໑. ວິຠງ຺ຄວາໂຣ

ເຫຕຸປຈ຺ຈໂຍ

໔໕. ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຄນ຺ຖສມ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຄນ຺ຖສມ຺ປຍຸຕ຺ເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ປຏິຈ຺ຈ ໂລໂຠ ຈິຕ຺ຕສມຸຏ຺ຐານຎ຺ຈ ຣູປໍ, ໂທມນສ຺ສສຫຄເຕ ຂນ຺ເຘ ປຏິຈ຺ຈ ປຏິຆໍ ຈິຕ຺ຕສມຸຏ຺ຐານຎ຺ຈ ຣູປໍ. (໒)

ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຈ ຄນ຺ຖວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ຄນ຺ຖສມ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ໂລໂຠ ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ໂທມນສ຺ສສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ປຏິຆຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

໔໖. ຄນ຺ຖວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຄນ຺ຖວິປ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ປຏິຆໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ (ສໍຂິຕ຺ຕໍ). (໑)

ຄນ຺ຖວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ປຏິຆໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ. (໒)

ຄນ຺ຖວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຈ ຄນ຺ຖວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ປຏິຆໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

໔໗. ຄນ຺ຖສມ຺ປຍຸຕ຺ຕຎ຺ຈ ຄນ຺ຖວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ໂທມນສ຺ສສຫຄຕໍ ເອກໍ ຂນ຺ຘຎ຺ຈ ປຏິຆຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ຄນ຺ຖສມ຺ປຍຸຕ຺ຕຎ຺ຈ ຄນ຺ຖວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ຄນ຺ຖວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຄນ຺ຖສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ໂລຠຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ໂທມນສ຺ສສຫຄເຕ ຂນ຺ເຘ ຈ ປຏິຆຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ຄນ຺ຖສມ຺ປຍຸຕ຺ຕຎ຺ຈ ຄນ຺ຖວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຈ ຄນ຺ຖວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ໂທມນສ຺ສສຫຄຕໍ ເອກໍ ຂນ຺ຘຎ຺ຈ ປຏິຆຎ຺ຈ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

ອາຣມ຺ມຓປຈ຺ຈໂຍ

໔໘. ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຄນ຺ຖສມ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ປຏິຈ຺ຈ ໂລໂຠ, ໂທມນສ຺ສສຫຄເຕ ຂນ຺ເຘ ປຏິຈ຺ຈ ປຏິຆໍ. (໒)

ຄນ຺ຖສມ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຈ ຄນ຺ຖວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ໂລໂຠ ຈ…ເປ… ທ຺ເວ ຂນ຺ເຘ…ເປ… ໂທມນສ຺ສສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ປຏິຆຎ຺ຈ…ເປ… ທ຺ເວ ຂນ຺ເຘ…ເປ…. (໓)

໔໙. ຄນ຺ຖວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຄນ຺ຖວິປ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ວຕ຺ຖຸໍ ປຏິຈ຺ຈ ຂນ຺ຘາ. (໑)

ຄນ຺ຖວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ, ປຏິຆໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ. (໒)

ຄນ຺ຖສມ຺ປຍຸຕ຺ຕຎ຺ຈ ຄນ຺ຖວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ຄນ຺ຖສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ໂທມນສ຺ສສຫຄຕໍ ເອກໍ ຂນ຺ຘຎ຺ຈ ປຏິຆຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… (ສໍຂິຕ຺ຕໍ). (໑)