໑. ວິຠງ຺ຄວາໂຣ

ເຫຕຸປຈ຺ຈໂຍ

໑໔໘. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂລກິຍາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ອາຣມ຺ມຓປຈ຺ຈໂຍ

໑໔໙. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ, ປຸພ຺ເພ ສຸຈິຓ຺ຓານິ ປຈ຺ຈເວກ຺ຂຕິ, ຌານາ…ເປ… ອຣິຍາ ໂຄຕ຺ຣຠຸໍ ປຈ຺ຈເວກ຺ຂນ຺ຕິ, ໂວທານໍ ປຈ຺ຈເວກ຺ຂນ຺ຕິ, ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ…ເປ… ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ; ຈກ຺ຂຸໍ…ເປ… ວຕ຺ຖຸໍ ໂລກິເຍ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ເຈໂຕປຣິຍຎາເຓນ ໂລກິຍຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ, ໂລກິຍາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

໑໕໐. ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ນິພ຺ພານໍ ມຄ຺ຄສ຺ສ, ຜລສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ; ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ເຈໂຕປຣິຍຎາເຓນ ໂລກຸຕ຺ຕຣຈິຕ຺ຕສມງ຺ຄິສ຺ສ ຈິຕ຺ຕໍ ຊານນ຺ຕິ, ໂລກຸຕ຺ຕຣາ ຂນ຺ຘາ ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ອຘິປຕິປຈ຺ຈໂຍ

໑໕໑. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ …ເປ… ປຸພ຺ເພ…ເປ… ຌານາ…ເປ… ເສກ຺ຂາ ໂຄຕ຺ຣຠຸໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ໂວທານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ; ຈກ຺ຂຸໍ…ເປ… ວຕ຺ຖຸໍ ໂລກິເຍ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ໂລກິຍາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

໑໕໒. ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ນິພ຺ພານໍ ມຄ຺ຄສ຺ສ, ຜລສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ໂລກຸຕ຺ຕຣາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຘິປຕິປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ; ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ໂລກຸຕ຺ຕຣາຘິປຕິ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຈ ໂລກຸຕ຺ຕຣສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ສຫຊາຕາຘິປຕິ – ໂລກຸຕ຺ຕຣາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

ອນນ຺ຕຣປຈ຺ຈໂຍ

໑໕໓. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂລກິຍາ ຂນ຺ຘາ ປຈ຺ຉິມານໍ ປຈ຺ຉິມານໍ ໂລກິຍານໍ ຂນ຺ຘານໍ…ເປ… ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ… ອນຸໂລມໍ ຜລສມາປຕ຺ຕິຍາ… ນິໂຣຘາ ວຸຏ຺ຐຫນ຺ຕສ຺ສ ເນວສຎ຺ຎານາສຎ຺ຎາຍຕນໍ ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໒)

໑໕໔. ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂລກຸຕ຺ຕຣາ ຂນ຺ຘາ ປຈ຺ຉິມານໍ ປຈ຺ຉິມານໍ ໂລກຸຕ຺ຕຣານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ມຄ຺ໂຄ ຜລສ຺ສ, ຜລໍ ຜລສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ຜລໍ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໒)

ສມນນ຺ຕຣປຈ຺ຈຍາທິ

໑໕໕. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ (ປຎ຺ຈ ປຎ຺ຫາ, ຆຏນາ ນຕ຺ຖິ) ອຎ຺ຎມຎ຺ຎປຈ຺ຈເຍນ ປຈ຺ຈໂຍ… ທ຺ເວ… ນິສ຺ສຍປຈ຺ຈເຍນ ປຈ຺ຈໂຍ.

ອຸປນິສ຺ສຍປຈ຺ຈໂຍ

໑໕໖. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ໂລກິຍໍ ສທ຺ຘໍ ອຸປນິສ຺ສາຍ ທານໍ ເທຕິ…ເປ… ວິປສ຺ສນໍ ອຸປ຺ປາເທຕິ, ອຠິຎ຺ຎໍ ອຸປ຺ປາເທຕິ, ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ໂລກິຍໍ ສີລໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສງ຺ຆໍ ຠິນ຺ທຕິ; ໂລກິຍາ ສທ຺ຘາ…ເປ… ເສນາສນໍ ໂລກິຍາຍ ສທ຺ຘາຍ…ເປ… ກາຍິກສ຺ສ ທຸກ຺ຂສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ກຸສລາກຸສລໍ ກມ຺ມໍ ວິປາກສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ປຐມສ຺ສ ມຄ຺ຄສ຺ສ ປຣິກມ຺ມໍ ປຐມສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ…ເປ… ຈຕຸຕ຺ຖສ຺ສ ມຄ຺ຄສ຺ສ ປຣິກມ຺ມໍ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

໑໕໗. ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ປຐໂມ ມຄ຺ໂຄ ທຸຕິຍສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ…ເປ… ຕຕິໂຍ ມຄ຺ໂຄ ຈຕຸຕ຺ຖສ຺ສ ມຄ຺ຄສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ອຣິຍາ ມຄ຺ຄໍ ອຸປນິສ຺ສາຍ ອນຸປ຺ປນ຺ນໍ ສມາປຕ຺ຕິໍ ອຸປ຺ປາເທນ຺ຕິ, ອຸປ຺ປນ຺ນໍ ສມາປຊ຺ຊນ຺ຕິ, ສງ຺ຂາເຣ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ ວິປສ຺ສນ຺ຕິ, ອຣິຍານໍ ມຄ຺ໂຄ…ເປ… ຐານາຐານໂກສລ຺ລສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ; ຜລສມາປຕ຺ຕິ ກາຍິກສ຺ສ ສຸຂສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. (໒)

ປຸເຣຊາຕປຈ຺ຈໂຍ

໑໕໘. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ ທຸກ຺ຂໂຕ ອນຕ຺ຕໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ໂລກິຍານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ວຕ຺ຖຸ ໂລກຸຕ຺ຕຣານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ປຈ຺ຉາຊາຕປຈ຺ຈໂຍ

໑໕໙. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ໂລກິຍາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ – ປຈ຺ຉາຊາຕາ ໂລກຸຕ຺ຕຣາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ. (໑)

ອາເສວນປຈ຺ຈໂຍ

໑໖໐. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂລກິຍາ ຂນ຺ຘາ ປຈ຺ຉິມານໍ ປຈ຺ຉິມານໍ ໂລກິຍານໍ ຂນ຺ຘານໍ ອາເສວນປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ… ອນຸໂລມໍ ໂວທານສ຺ສ ອາເສວນປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ – ໂຄຕ຺ຣຠຸ ມຄ຺ຄສ຺ສ… ໂວທານໍ ມຄ຺ຄສ຺ສ ອາເສວນປຈ຺ຈເຍນ ປຈ຺ຈໂຍ. (໒)

ກມ຺ມປຈ຺ຈໂຍ

໑໖໑. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂລກິຍາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ໂລກິຍາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂລກຸຕ຺ຕຣາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. ນານາກ຺ຂຓິກາ – ໂລກຸຕ຺ຕຣາ ເຈຕນາ ວິປາການໍ ຂນ຺ຘານໍ ກມ຺ມປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ໂລກຸຕ຺ຕຣາ ເຈຕນາ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໒)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຈ ໂລກຸຕ຺ຕຣສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ໂລກຸຕ຺ຕຣາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ວິປາກປຈ຺ຈໂຍ

໑໖໒. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາໂກ ໂລກິໂຍ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ວິປາກປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ… ປຏິສນ຺ຘິກ຺ຂເຓ…ເປ…. (໑)

ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ… ຕີຓິ.

ອາຫາຣປຈ຺ຈໂຍ

໑໖໓. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ – ໂລກິຍາ ອາຫາຣາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອາຫາຣປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… ກພຬີກາໂຣ ອາຫາໂຣ ອິມສ຺ສ ກາຍສ຺ສ ອາຫາຣປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ… ຕີຓິ.

ອິນ຺ທ຺ຣິຍປຈ຺ຈໂຍ

໑໖໔. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ (ປຏິສນ຺ຘິ ກາຕພ຺ພາ); ຈກ຺ຂຸນ຺ທ຺ຣິຍໍ ຈກ຺ຂຸວິຎ຺ຎາຓສ຺ສ…ເປ… ກາຍິນ຺ທ຺ຣິຍໍ ກາຍວິຎ຺ຎາຓສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ; ຣູປຊີວິຕິນ຺ທ຺ຣິຍໍ ກຏຕ຺ຕາຣູປານໍ ອິນ຺ທ຺ຣິຍປຈ຺ຈເຍນ ປຈ຺ຈໂຍ. (໑)

ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຕີຓິ.

ຌານປຈ຺ຈຍາທິ

໑໖໕. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ຌານປຈ຺ຈເຍນ ປຈ຺ຈໂຍ… ເອກໍ, ໂລກຸຕ຺ຕໂຣ ຘມ຺ໂມ…ເປ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ, ໂລກິເຍ ເອກໍ, ໂລກຸຕ຺ຕເຣ ຕີຓິ.

ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ເອກໍ, ໂລກຸຕ຺ຕໂຣ ຘມ຺ໂມ…ເປ… ເອກໍ.

ວິປ຺ປຍຸຕ຺ຕປຈ຺ຈໂຍ

໑໖໖. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ໂລກິຍາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… ຂນ຺ຘາ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ວຕ຺ຖຸ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ໂລກິຍານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກິຍາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ໂລກຸຕ຺ຕຣານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ໂລກຸຕ຺ຕຣາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກຸຕ຺ຕຣາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອຕ຺ຖິປຈ຺ຈຍາທິ

໑໖໗. ໂລກິໂຍ ຘມ຺ໂມ ໂລກິຍສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ໂລກິໂຍ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ…ເປ… (ຍາວ ອສຎ຺ຎສຕ຺ຕາ). ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ …ເປ… (ປຸເຣຊາຕສທິສໍ). ວຕ຺ຖຸ ໂລກິຍານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກິຍາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ; ກພຬີກາໂຣ ອາຫາໂຣ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ; ຣູປຊີວິຕິນ຺ທ຺ຣິຍໍ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ໂລກິໂຍ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ໂລກຸຕ຺ຕຣານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

໑໖໘. ໂລກຸຕ຺ຕໂຣ ຘມ຺ໂມ ໂລກຸຕ຺ຕຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ໂລກຸຕ຺ຕໂຣ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ…. (໑)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ໂລກຸຕ຺ຕຣາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກຸຕ຺ຕຣາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໒)

ໂລກຸຕ຺ຕໂຣ ຘມ຺ໂມ ໂລກິຍສ຺ສ ຈ ໂລກຸຕ຺ຕຣສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ໂລກຸຕ຺ຕໂຣ ເອໂກ ຂນ຺ໂຘ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ…ເປ…. (໓)

໑໖໙. ໂລກິໂຍ ຈ ໂລກຸຕ຺ຕໂຣ ຈ ຘມ຺ມາ ໂລກິຍສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາຕາ – ໂລກຸຕ຺ຕຣາ ຂນ຺ຘາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກຸຕ຺ຕຣາ ຂນ຺ຘາ ຈ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂລກຸຕ຺ຕຣາ ຂນ຺ຘາ ຈ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໑)

ໂລກິໂຍ ຈ ໂລກຸຕ຺ຕໂຣ ຈ ຘມ຺ມາ ໂລກຸຕ຺ຕຣສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ໂລກຸຕ຺ຕໂຣ ເອໂກ ຂນ຺ໂຘ ຈ ວຕ຺ຖຸ ຈ ຕິຓ຺ຓນ຺ນໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. (໒)

ນຕ຺ຖິປຈ຺ຈເຍນ ປຈ຺ຈໂຍ… ວິຄຕປຈ຺ຈເຍນ ປຈ຺ຈໂຍ… ອວິຄຕປຈ຺ຈເຍນ ປຈ຺ຈໂຍ. (໒)