສ…ເປ… ມານສ຺ສ… ປຕ຺ຖນາຍ… ກາຍິກສ຺ສ ສຸຂສ຺ສ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ; ສີລໍ…ເປ… ເສນາສນໍ ອຸປນິສ຺ສາຍ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ; ສທ຺ຘາ…ເປ… ເສນາສນໍ ປຣາມາສສມ຺ປຍຸຕ຺ຕສ຺ສ ຣາຄສ຺ສ…ເປ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈໂຍ

໗໓. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ວິປສ຺ສຕິ, ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສວິປ຺ປຍຸຕ຺ໂຕ ຣາໂຄ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ …ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ປຣາມາສວິປ຺ປຍຸຕ຺ຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ວຕ຺ຖຸ ປຣາມາສສມ຺ປຍຸຕ຺ຕການໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕາເສວນປຈ຺ຈຍາ

໗໔. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ… ທ຺ເວ.

ກມ຺ມປຈ຺ຈຍາທິ

໗໕. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ປຣາມາສສມ຺ປຍຸຕ຺ຕາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ປຣາມາສສມ຺ປຍຸຕ຺ຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຣາມາສສມ຺ປຍຸຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ປຣາມາສວິປ຺ປຍຸຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ປຣາມາສວິປ຺ປຍຸຕ຺ຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ວິປາກປຈ຺ຈເຍນ ປຈ຺ຈໂຍ… ເອກໍ, ອາຫາຣປຈ຺ຈເຍນ ປຈ຺ຈໂຍ… ຈຕ຺ຕາຣິ, ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຈຕ຺ຕາຣິ, ຌານປຈ຺ຈເຍນ ປຈ຺ຈໂຍ… ຈຕ຺ຕາຣິ, ມຄ຺ຄປຈ຺ຈເຍນ ປຈ຺ຈໂຍ… ຈຕ຺ຕາຣິ, ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ທ຺ເວ.

ວິປ຺ປຍຸຕ຺ຕປຈ຺ຈໂຍ

໗໖. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ປຣາມາສມ຺ປຍຸຕ຺ຕການໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອຕ຺ຖິປຈ຺ຈໂຍ

໗໗. ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ…. (໑)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ.) (໒)

ປຣາມາສສມ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຈ ປຣາມາສວິປ຺ປຍຸຕ຺ຕສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ປຣາມາສສມ຺ປຍຸຕ຺ໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ…. (໓)

໗໘. ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໑)

ປຣາມາສວິປ຺ປຍຸຕ຺ໂຕ ຘມ຺ໂມ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ປຣາມາສສມ຺ປຍຸຕ຺ໂຕ ຣາໂຄ ອຸປ຺ປຊ຺ຊຕິ, ວຕ຺ຖຸ ປຣາມາສສມ຺ປຍຸຕ຺ຕການໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

໗໙. ປຣາມາສສມ຺ປຍຸຕ຺ໂຕ ຈ ປຣາມາສວິປ຺ປຍຸຕ຺ໂຕ ຈ ຘມ຺ມາ ປຣາມາສສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ປຣາມາສສມ຺ປຍຸຕ຺ໂຕ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. (໑)

ປຣາມາສສມ຺ປຍຸຕ຺ໂຕ ຈ ປຣາມາສວິປ຺ປຍຸຕ຺ໂຕ ຈ ຘມ຺ມາ ປຣາມາສວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ປຣາມາສສມ຺ປຍຸຕ຺ຕາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ປຣາມາສສມ຺ປຍຸຕ຺ຕາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ປຣາມາສສມ຺ປຍຸຕ຺ຕາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)