໑. ວິຠງ຺ຄວາໂຣ

ເຫຕຸປຈ຺ຈໂຍ

໖໖. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ນີວຣຓສມ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ນີວຣຓສມ຺ປຍຸຕ຺ຕາ ເຫຕູ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ນີວຣຓສມ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ນີວຣຓວິປ຺ປຍຸຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໖໗. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຣາຄໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ທິຏ຺ຐິໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ວິຈິກິຈ຺ຉໍ ອາຣພ຺ຠ ວິຈິກິຈ຺ຉາ…ເປ… ທິຏ຺ຐິ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ອຸທ຺ຘຈ຺ຈໍ ອາຣພ຺ຠ ອຸທ຺ຘຈ຺ຈໍ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ, ໂທມນສ຺ສໍ ອຸປ຺ປຊ຺ຊຕິ; ໂທມນສ຺ສໍ ອາຣພ຺ຠ ໂທມນສ຺ສໍ ອຸປ຺ປຊ຺ຊຕິ; ທິຏ຺ຐິ …ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ ອຸປ຺ປຊ຺ຊຕິ. (໑)

ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ນີວຣຓສມ຺ປຍຸຕ຺ເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ; ນີວຣຓສມ຺ປຍຸຕ຺ເຕ ຂນ຺ເຘ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ, ເຈໂຕປຣິຍຎາເຓນ ນີວຣຓສມ຺ປຍຸຕ຺ຕຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ; ນີວຣຓສມ຺ປຍຸຕ຺ຕາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

໖໘. ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ…ເປ… ຜລໍ…ເປ… ນິພ຺ພານໍ…ເປ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ນີວຣຓວິປ຺ປຍຸຕ຺ເຕ ຂນ຺ເຘ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ, ທິພ຺ເພນ ຈກ຺ຂຸນາ ຣູປໍ ປສ຺ສຕິ (ຍາວ ອາວຊ຺ຊນາຍ). (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ນີວຣຓວິປ຺ປຍຸຕ຺ເຕ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ. (໒)

ອຘິປຕິປຈ຺ຈໂຍ

໖໙. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ຣາຄໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ; ທິຏ຺ຐິໍ ຄຣຸໍ ກຕ຺ວາ ອສ຺ສາເທຕິ…ເປ…. ສຫຊາຕາຘິປຕິ – ນີວຣຓສມ຺ປຍຸຕ຺ຕາຘິປຕິ ນີວຣຓສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນີວຣຓສມ຺ປຍຸຕ຺ຕາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ນີວຣຓສມ຺ປຍຸຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

໗໐. ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ…ເປ… ຜລໍ…ເປ… ນິພ຺ພານໍ…ເປ… ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ນີວຣຓວິປ຺ປຍຸຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ປຸພ຺ເພ…ເປ… ຌານໍ…ເປ… ຈກ຺ຂຸໍ…ເປ… ວຕ຺ຖຸໍ ນີວຣຓວິປ຺ປຍຸຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. (໒)

ອນນ຺ຕຣປຈ຺ຈໂຍ

໗໑. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ນີວຣຓສມ຺ປຍຸຕ຺ຕາ ຂນ຺ຘາ ປຈ຺ຉິມານໍ ປຈ຺ຉິມານໍ ນີວຣຓສມ຺ປຍຸຕ຺ຕການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ນີວຣຓສມ຺ປຍຸຕ຺ຕາ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ (ອິຘ ປຸຣິມາ ປຸຣິມາຕິ ນຕ຺ຖິ). (໒)

(ມູລໍ ປຸຈ຺ຉິຕພ຺ພໍ) ປຸຣິມາ ປຸຣິມາ ນີວຣຓວິປ຺ປຍຸຕ຺ຕາ ຂນ຺ຘາ ປຈ຺ຉິມານໍ ປຈ຺ຉິມານໍ ນີວຣຓວິປ຺ປຍຸຕ຺ຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ອາວຊ຺ຊນາ ນີວຣຓສມ຺ປຍຸຕ຺ຕການໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສມນນ຺ຕຣປຈ຺ຈຍາທິ

໗໒. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ນິສ຺ສຍປຈ຺ຈເຍນ ປຈ຺ຈໂຍ.

ອຸປນິສ຺ສຍປຈ຺ຈໂຍ

໗໓. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຣາຄໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ໂທສໍ… ໂມຫໍ… ມານໍ… ທິຏ຺ຐິໍ… ປຕ຺ຖນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ຣາໂຄ…ເປ… ປຕ຺ຖນາ ຣາຄສ຺ສ…ເປ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຣາຄໍ ອຸປນິສ຺ສາຍ ທານໍ ເທຕິ…ເປ… ສີລໍ…ເປ… ອຸໂປສຖກມ຺ມໍ…ເປ… ຌານໍ…ເປ… ວິປສ຺ສນໍ… ມຄ຺ຄໍ… ອຠິຎ຺ຎໍ… ສມາປຕ຺ຕິໍ ອຸປ຺ປາເທຕິ; ໂທສໍ…ເປ… ປຕ຺ຖນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ; ຣາໂຄ…ເປ… ປຕ຺ຖນາ ສທ຺ຘາຍ …ເປ… ປຎ຺ຎາຍ… ກາຍິກສ຺ສ ສຸຂສ຺ສ, ກາຍິກສ຺ສ ທຸກ຺ຂສ຺ສ, ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໗໔. ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ, ສີລໍ…ເປ… ມຄ຺ຄໍ…ເປ… ອຠິຎ຺ຎໍ…ເປ… ສມາປຕ຺ຕິໍ ອຸປ຺ປາເທຕິ, ສີລໍ…ເປ… ປຎ຺ຎໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ; ສທ຺ຘາ…ເປ… ເສນາສນໍ ສທ຺ຘາຍ…ເປ… ປຎ຺ຎາຍ…ເປ… ມຄ຺ຄສ຺ສ ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ປຎ຺ຎໍ, ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ຣາຄສ຺ສ… ໂທສສ຺ສ… ໂມຫສ຺ສ… ມານສ຺ສ… ທິຏ຺ຐິຍາ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈໂຍ

໗໕. ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສຕິ. ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ນີວຣຓວິປ຺ປຍຸຕ຺ຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ… ໂທໂສ… ໂມໂຫ…. ວຕ຺ຖຸປຸເຣຊາຕໍ – ວຕ຺ຖຸ ນີວຣຓສມ຺ປຍຸຕ຺ຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕາເສວນປຈ຺ຈຍາ

໗໖. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ… ທ຺ເວ, ອາເສວນປຈ຺ຈເຍນ ປຈ຺ຈໂຍ… ທ຺ເວ.

ກມ຺ມປຈ຺ຈຍາທິ

໗໗. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ນີວຣຓສມ຺ປຍຸຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ສຫຊາຕາ, ນານາກ຺ຂຓິກາ. ສຫຊາຕາ – ນີວຣຓສມ຺ປຍຸຕ຺ຕາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ນີວຣຓສມ຺ປຍຸຕ຺ຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ນີວຣຓສມ຺ປຍຸຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ (ສໍຂິຕ຺ຕໍ). ວິປາກປຈ຺ຈຍາ… ເອກໍ.

ອາຫາຣປຈ຺ຈຍາທິ

໗໘. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຌານປຈ຺ຈເຍນ ປຈ຺ຈໂຍ… ມຄ຺ຄປຈ຺ຈເຍນ ປຈ຺ຈໂຍ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ທ຺ເວ.

ວິປ຺ປຍຸຕ຺ຕປຈ຺ຈໂຍ

໗໙. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ນີວຣຓສມ຺ປຍຸຕ຺ຕການໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ອຕ຺ຖິປຈ຺ຈໂຍ

໘໐. ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ນີວຣຓສມ຺ປຍຸຕ຺ໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ…. (໑)

ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ນີວຣຓສມ຺ປຍຸຕ຺ຕາ ຂນ຺ຘາ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ນີວຣຓສມ຺ປຍຸຕ຺ຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໒)

ນີວຣຓສມ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຈ ນີວຣຓວິປ຺ປຍຸຕ຺ຕສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ນີວຣຓສມ຺ປຍຸຕ຺ໂຕ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ທ຺ວິນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໓)

໘໑. ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໑)

ນີວຣຓວິປ຺ປຍຸຕ຺ໂຕ ຘມ຺ໂມ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ…ເປ… ທິຏ຺ຐິ…ເປ… ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ວຕ຺ຖຸ ນີວຣຓສມ຺ປຍຸຕ຺ຕການໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

໘໒. ນີວຣຓສມ຺ປຍຸຕ຺ໂຕ ຈ ນີວຣຓວິປ຺ປຍຸຕ຺ໂຕ ຈ ຘມ຺ມາ ນີວຣຓສມ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ນີວຣຓສມ຺ປຍຸຕ຺ໂຕ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ ວຕ຺ຖຸ ຈ ທ຺ວິນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ນີວຣຓສມ຺ປຍຸຕ຺ໂຕ ຈ ນີວຣຓວິປ຺ປຍຸຕ຺ໂຕ ຈ ຘມ຺ມາ ນີວຣຓວິປ຺ປຍຸຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ນີວຣຓສມ຺ປຍຸຕ຺ຕາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ນີວຣຓສມ຺ປຍຸຕ຺ຕາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ນີວຣຓສມ຺ປຍຸຕ຺ຕາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)