໑. ວິຠງ຺ຄວາໂຣ

ນເຫຕຸປຈ຺ຈໂຍ

໕໑. ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນເຫຕຸປຈ຺ຈຍາ – ອເຫຕຸກໍ ອຸປາທານວິປ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ…ເປ… ອເຫຕຸກປຏິສນ຺ຘິກ຺ຂເຓ…ເປ… (ຍາວ ອສຎ຺ຎສຕ຺ຕາ) ວິຈິກິຈ຺ຉາສຫຄເຕ ອຸທ຺ຘຈ຺ຈສຫຄເຕ ຂນ຺ເຘ ປຏິຈ຺ຈ ວິຈິກິຈ຺ຉາສຫຄໂຕ ອຸທ຺ຘຈ຺ຈສຫຄໂຕ ໂມໂຫ. (໑)

ນອາຣມ຺ມຓປຈ຺ຈຍາທິ

໕໒. ອຸປາທານສມ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອຸປາທານສມ຺ປຍຸຕ຺ເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອຸປາທານວິປ຺ປຍຸຕ຺ເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… (ຍາວ ອສຎ຺ຎສຕ຺ຕາ). (໑)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນອາຣມ຺ມຓປຈ຺ຈຍາ – ອຸປາທານສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ໂລຠຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໑)

ນອຘິປຕິປຈ຺ຈຍາ… ນອນນ຺ຕຣປຈ຺ຈຍາ… ນສມນນ຺ຕຣປຈ຺ຈຍາ… ນອຸປນິສ຺ສຍປຈ຺ຈຍາ.

ນປຸເຣຊາຕປຈ຺ຈຍາທິ

໕໓. ອຸປາທານສມ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ອຸປາທານສມ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ…. (໑)

ອຸປາທານສມ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ປຏິຈ຺ຈ ໂລໂຠ, ອຸປາທານສມ຺ປຍຸຕ຺ເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ອຸປາທານສມ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຈ ອຸປາທານວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ນປຸເຣຊາຕປຈ຺ຈຍາ – ອຣູເປ ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ໂລໂຠ ຈ…ເປ… ທ຺ເວ ຂນ຺ເຘ…ເປ…. (໓)

໕໔. ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ອຸປາທານວິປ຺ປຍຸຕ຺ຕໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ…ເປ… ອຸປາທານວິປ຺ປຍຸຕ຺ເຕ ຂນ຺ເຘ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ…ເປ… (ຍາວ ອສຎ຺ຎສຕ຺ຕາ). (໑)

ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ. (໒)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຣູເປ ທິຏ຺ຐິຄຕວິປ຺ປຍຸຕ຺ຕໂລຠສຫຄຕໍ ເອກໍ ຂນ຺ຘຎ຺ຈ ໂລຠຎ຺ຈ ປຏິຈ຺ຈ ຕໂຍ ຂນ຺ຘາ…ເປ… ທ຺ເວ ຂນ຺ເຘ ຈ…ເປ…. (໑)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນປຸເຣຊາຕປຈ຺ຈຍາ – ອຸປາທານສມ຺ປຍຸຕ຺ເຕ ຂນ຺ເຘ ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ໂລຠຎ຺ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ. (໒)

ນປຈ຺ຉາຊາຕປຈ຺ຈຍາ… ນອາເສວນປຈ຺ຈຍາ.

ນກມ຺ມປຈ຺ຈໂຍ

໕໕. ອຸປາທານສມ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ອຸປາທານສມ຺ປຍຸຕ຺ເຕ ຂນ຺ເຘ ປຏິຈ຺ຈ ສມ຺ປຍຸຕ຺ຕກາ ເຈຕນາ. (໑)

ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ອຸປາທານວິປ຺ປຍຸຕ຺ເຕ ຂນ຺ເຘ ປຏິຈ຺ຈ ສມ຺ປຍຸຕ຺ຕກາ ເຈຕນາ; ພາຫິຣໍ… ອາຫາຣສມຸຏ຺ຐານໍ… ອຸຕຸສມຸຏ຺ຐານໍ…ເປ…. (໑)

ອຸປາທານວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໍ ໂລຠໍ ປຏິຈ຺ຈ ສມ຺ປຍຸຕ຺ຕກາ ເຈຕນາ. (໒)

ອຸປາທານສມ຺ປຍຸຕ຺ຕຎ຺ຈ ອຸປາທານວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ອຸປາທານສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ນກມ຺ມປຈ຺ຈຍາ – ທິຏ຺ຐິຄຕວິປ຺ປຍຸຕ຺ຕໂລຠສຫຄເຕ ຂນ຺ເຘ ຈ ໂລຠຎ຺ຈ ປຏິຈ຺ຈ ສມ຺ປຍຸຕ຺ຕກາ ເຈຕນາ. (໑) (ສໍຂິຕ຺ຕໍ.)