໑. ວິຠງ຺ຄວາໂຣ

ເຫຕຸປຈ຺ຈໂຍ

໑໐໐. ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກາມຣາຄສຎ຺ໂຎຊນໍ ປຏິຈ຺ຈ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ (ຈກ຺ກໍ). (໑)

ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊເນ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ. (໒)

ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ກາມຣາຄສຎ຺ໂຎຊນໍ ປຏິຈ຺ຈ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ). (໓)

໑໐໑. ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ຘມ຺ມໍ ປຏິຈ຺ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ເຕ ເຈວ ໂນ ຈ ສຎ຺ໂຎຊເນ ຂນ຺ເຘ ປຏິຈ຺ຈ ສຎ຺ໂຎຊນາ (໒)

ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ສຎ຺ໂຎຊນາ ຈ…ເປ… ທ຺ເວ ຂນ຺ເຘ…ເປ…. (໓)

໑໐໒. ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກາມຣາຄສຎ຺ໂຎຊນຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຏິຈ຺ຈ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ (ຈກ຺ກໍ). (໑)

ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ເອກໍ ຂນ຺ຘຎ຺ຈ ສຎ຺ໂຎຊເນ ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ…ເປ…. (໒)

ສຎ຺ໂຎຊນຎ຺ເຈວ ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ສຎ຺ໂຎຊໂນ ເຈວ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນສມ຺ປຍຸຕ຺ໂຕ ເຈວ ໂນ ຈ ສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕຎ຺ເຈວ ໂນ ຈ ສຎ຺ໂຎຊນໍ ເອກໍ ຂນ຺ຘຎ຺ຈ ກາມຣາຄສຎ຺ໂຎຊນຎ຺ຈ ປຏິຈ຺ຈ ຕໂຍ ຂນ຺ຘາ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ…ເປ… ທ຺ເວ ຂນ຺ເຘ ຈ…ເປ… (ຈກ຺ກໍ). (໓)