໑. ວິຠງ຺ຄວາໂຣ

ເຫຕຸປຈ຺ຈໂຍ

໑໕. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ສຎ຺ໂຎຊນາ ເຫຕູ ສມ຺ປຍຸຕ຺ຕການໍ ສຎ຺ໂຎຊນານໍ ເຫຕຸປຈ຺ຈເຍນ ປຈ຺ຈໂຍ. (໑)

ສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ສຎ຺ໂຎຊນາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໒)

ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ສຎ຺ໂຎຊນາ ເຫຕູ ສມ຺ປຍຸຕ຺ຕການໍ ຂນ຺ຘານໍ ສຎ຺ໂຎຊນານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

໑໖. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນສຎ຺ໂຎຊນາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ອາຣມ຺ມຓປຈ຺ຈໂຍ

໑໗. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ສຎ຺ໂຎຊເນ ອາຣພ຺ຠ ສຎ຺ໂຎຊນາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ) ສຎ຺ໂຎຊເນ ອາຣພ຺ຠ ໂນສຎ຺ໂຎຊນາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ) ສຎ຺ໂຎຊເນ ອາຣພ຺ຠ ສຎ຺ໂຎຊນາ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

໑໘. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ…ເປ… ຌານາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ…ເປ… ນິພ຺ພານໍ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ໂນສຎ຺ໂຎຊເນ ປຫີເນ ກິເລເສ…ເປ… ວິກ຺ຂມ຺ຠິເຕ ກິເລເສ…ເປ… ປຸພ຺ເພ…ເປ… ຈກ຺ຂຸໍ …ເປ… ວຕ຺ຖຸໍ ໂນສຎ຺ໂຎຊເນ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ເຈໂຕປຣິຍຎາເຓນ ໂນສຎ຺ໂຎຊນຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ໂນສຎ຺ໂຎຊນາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ໂນສຎ຺ໂຎຊເນ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ. (໒)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ໂນສຎ຺ໂຎຊເນ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ສຎ຺ໂຎຊນາ ຈ ສຎ຺ໂຎຊນສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ (ອາຣພ຺ຠເຍວ ກາຕພ຺ພາ).

ອຘິປຕິປຈ຺ຈໂຍ

໑໙. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ສຎ຺ໂຎຊນໍ ຄຣຸໍ ກຕ຺ວາ…ເປ… ຕີຓິ (ຄຣຸກາຣມ຺ມຓາ).

ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ…ເປ… ຕີຓິ (ຕິຓ຺ຓມ຺ປິ ອາຣມ຺ມຓາຘິປຕິ, ສຫຊາຕາຘິປຕິປິ ກາຕພ຺ພາ, ວິຠຊິຕພ຺ພາ ຕີຓິປິ).

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ສຎ຺ໂຎຊເນ ຈ ສມ຺ປຍຸຕ຺ຕເກ ຈ ຂນ຺ເຘ ຄຣຸໍ ກຕ຺ວາ…ເປ… ຕີຓິ.

ອນນ຺ຕຣປຈ຺ຈໂຍ

໒໐. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ສຎ຺ໂຎຊນາ ປຈ຺ຉິມານໍ ປຈ຺ຉິມານໍ ສຎ຺ໂຎຊນານໍ ອນນ຺ຕຣປຈ຺ຈເຍນ ປຈ຺ຈໂຍ… ຕີຓິ.

ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນສຎ຺ໂຎຊນາ ຂນ຺ຘາ ປຈ຺ຉິມານໍ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນສຎ຺ໂຎຊນາ ຂນ຺ຘາ ປຈ຺ຉິມານໍ ປຈ຺ຉິມານໍ ສຎ຺ໂຎຊນານໍ ອນນ຺ຕຣປຈ຺ຈເຍນ ປຈ຺ຈໂຍ; ອາວຊ຺ຊນາ ສຎ຺ໂຎຊນານໍ ອນນ຺ຕຣປຈ຺ຈເຍນ ປຈ຺ຈໂຍ (ເອວໍ ທ຺ເວປິ ກາຕພ຺ພາ). (໓)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ… ຕີຓິ.

ສມນນ຺ຕຣປຈ຺ຈຍາທິ

໒໑. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ສມນນ຺ຕຣປຈ຺ຈເຍນ ປຈ຺ຈໂຍ… ນວ… ສຫຊາຕປຈ຺ຈເຍນ ປຈ຺ຈໂຍ… ນວ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ນວ… ນິສ຺ສຍປຈ຺ຈເຍນ ປຈ຺ຈໂຍ… ນວ.

ອຸປນິສ຺ສຍປຈ຺ຈໂຍ

໒໒. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສຎ຺ໂຎຊນາ ສຎ຺ໂຎຊນານໍ ອຸປນິສ຺ສຍປຈ຺ຈເຍນ ປຈ຺ຈໂຍ (ເອວໍ ຕີຓິປິ).

໒໓. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ປຎ຺ຎໍ, ຣາຄໍ…ເປ… ປຕ຺ຖນໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ສທ຺ຘາຍ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ຣາຄສ຺ສ…ເປ… ປຕ຺ຖນາຍ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ປາຓໍ ຫນຕິ…ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ສຎ຺ໂຎຊນານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

ປຸເຣຊາຕປຈ຺ຈໂຍ

໒໔. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ, ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ໂນສຎ຺ໂຎຊນານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ວຕ຺ຖຸ ສຎ຺ໂຎຊນານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ, ອຠິນນ຺ທຕິ, ຕໍ ອາຣພ຺ຠ ສຎ຺ໂຎຊນາ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. ວຕ຺ຖຸປຸເຣຊາຕໍ – ວຕ຺ຖຸ ສຎ຺ໂຎຊນານໍ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

ປຈ຺ຉາຊາຕປຈ຺ຈໂຍ

໒໕. ສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ… ເອກໍ.

ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ…ເປ…. (໑)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ໂນສຎ຺ໂຎຊນສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ…ເປ…. (໑)

ອາເສວນປຈ຺ຈໂຍ

໒໖. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ… ນວ.

ກມ຺ມປຈ຺ຈຍາທິ

໒໗. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ… ຕີຓິ… ວິປາກປຈ຺ຈເຍນ ປຈ຺ຈໂຍ… ເອກໍ… ອາຫາຣປຈ຺ຈເຍນ ປຈ຺ຈໂຍ… ຕີຓິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຕີຓິ… ຌານປຈ຺ຈເຍນ ປຈ຺ຈໂຍ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ… ນວ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ນວ.

ວິປ຺ປຍຸຕ຺ຕປຈ຺ຈໂຍ

໒໘. ສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ວິຠຊິຕພ຺ພໍ). (໑)

ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ວິຠຊິຕພ຺ພໍ). (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ສຎ຺ໂຎຊນານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ສຎ຺ໂຎຊນານໍ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ໂນສຎ຺ໂຎຊນສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ວິຠຊິຕພ຺ພໍ). (໑)

ອຕ຺ຖິປຈ຺ຈໂຍ

໒໙. ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ… ເອກໍ (ປຏິຈ຺ຈສທິສໍ). (໑)

ສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໒)

ສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ). (໓)

໓໐. ໂນສຎ຺ໂຎຊໂນ ຘມ຺ໂມ ໂນສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໑)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕາ – ໂນສຎ຺ໂຎຊນາ ຂນ຺ຘາ ສມ຺ປຍຸຕ຺ຕການໍ ສຎ຺ໂຎຊນານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ, ວຕ຺ຖຸ ສຎ຺ໂຎຊນານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ໂນສຎ຺ໂຎຊໂນ ຘມ຺ໂມ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ໂນສຎ຺ໂຎຊໂນ…ເປ… (ສໍຂິຕ຺ຕໍ, ອາສວສທິສໍ). (໓)

໓໑. ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ອາສວສທິສໍ). (໑)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ໂນສຎ຺ໂຎຊນສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ວິຠຊິຕພ຺ພໍ ອາສວສທິສໍ). (໒)

ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ສຎ຺ໂຎຊນສ຺ສ ຈ ໂນສຎ຺ໂຎຊນສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ວິຠຊິຕພ຺ພໍ ອາສວສທິສໍ). (໓)