໑. ວິຠງ຺ຄວາໂຣ

ເຫຕຸປຈ຺ຈໂຍ

໕໗. ອຸປາທານສມ຺ປຍຸຕ຺ຕໍ ຘມ຺ມໍ ປຈ຺ຈຍາ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ (ປຏິຈ຺ຈສທິສໍ).

ອຸປາທານວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອຸປາທານວິປ຺ປຍຸຕ຺ຕໍ ເອກໍ ຂນ຺ຘໍ ປຈ຺ຈຍາ…ເປ… (ຍາວ ອຊ຺ຌຕ຺ຕິກາ ມຫາຠູຕາ) ວຕ຺ຖຸໍ ປຈ຺ຈຍາ ອຸປາທານວິປ຺ປຍຸຕ຺ຕາ ຂນ຺ຘາ, ວຕ຺ຖຸໍ ປຈ຺ຈຍາ ທິຏ຺ຐິຄຕວິປ຺ປຍຸຕ຺ໂຕ ໂລໂຠ. (໑)

ອຸປາທານວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອຸປາທານສມ຺ປຍຸຕ຺ຕາ ຂນ຺ຘາ, ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ. (໒)

ອຸປາທານວິປ຺ປຍຸຕ຺ຕໍ ຘມ຺ມໍ ປຈ຺ຈຍາ ອຸປາທານສມ຺ປຍຸຕ຺ໂຕ ຈ ອຸປາທານວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ວຕ຺ຖຸໍ ປຈ຺ຈຍາ ອຸປາທານສມ຺ປຍຸຕ຺ຕກາ ຂນ຺ຘາ, ມຫາຠູເຕ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຈ຺ຈຍາ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ວຕ຺ຖຸໍ ປຈ຺ຈຍາ ທິຏ຺ຐິຄຕວິປ຺ປຍຸຕ຺ຕໂລຠສຫຄຕາ ຂນ຺ຘາ ຈ ໂລໂຠ ຈ. (໓)

໕໘. ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອຸປາທານສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ…ເປ… ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ໂລຠຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ…ເປ…. (໑)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ອຸປາທານສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ໂລຠຎ຺ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ວຕ຺ຖຸຎ຺ຈ ປຈ຺ຈຍາ ໂລໂຠ. (໒)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຈ຺ຈຍາ ອຸປາທານສມ຺ປຍຸຕ຺ໂຕ ຈ ອຸປາທານວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ອຸປາທານສມ຺ປຍຸຕ຺ຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ…ເປ… ອຸປາທານສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຈ຺ຈຍາ ຈິຕ຺ຕສມຸຏ຺ຐານໍ ຣູປໍ; ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ວຕ຺ຖຸຎ຺ຈ ປຈ຺ຈຍາ ຕໂຍ ຂນ຺ຘາ ໂລໂຠ ຈ…ເປ… ທ຺ເວ ຂນ຺ເຘ ຈ…ເປ…. (໓) (ສໍຂິຕ຺ຕໍ. ອາຣມ຺ມຓປຈ຺ຈຍມ຺ຫິ ປຎ຺ຈ ວິຎ຺ຎາຓາ ກາຕພ຺ພາ.)