໑. ວິຠງ຺ຄວາໂຣ

ເຫຕຸປຈ຺ຈໂຍ

໕໙. ນີວຣຓສມ຺ປຍຸຕ຺ຕໍ ຘມ຺ມໍ ປຈ຺ຈຍາ ນີວຣຓສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນີວຣຓວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ນີວຣຓວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນີວຣຓວິປ຺ປຍຸຕ຺ຕໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ …ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ເອກໍ ມຫາຠູຕໍ…ເປ… ວຕ຺ຖຸໍ ປຈ຺ຈຍາ ນີວຣຓວິປ຺ປຍຸຕ຺ຕາ ຂນ຺ຘາ. (໑)

ນີວຣຓວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ນີວຣຓສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ນີວຣຓສມ຺ປຍຸຕ຺ຕາ ຂນ຺ຘາ. (໒)

ນີວຣຓວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ນີວຣຓສມ຺ປຍຸຕ຺ໂຕ ຈ ນີວຣຓວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ນີວຣຓສມ຺ປຍຸຕ຺ຕາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໓)

໖໐. ນີວຣຓສມ຺ປຍຸຕ຺ຕຎ຺ຈ ນີວຣຓວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ນີວຣຓສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນີວຣຓສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ນີວຣຓສມ຺ປຍຸຕ຺ຕຎ຺ຈ ນີວຣຓວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ນີວຣຓວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນີວຣຓສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໒)

ນີວຣຓສມ຺ປຍຸຕ຺ຕຎ຺ຈ ນີວຣຓວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ນີວຣຓສມ຺ປຍຸຕ຺ໂຕ ຈ ນີວຣຓວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ນີວຣຓສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ນີວຣຓສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ (ສໍຂິຕ຺ຕໍ). (໓)