໑. ວິຠງ຺ຄວາໂຣ

ເຫຕຸປຈ຺ຈໂຍ

໕໑. ສຎ຺ໂຎຊນສມ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ປຏິຈ຺ຈສທິສໍ).

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ (ຍາວ ປຏິສນ຺ຘິ), ເອກໍ ມຫາຠູຕໍ…ເປ… ວຕ຺ຖຸໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ຕາ ຂນ຺ຘາ, ວຕ຺ຖຸໍ ປຈ຺ຈຍາ ອຸທ຺ຘຈ຺ຈສຫຄໂຕ ໂມໂຫ. (໑)

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ສຎ຺ໂຎຊນສມ຺ປຍຸຕ຺ຕກາ ຂນ຺ຘາ, ອຸທ຺ຘຈ຺ຈສຫຄຕໍ ໂມຫໍ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ. (໒)

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ສຎ຺ໂຎຊນສມ຺ປຍຸຕ຺ຕກາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ອຸທ຺ຘຈ຺ຈສຫຄຕໍ ໂມຫໍ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ. (໓)

໕໒. ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ …ເປ… ທ຺ເວ ຂນ຺ເຘ…ເປ… ອຸທ຺ຘຈ຺ຈສຫຄຕໍ ເອກໍ ຂນ຺ຘຎ຺ຈ ໂມຫຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ອຸທ຺ຘຈ຺ຈສຫຄເຕ ຂນ຺ເຘ ຈ ໂມຫຎ຺ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ. (໒)

ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ສຎ຺ໂຎຊນສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ສຎ຺ໂຎຊນສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ອຸທ຺ຘຈ຺ຈສຫຄຕໍ ເອກໍ ຂນ຺ຘຎ຺ຈ ໂມຫຎ຺ຈ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ…. (໓)

ອາຣມ຺ມຓປຈ຺ຈໂຍ

໕໓. ສຎ຺ໂຎຊນສມ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ… ຕີຓິ (ປຏິຈ຺ຈສທິສາ).

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ (ຍາວ ປຏິສນ຺ຘິ), ວຕ຺ຖຸໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ຕາ ຂນ຺ຘາ, ຈກ຺ຂາຍຕນໍ ປຈ຺ຈຍາ ຈກ຺ຂຸວິຎ຺ຎາຓໍ…ເປ… ກາຍາຍຕນໍ ປຈ຺ຈຍາ ກາຍວິຎ຺ຎາຓໍ, ວຕ຺ຖຸໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ຕາ ຂນ຺ຘາ, ວຕ຺ຖຸໍ ປຈ຺ຈຍາ ອຸທ຺ຘຈ຺ຈສຫຄໂຕ ໂມໂຫ. (໑)

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ວຕ຺ຖຸໍ ປຈ຺ຈຍາ ສຎ຺ໂຎຊນສມ຺ປຍຸຕ຺ຕກາ ຂນ຺ຘາ, ອຸທ຺ຘຈ຺ຈສຫຄຕໍ ໂມຫໍ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ. (໒)

ສຎ຺ໂຎຊນວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ວຕ຺ຖຸໍ ປຈ຺ຈຍາ ອຸທ຺ຘຈ຺ຈສຫຄຕາ ຂນ຺ຘາ ຈ ໂມໂຫ ຈ. (໓)

໕໔. ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ສຎ຺ໂຎຊນສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ອຸທ຺ຘຈ຺ຈສຫຄຕໍ ເອກໍ ຂນ຺ຘຎ຺ຈ ໂມຫຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ອຸທ຺ຘຈ຺ຈສຫຄເຕ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ອຸທ຺ຘຈ຺ຈສຫຄໂຕ ໂມໂຫ. (໒)

ສຎ຺ໂຎຊນສມ຺ປຍຸຕ຺ຕຎ຺ຈ ສຎ຺ໂຎຊນວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຈ ສຎ຺ໂຎຊນວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ອຸທ຺ຘຈ຺ຈສຫຄຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ ໂມໂຫ ຈ…ເປ… ທ຺ເວ ຂນ຺ເຘ…ເປ…. (໓)

ອຘິປຕິປຈ຺ຈຍາທິ

໕໕. ສຎ຺ໂຎຊນສມ຺ປຍຸຕ຺ຕໍ ຘມ຺ມໍ ປຈ຺ຈຍາ ສຎ຺ໂຎຊນສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ອຘິປຕິປຈ຺ຈຍາ…ເປ… ອວິຄຕປຈ຺ຈຍາ…ເປ….