໑. ວິຠງ຺ຄວາໂຣ

ເຫຕຸປຈ຺ຈໂຍ

໑໓. ນີວຣຓໍ ຘມ຺ມໍ ປຈ຺ຈຍາ ນີວຣໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ໂນນີວຣຓໍ ຘມ຺ມໍ ປຈ຺ຈຍາ ໂນນີວຣໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນນີວຣຓໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… (ຍາວ ອຊ຺ຌຕ຺ຕິກາ ມຫາຠູຕາ), ວຕ຺ຖຸໍ ປຈ຺ຈຍາ ໂນນີວຣຓາ ຂນ຺ຘາ. (໑)

ໂນນີວຣຓໍ ຘມ຺ມໍ ປຈ຺ຈຍາ ນີວຣໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນນີວຣເຓ ຂນ຺ເຘ ປຈ຺ຈຍາ ນີວຣຓາ, ວຕ຺ຖຸໍ ປຈ຺ຈຍາ ນີວຣຓາ. (໒)

ໂນນີວຣຓໍ ຘມ຺ມໍ ປຈ຺ຈຍາ ນີວຣໂຓ ຈ ໂນນີວຣໂຓ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນນີວຣຓໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ນີວຣຓາ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ວຕ຺ຖຸໍ ປຈ຺ຈຍາ ນີວຣຓາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ວຕ຺ຖຸໍ ປຈ຺ຈຍາ ນີວຣຓາ ຈ ສມ຺ປຍຸຕ຺ຕກາ ຈ ຂນ຺ຘາ. (໓)

໑໔. ນີວຣຓຎ຺ຈ ໂນນີວຣຓຎ຺ຈ ຘມ຺ມໍ ປຈ຺ຈຍາ ນີວຣໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກາມຈ຺ຉນ຺ທນີວຣຓຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຈ຺ຈຍາ ຖິນມິທ຺ຘນີວຣຓໍ ອຸທ຺ຘຈ຺ຈນີວຣຓໍ ອວິຊ຺ຊານີວຣຓໍ (ຈກ຺ກໍ). ກາມຈ຺ຉນ຺ທນີວຣຓຎ຺ຈ ວຕ຺ຖຸຎ຺ຈ ປຈ຺ຈຍາ ຖິນມິທ຺ຘນີວຣຓໍ ອຸທ຺ຘຈ຺ຈນີວຣຓໍ ອວິຊ຺ຊານີວຣຓໍ (ຈກ຺ກໍ). (໑)

ນີວຣຓຎ຺ຈ ໂນນີວຣຓຎ຺ຈ ຘມ຺ມໍ ປຈ຺ຈຍາ ໂນນີວຣໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນນີວຣຓໍ ເອກໍ ຂນ຺ຘຎ຺ຈ ນີວຣຓຎ຺ຈ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ນີວຣຓຎ຺ຈ ວຕ຺ຖຸຎ຺ຈ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ, ນີວຣຓຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ນີວຣເຓ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໒)

ນີວຣຓຎ຺ຈ ໂນນີວຣຓຎ຺ຈ ຘມ຺ມໍ ປຈ຺ຈຍາ ນີວຣໂຓ ຈ ໂນນີວຣໂຓ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນນີວຣຓໍ ເອກໍ ຂນ຺ຘຎ຺ຈ ກາມຈ຺ຉນ຺ທນີວຣຓຎ຺ຈ ປຈ຺ຈຍາ ຕໂຍ ຂນ຺ຘາ ຖິນມິທ຺ຘນີວຣຓໍ ອຸທ຺ຘຈ຺ຈນີວຣຓໍ ອວິຊ຺ຊານີວຣຓໍ…ເປ… ທ຺ເວ ຂນ຺ເຘ …ເປ… (ຈກ຺ກໍ). ກາມຈ຺ຉນ຺ທນີວຣຓຎ຺ຈ ວຕ຺ຖຸຎ຺ຈ ປຈ຺ຈຍາ ຖິນມິທ຺ຘນີວຣຓໍ ອຸທ຺ຘຈ຺ຈນີວຣຓໍ ອວິຊ຺ຊານີວຣຓໍ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ. ສໍຂິຕ຺ຕໍ). (໓)