໑. ວິຠງ຺ຄວາໂຣ

ເຫຕຸປຈ຺ຈໂຍ

໑໗. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອຸປາທານາ ເຫຕູ ສມ຺ປຍຸຕ຺ຕການໍ ອຸປາທານານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ອຸປາທານາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ອຸປາທານາ ເຫຕູ ສມ຺ປຍຸຕ຺ຕການໍ ຂນ຺ຘານໍ ອຸປາທານານຎ຺ຈ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

໑໘. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນອຸປາທານາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນອຸປາທານາ ເຫຕູ ສມ຺ປຍຸຕ຺ຕການໍ ອຸປາທານານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ໂນອຸປາທານາ ເຫຕູ ສມ຺ປຍຸຕ຺ຕການໍ ຂນ຺ຘານໍ ອຸປາທານານຎ຺ຈ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

໑໙. ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ອຸປາທານາ ຈ ໂນອຸປາທານາ ຈ ເຫຕູ ສມ຺ປຍຸຕ຺ຕການໍ ອຸປາທານານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ອຸປາທານາ ຈ ໂນອຸປາທານາ ຈ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ອຸປາທານາ ຈ ໂນອຸປາທານາ ຈ ເຫຕູ ສມ຺ປຍຸຕ຺ຕການໍ ຂນ຺ຘານໍ ອຸປາທານານຎ຺ຈ ຈິຕ຺ຕສມຸຏ຺ຐານານໍ ຣູປານໍ ເຫຕຸປຈ຺ຈເຍນ ປຈ຺ຈໂຍ. (໓)

ອາຣມ຺ມຓປຈ຺ຈໂຍ

໒໐. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ອຸປາທາເນ ອາຣພ຺ຠ ອຸປາທານາ ອຸປ຺ປຊ຺ຊນ຺ຕິ… ຕີຓິ (ອາຣພ຺ຠ ກາຕພ຺ພາ).

ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ; ວິຈິກິຈ຺ຉາ…ເປ… ອຸທ຺ຘຈ຺ຈໍ…ເປ… ໂທມນສ຺ສໍ ອຸປ຺ປຊ຺ຊຕິ; ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ ປຈ຺ຈເວກ຺ຂຕິ, ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ…ເປ… ນິພ຺ພານໍ ປຈ຺ຈເວກ຺ຂນ຺ຕິ; ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. ອຣິຍາ ໂນອຸປາທາເນ ປຫີເນ ກິເລເສ …ເປ… ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ…ເປ… ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ເຈໂຕປຣິຍຎາເຓນ ໂນອຸປາທານຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ ວິຎ຺ຎາຓຎ຺ຈາຍຕນສ຺ສ…ເປ… ອາກິຎ຺ຈຎ຺ຎາຍຕນໍ ເນວສຎ຺ຎານາສຎ຺ຎາຍຕນສ຺ສ…ເປ… ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ໂນອຸປາທານາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ; ປຸພ຺ເພ ສຸຈິຓ຺ຓານິ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ…ເປ… ປຸພ຺ເພ ສຸຈິຓ຺ຓານິ …ເປ… ຌານາ ວຸຏ຺ຐຫິຕ຺ວາ ຌານໍ…ເປ… ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ (ອາຣພ຺ຠ ກາຕພ຺ພາ).

ອຘິປຕິປຈ຺ຈໂຍ

໒໑. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ອຸປາທາເນ ຄຣຸໍ ກຕ຺ວາ ອຸປາທານາ ອຸປ຺ປຊ຺ຊນ຺ຕິ… ຕີຓິ (ອາຣມ຺ມຓາຘິປຕິເຍວ).

໒໒. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານາ ວຸຏ຺ຐຫິຕ຺ວາ ຌານໍ ຄຣຸໍ ກຕ຺ວາ ປຈ຺ຈເວກ຺ຂຕິ, ອສ຺ສາເທຕິ ອຠິນນ຺ທຕິ, ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ…ເປ… ຜລສ຺ສ ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ໂນອຸປາທານາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ; ປຸພ຺ເພ…ເປ… ຌານາ…ເປ… ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ໂນອຸປາທານາຘິປຕິ ສມ຺ປຍຸຕ຺ຕການໍ ອຸປາທານານໍ ອຘິປຕິປຈ຺ຈເຍນ ປຈ຺ຈໂຍ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ…ເປ… ປຸພ຺ເພ…ເປ… ຌານໍ…ເປ… ຈກ຺ຂຸໍ…ເປ… ວຕ຺ຖຸໍ ໂນອຸປາທາເນ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ໂນອຸປາທານາຘິປຕິ ສມ຺ປຍຸຕ຺ຕການໍ ຂນ຺ຘານໍ ອຸປາທານານຎ຺ຈ ຈິຕ຺ຕສມຸຏ຺ຐານານໍ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໓)

ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ຕີຓິ… ອາຣມ຺ມຓາຘິປຕິ… ຕີຓິ (ອາຣພ຺ຠ ກາຕພ຺ພາ, ອາຣມ຺ມຓາຘິປຕິເຍວ).

ອນນ຺ຕຣປຈ຺ຈຍາທິ

໒໓. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອຸປາທານາ ປຈ຺ຉິມານໍ ປຈ຺ຉິມານໍ ອຸປາທານານໍ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຸຣິມາ ປຸຣິມາ ອຸປາທານາ ປຈ຺ຉິມານໍ ປຈ຺ຉິມານໍ ໂນອຸປາທານານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອຸປາທານໍ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຸຣິມາ ປຸຣິມາ ອຸປາທານາ ປຈ຺ຉິມານໍ ປຈ຺ຉິມານໍ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

໒໔. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນອຸປາທານາ ຂນ຺ຘາ ປຈ຺ຉິມານໍ ປຈ຺ຉິມານໍ ໂນອຸປາທານານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອນຸໂລມໍ ໂຄຕ຺ຣຠຸສ຺ສ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນອຸປາທານາ ຂນ຺ຘາ ປຈ຺ຉິມານໍ ປຈ຺ຉິມານໍ ອຸປາທານານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອາວຊ຺ຊນາ ອຸປາທານານໍ ອນນ຺ຕຣປຈ຺ຈເຍນ ປຈ຺ຈໂຍ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນອຸປາທານາ ຂນ຺ຘາ ປຈ຺ຉິມານໍ ປຈ຺ຉິມານໍ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອາວຊ຺ຊນາ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

໒໕. ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ອຸປາທານານໍ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຸຣິມາ ປຸຣິມາ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ໂນອຸປາທານານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ປຸຣິມາ ປຸຣິມາ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ)… ອຎ຺ຎມຎ຺ຎປຈ຺ຈເຍນ ປຈ຺ຈໂຍ (ປຏິຈ຺ຈສທິສໍ)… ນິສ຺ສຍປຈ຺ຈເຍນ ປຈ຺ຈໂຍ (ປຈ຺ຈຍສທິສໍ).

ອຸປນິສ຺ສຍປຈ຺ຈໂຍ

໒໖. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ …ເປ…. ປກຕູປນິສ຺ສໂຍ – ອຸປາທານາ ອຸປາທານານໍ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

໒໗. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ປຎ຺ຎໍ… ຣາຄໍ…ເປ… ປຕ຺ຖນໍ… ກາຍິກໍ ສຸຂໍ…ເປ… ເສນາສນໍ ອຸປນິສ຺ສາຍ ທານໍ ເທຕິ…ເປ… ສມາປຕ຺ຕິໍ ອຸປ຺ປາເທຕິ, ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ປາຓໍ ຫນຕິ…ເປ… ສງ຺ຆໍ ຠິນ຺ທຕິ, ສທ຺ຘາ…ເປ… ເສນາສນໍ ສທ຺ຘາຍ…ເປ… ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ອທິນ຺ນໍ…ເປ… ມຸສາ…ເປ… ປິສຸຓໍ…ເປ… ສມ຺ຜໍ…ເປ… ສນ຺ຘິໍ…ເປ… ນິລ຺ໂລປໍ…ເປ… ເອກາຄາຣິກໍ…ເປ… ປຣິປນ຺ເຖ…ເປ… ປຣທາຣໍ…ເປ… ຄາມຆາຕໍ…ເປ… ນິຄມຆາຕໍ ກໂຣຕິ; ສທ຺ຘາ…ເປ… ເສນາສນໍ ອຸປາທານານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (ມູລໍ ກາຕພ຺ພໍ) ສທ຺ຘໍ ອຸປນິສ຺ສາຍ ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ອທິນ຺ນໍ ອາທິຍຕິ, ມຸສາ…ເປ… ປິສຸຓໍ…ເປ… ສມ຺ຜໍ…ເປ… ສນ຺ຘິໍ…ເປ… ນິລ຺ໂລປໍ…ເປ… ເອກາຄາຣິກໍ…ເປ… ປຣິປນ຺ເຖ…ເປ… ປຣທາຣໍ…ເປ… ຄາມຆາຕໍ…ເປ… ນິຄມຆາຕໍ ກໂຣຕິ; ສທ຺ຘາ…ເປ… ເສນາສນໍ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ອຸປນິສ຺ສຍປຈ຺ຈເຍນ ປຈ຺ຈໂຍ. (໓)

ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ… ຕີຓິ.

ປຸເຣຊາຕປຈ຺ຈໂຍ

໒໘. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ໂນອຸປາທານານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ວຕ຺ຖຸປຸເຣຊາຕໍ – ວຕ຺ຖຸ ອຸປາທານານໍ ປຸເຣຊາຕປຈ຺ຈເຍນ ປຈ຺ຈໂຍ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. ວຕ຺ຖຸປຸເຣຊາຕໍ – ວຕ຺ຖຸ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

ປຈ຺ຉາຊາຕາເສວນປຈ຺ຈຍາ

໒໙. ອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ອຸປາທາໂນ ຈ ໂນອຸປາທາໂນ ຈ ຘມ຺ມາ ໂນອຸປາທານສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑) …ອາເສວນປຈ຺ຈເຍນ ປຈ຺ຈໂຍ.

ກມ຺ມປຈ຺ຈໂຍ

໓໐. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂນອຸປາທານາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ໂນອຸປາທານາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ໂນອຸປາທານາ ເຈຕນາ ສມ຺ປຍຸຕ຺ຕການໍ ອຸປາທານານໍ ກມ຺ມປຈ຺ຈເຍນ ປຈ຺ຈໂຍ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ໂນອຸປາທານາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ອຸປາທານານຎ຺ຈ ຈິຕ຺ຕສມຸຏ຺ຐານານໍ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ວິປາກປຈ຺ຈຍາທິ

໓໑. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ – ວິປາໂກ ໂນອຸປາທາໂນ ເອໂກ ຂນ຺ໂຘ…ເປ… ເອກໍ.

ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອາຫາຣປຈ຺ຈເຍນ ປຈ຺ຈໂຍ… ຕີຓິ (ເອໂກເຍວ ກພຬີກາໂຣ ອາຫາໂຣ)… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ຕີຓິ (ຣູປຊີວິຕິນ຺ທ຺ຣິຍໍ ເອກໍເຍວ)… ຌານປຈ຺ຈເຍນ ປຈ຺ຈໂຍ… ຕີຓິ.

ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ມຄ຺ຄປຈ຺ຈເຍນ ປຈ຺ຈໂຍ – ອຸປາທານານິ ມຄ຺ຄງ຺ຄານິ ສມ຺ປຍຸຕ຺ຕການໍ ອຸປາທານານໍ ມຄ຺ຄປຈ຺ຈເຍນ ປຈ຺ຈໂຍ (ອິມິນາ ກາຣເຓນ ນວ ປຎ຺ຫາ ກາຕພ຺ພາ)… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ນວ.

ວິປ຺ປຍຸຕ຺ຕປຈ຺ຈໂຍ

໓໒. ອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ອຸປາທານາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕໍ – ປຈ຺ຉາຊາຕາ ອຸປາທານາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ອຸປາທານານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ວຕ຺ຖຸ ອຸປາທານານໍ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

໓໓. ອຸປາທາໂນ ຈ ໂນອຸປາທາໂນ ຈ ຘມ຺ມາ ໂນອຸປາທານສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ອຕ຺ຖິປຈ຺ຈໂຍ

໓໔. ອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ທິຏ຺ຐຸປາທານໍ ກາມຸປາທານສ຺ສ ອຕ຺ຖິປຈ຺ຈເຍນ ປຈ຺ຈໂຍ (ຈກ຺ກໍ). (໑)

ອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ. ສຫຊາຕາ – ອຸປາທານາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຸປາທານາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. (໒)

ອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ (ສໍຂິຕ຺ຕໍ, ປຏິຈ຺ຈສທິສໍ). (໓)

໓໕. ໂນອຸປາທາໂນ ຘມ຺ໂມ ໂນອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ, ວິຕ຺ຖາເຣຕພ຺ພໍ). (໑)

ໂນອຸປາທາໂນ ຘມ຺ໂມ ອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ (ສຫຊາຕສທິສໍ). ປຸເຣຊາຕໍ (ປຸເຣຊາຕສທິສໍ). (໒)

ໂນອຸປາທາໂນ ຘມ຺ໂມ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ (ສໍຂິຕ຺ຕໍ, ສຫຊາຕສທິສໍ ສຫຊາຕໍ ວິຠຊິຕພ຺ພໍ, ປຸເຣຊາຕສທິສໍ ປຸເຣຊາຕໍ). (໓)

໓໖. ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ທິຏ຺ຐຸປາທານຎ຺ຈ ສມ຺ປຍຸຕ຺ຕກາ ຈ ຂນ຺ຘາ ກາມຸປາທານສ຺ສ ອຕ຺ຖິປຈ຺ຈເຍນ ປຈ຺ຈໂຍ (ຈກ຺ກໍ). ສຫຊາຕໍ – ທິຏ຺ຐຸປາທານຎ຺ຈ ວຕ຺ຖຸ ຈ ກາມຸປາທານສ຺ສ ອຕ຺ຖິປຈ຺ຈເຍນ ປຈ຺ຈໂຍ (ຈກ຺ກໍ). (໑)

ອຸປາທາໂນ ຈ ໂນອຸປາທາໂນ ຈ ຘມ຺ມາ ໂນອຸປາທານສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ໂນອຸປາທາໂນ ເອໂກ ຂນ຺ໂຘ ຈ ອຸປາທານາ ຈ ຕິຓ຺ຓນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ…. ສຫຊາຕາ – ອຸປາທານາ ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ສຫຊາຕາ – ອຸປາທານາ ຈ ວຕ຺ຖຸ ຈ ໂນອຸປາທານານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ອຸປາທານາ ຈ ສມ຺ປຍຸຕ຺ຕກາ ຈ ຂນ຺ຘາ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໒)

ອຸປາທາໂນ ຈ ໂນອຸປາທາໂນ ຈ ຘມ຺ມາ ອຸປາທານສ຺ສ ຈ ໂນອຸປາທານສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ໂນອຸປາທາໂນ ເອໂກ ຂນ຺ໂຘ ຈ ທິຏ຺ຐຸປາທານຎ຺ຈ ຕິຓ຺ຓນ຺ນໍ ຂນ຺ຘານໍ ກາມຸປາທານສ຺ສ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ…ເປ… ທ຺ເວ ຂນ຺ຘາ ຈ…ເປ… (ຈກ຺ກໍ). ສຫຊາຕໍ – ທິຏ຺ຐຸປາທານຎ຺ຈ ວຕ຺ຖຸ ຈ ກາມຸປາທານສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ (ຈກ຺ກໍ). (໓)