໑-໔. ປຈ຺ຈຍານຸໂລມາທິ

ເຫຕຸປຈ຺ຈໂຍ

໑໐. ສຎ຺ໂຎຊນໍ ຘມ຺ມໍ ປຈ຺ຈຍາ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ປຏິຈ຺ຈສທິສໍ).

ໂນສຎ຺ໂຎຊນໍ ຘມ຺ມໍ ປຈ຺ຈຍາ ໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນສຎ຺ໂຎຊນໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ຂນ຺ເຘ ປຈ຺ຈຍາ ວຕ຺ຖຸ, ວຕ຺ຖຸໍ ປຈ຺ຈຍາ ຂນ຺ຘາ, ເອກໍ ມຫາຠູຕໍ…ເປ… ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ກຏຕ຺ຕາຣູປໍ, ອຸປາທາຣູປໍ, ວຕ຺ຖຸໍ ປຈ຺ຈຍາ ໂນສຎ຺ໂຎຊນາ ຂນ຺ຘາ. (໑)

ໂນສຎ຺ໂຎຊນໍ ຘມ຺ມໍ ປຈ຺ຈຍາ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນສຎ຺ໂຎຊເນ ຂນ຺ເຘ ປຈ຺ຈຍາ ສຎ຺ໂຎຊນາ, ວຕ຺ຖຸໍ ປຈ຺ຈຍາ ສຎ຺ໂຎຊນາ. (໒)

ໂນສຎ຺ໂຎຊນໍ ຘມ຺ມໍ ປຈ຺ຈຍາ ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນສຎ຺ໂຎຊນໍ ເອກໍ ຂນ຺ຘໍ ປຈ຺ຈຍາ ຕໂຍ ຂນ຺ຘາ ສຎ຺ໂຎຊນຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ວຕ຺ຖຸໍ ປຈ຺ຈຍາ ສຎ຺ໂຎຊນາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ວຕ຺ຖຸໍ ປຈ຺ຈຍາ ສຎ຺ໂຎຊນາ ສມ຺ປຍຸຕ຺ຕກາ ຈ ຂນ຺ຘາ. (໓)

໑໑. ສຎ຺ໂຎຊນຎ຺ຈ ໂນສຎ຺ໂຎຊນຎ຺ຈ ຘມ຺ມໍ ປຈ຺ຈຍາ ສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ກາມຣາຄສຎ຺ໂຎຊນຎ຺ຈ ສມ຺ປຍຸຕ຺ຕເກ ຈ ຂນ຺ເຘ ປຈ຺ຈຍາ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ, ກາມຣາຄສຎ຺ໂຎຊນຎ຺ຈ ວຕ຺ຖຸຎ຺ຈ ປຈ຺ຈຍາ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ (ຈກ຺ກໍ) (໑)

ສຎ຺ໂຎຊນຎ຺ຈ ໂນສຎ຺ໂຎຊນຎ຺ຈ ຘມ຺ມໍ ປຈ຺ຈຍາ ໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນສຎ຺ໂຎຊນໍ ເອກໍ ຂນ຺ຘຎ຺ຈ ສຎ຺ໂຎຊເນ ຈ ປຈ຺ຈຍາ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… (ຈກ຺ກໍ). ສຎ຺ໂຎຊເນ ຈ ວຕ຺ຖຸຎ຺ຈ ປຈ຺ຈຍາ ໂນສຎ຺ໂຎຊນາ ຂນ຺ຘາ. (໒)

ສຎ຺ໂຎຊນຎ຺ຈ ໂນສຎ຺ໂຎຊນຎ຺ຈ ຘມ຺ມໍ ປຈ຺ຈຍາ ສຎ຺ໂຎຊໂນ ຈ ໂນສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນສຎ຺ໂຎຊນໍ ເອກໍ ຂນ຺ຘຎ຺ຈ ກາມຣາຄສຎ຺ໂຎຊນຎ຺ຈ ປຈ຺ຈຍາ ຕໂຍ ຂນ຺ຘາ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… (ຈກ຺ກໍ). ກາມຣາຄສຎ຺ໂຎຊນຎ຺ຈ ວຕ຺ຖຸຎ຺ຈ ປຈ຺ຈຍາ ທິຏ຺ຐິສຎ຺ໂຎຊນໍ ອວິຊ຺ຊາສຎ຺ໂຎຊນໍ ສມ຺ປຍຸຕ຺ຕກາ ຈ ຂນ຺ຘາ (ຈກ຺ກໍ. ສໍຂິຕ຺ຕໍ). (໓)

໑໒. ເຫຕຸຍາ ນວ, ອາຣມ຺ມເຓ ນວ (ສພ຺ພຕ຺ຖ ນວ), ວິປາເກ ເອກໍ…ເປ… ອວິຄເຕ ນວ.

໑໓. ນເຫຕຸຍາ ຈຕ຺ຕາຣິ (ຍຕ຺ຖ ຍຕ຺ຖ ວຕ຺ຖຸ ລພ຺ຠຕິ, ຕຕ຺ຖ ຕຕ຺ຖ ນິນ຺ເນຕພ຺ພໍ), ນອາຣມ຺ມເຓ ຕີຓິ…ເປ… ໂນວິຄເຕ ຕີຓິ.