໑. ວິຠງ຺ຄວາໂຣ

ເຫຕຸປຈ຺ຈໂຍ

໑໒໑. ອາສໂວ ເຈວ ອາສວສມ຺ປຍຸຕ຺ໂຕ ຈ ຘມ຺ໂມ ອາສວສ຺ສ ເຈວ ອາສວສມ຺ປຍຸຕ຺ຕສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຘມ຺ໂມ ອາສວສມ຺ປຍຸຕ຺ຕສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອາສວສມ຺ປຍຸຕ຺ຕາ ເຈວ ໂນ ຈ ອາສວາ ເຫຕູ ສມ຺ປຍຸຕ຺ຕການໍ ຂນ຺ຘານໍ ເຫຕຸປຈ຺ຈເຍນ ປຈ຺ຈໂຍ. (໑)

ອາຣມ຺ມຓປຈ຺ຈຍາທິ

໑໒໒. ອາສໂວ ເຈວ ອາສວສມ຺ປຍຸຕ຺ໂຕ ຈ ຘມ຺ໂມ ອາສວສ຺ສ ເຈວ ອາສວສມ຺ປຍຸຕ຺ຕສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຘມ຺ໂມ ອາສວສມ຺ປຍຸຕ຺ຕສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອາສວສມ຺ປຍຸຕ຺ເຕ ເຈວ ໂນ ຈ ອາສເວ ຂນ຺ເຘ ອາຣພ຺ຠ ອາສວສມ຺ປຍຸຕ຺ຕາ ເຈວ ໂນ ຈ ອາສວາ ຂນ຺ຘາ ອຸປ຺ປຊ຺ຊນ຺ຕິ. (໑)

ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຘມ຺ໂມ ອາສວສ຺ສ ເຈວ ອາສວສມ຺ປຍຸຕ຺ຕສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອາສວສມ຺ປຍຸຕ຺ເຕ ເຈວ ໂນ ຈ ອາສເວ ຂນ຺ເຘ ອາຣພ຺ຠ ອາສວາ ອຸປ຺ປຊ຺ຊນ຺ຕິ. (໒)

ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຘມ຺ໂມ ອາສວສ຺ສ ເຈວ ອາສວສມ຺ປຍຸຕ຺ຕສ຺ສ ຈ ອາສວສມ຺ປຍຸຕ຺ຕສ຺ສ ເຈວ ໂນ ຈ ອາສວສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອາສວສມ຺ປຍຸຕ຺ເຕ ເຈວ ໂນ ຈ ອາສເວ ຂນ຺ເຘ ອາຣພ຺ຠ ອາສວາ ຈ ອາສວສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ອາສໂວ ເຈວ ອາສວສມ຺ປຍຸຕ຺ໂຕ ຈ ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຈ ຘມ຺ມາ ອາສວສ຺ສ ເຈວ ອາສວສມ຺ປຍຸຕ຺ຕສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ … ຕີຓິ.

ອຘິປຕິປຈ຺ຈຍາ… (ອາຣມ຺ມຓສທິສາ, ຄຣຸກາຣມ຺ມຓາ) ອນນ຺ຕຣປຈ຺ຈຍາ… (ອາຣມ຺ມຓສທິສາເຍວ, ປຸຣິມາ ປຸຣິມາຕິ ກາຕພ຺ພາ.) ສມນນ຺ຕຣປຈ຺ຈຍາ… ສຫຊາຕປຈ຺ຈຍາ… ອຎ຺ຎມຎ຺ຎປຈ຺ຈຍາ… ນິສ຺ສຍປຈ຺ຈຍາ… ອຸປນິສ຺ສຍປຈ຺ຈຍາ (ອາຣມ຺ມຓສທິສໍເຍວ, ວິຠຊນາ ນຕ຺ຖິ… ຕີຓິ. ອຸປນິສ຺ສຍໍ ສພ຺ພໍ ກາຕພ຺ພໍ).

ກມ຺ມປຈ຺ຈຍາທິ

໑໒໓. ອາສວສມ຺ປຍຸຕ຺ໂຕ ເຈວ ໂນ ຈ ອາສໂວ ຘມ຺ໂມ ອາສວສມ຺ປຍຸຕ຺ຕສ຺ສ ເຈວ ໂນ ຈ ອາສວສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ… ຕີຓິ… ອາຫາຣປຈ຺ຈເຍນ ປຈ຺ຈໂຍ… ຕີຓິ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຕີຓິ… ຌານປຈ຺ຈເຍນ ປຈ຺ຈໂຍ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ… ນວ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ນວ… ອຕ຺ຖິປຈ຺ຈເຍນ ປຈ຺ຈໂຍ… ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ… ນວ.