໑. ວິຠງ຺ຄວາໂຣ

ເຫຕຸປຈ຺ຈໂຍ

໗໐. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນຈິຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນຈິຕ຺ຕາ ເຫຕູ ຈິຕ຺ຕສ຺ສ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ – ໂນຈິຕ຺ຕາ ເຫຕູ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ເຫຕຸປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. (໓)

ອາຣມ຺ມຓປຈ຺ຈໂຍ

໗໑. ຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຈິຕ຺ຕໍ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ. (ມູລໍ ກາຕພ຺ພໍ) ຈິຕ຺ຕໍ ອາຣພ຺ຠ ໂນຈິຕ຺ຕາ ຂນ຺ຘາ ອຸປ຺ປຊ຺ຊນ຺ຕິ. (ມູລໍ ກາຕພ຺ພໍ) ຈິຕ຺ຕໍ ອາຣພ຺ຠ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

໗໒. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ອາຣພ຺ຠ ຣາໂຄ ອຸປ຺ປຊ຺ຊຕິ…ເປ… ໂທມນສ຺ສໍ ອຸປ຺ປຊ຺ຊຕິ, ປຸພ຺ເພ ສຸຈິຓ຺ຓານິ…ເປ… ຌານາ ວຸຏ຺ຐຫິຕ຺ວາ ຌານໍ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ປຈ຺ຈເວກ຺ຂນ຺ຕິ, ຜລໍ ປຈ຺ຈເວກ຺ຂນ຺ຕິ, ນິພ຺ພານໍ ປຈ຺ຈເວກ຺ຂນ຺ຕິ. ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ; ອຣິຍາ ໂນຈິຕ຺ເຕ ປຫີເນ ກິເລເສ ປຈ຺ຈເວກ຺ຂນ຺ຕິ, ວິກ຺ຂມ຺ຠິເຕ ກິເລເສ ປຈ຺ຈເວກ຺ຂນ຺ຕິ, ປຸພ຺ເພ ສມຸທາຈິຓ຺ເຓ ກິເລເສ ຊານນ຺ຕິ, ຈກ຺ຂຸໍ…ເປ… ວຕ຺ຖຸໍ ໂນຈິຕ຺ເຕ ຂນ຺ເຘ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ເຈໂຕປຣິຍຎາເຓນ ໂນຈິຕ຺ຕສມງ຺ຄິສ຺ສ ຈິຕ຺ຕໍ ຊານາຕິ, ອາກາສານຎ຺ຈາຍຕນໍ…ເປ… ອາກິຎ຺ຈຎ຺ຎາຍຕນໍ…ເປ… ຣູປາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສຫຄຕານໍ ຂນ຺ຘານໍ…ເປ… ໂນຈິຕ຺ຕາ ຂນ຺ຘາ ອິທ຺ຘິວິຘຎາຓສ຺ສ, ເຈໂຕປຣິຍຎາຓສ຺ສ, ປຸພ຺ເພນິວາສານຸສ຺ສຕິຎາຓສ຺ສ, ຍຖາກມ຺ມູປຄຎາຓສ຺ສ, ອນາຄຕໍສຎາຓສ຺ສ, ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ…ເປ… (ປຐມຄມນສທິສໍ ນິນ຺ນານາກຣຓໍ, ອິມໍ ນານໍ) ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ… ໂນຈິຕ຺ຕາ ຂນ຺ຘາ ອິທ຺ຘິວິຘຎາຓສ຺ສ…ເປ… ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ທານໍ ທຕ຺ວາ…ເປ… (ປຐມຄມນສທິສໍ ນິນ຺ນານາກຣຓໍ, ອິມໍ ນານໍ), ຣູປາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ໂນຈິຕ຺ຕາ ຂນ຺ຘາ ອິທ຺ຘິວິຘຎາຓສ຺ສ…ເປ… ອາວຊ຺ຊນາຍ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ຈິຕ຺ຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ – ຈິຕ຺ຕຎ຺ຈ ສມ຺ປຍຸຕ຺ຕເກ ຈ ຂນ຺ເຘ ອາຣພ຺ຠ ຈິຕ຺ຕໍ ອຸປ຺ປຊ຺ຊຕິ… ຕີຓິ.

ອຘິປຕິປຈ຺ຈໂຍ

໗໓. ຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ຈິຕ຺ຕໍ ຄຣຸໍ ກຕ຺ວາ ຈິຕ຺ຕໍ ອຸປ຺ປຊ຺ຊຕິ. (໑)

ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ຈິຕ຺ຕໍ ຄຣຸໍ ກຕ຺ວາ ໂນຈິຕ຺ຕາ ຂນ຺ຘາ ອຸປ຺ປຊ຺ຊນ຺ຕິ. ສຫຊາຕາຘິປຕິ – ຈິຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໒)

ຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ. ອາຣມ຺ມຓາຘິປຕິ – ຈິຕ຺ຕໍ ຄຣຸໍ ກຕ຺ວາ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ອຸປ຺ປຊ຺ຊນ຺ຕິ. (໓)

໗໔. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ – ອາຣມ຺ມຓາຘິປຕິ, ສຫຊາຕາຘິປຕິ. ອາຣມ຺ມຓາຘິປຕິ – ທານໍ…ເປ… ສີລໍ…ເປ… ອຸໂປສຖກມ຺ມໍ ກຕ຺ວາ ຕໍ ຄຣຸໍ ກຕ຺ວາ ປຈ຺ຈເວກ຺ຂຕິ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ, ປຸພ຺ເພ…ເປ… ຌານາ…ເປ… ອຣິຍາ ມຄ຺ຄາ ວຸຏ຺ຐຫິຕ຺ວາ ມຄ຺ຄໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ. ຜລໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ຄຣຸໍ ກຕ຺ວາ ປຈ຺ຈເວກ຺ຂນ຺ຕິ, ນິພ຺ພານໍ ໂຄຕ຺ຣຠຸສ຺ສ, ໂວທານສ຺ສ, ມຄ຺ຄສ຺ສ, ຜລສ຺ສ, ອຘິປຕິປຈ຺ຈເຍນ ປຈ຺ຈໂຍ; ຈກ຺ຂຸໍ…ເປ… ວຕ຺ຖຸໍ ໂນຈິຕ຺ເຕ ຂນ຺ເຘ ຄຣຸໍ ກຕ຺ວາ ອສ຺ສາເທຕິ ອຠິນນ຺ທຕິ, ຕໍ ຄຣຸໍ ກຕ຺ວາ ຣາໂຄ ອຸປ຺ປຊ຺ຊຕິ, ທິຏ຺ຐິ ອຸປ຺ປຊ຺ຊຕິ. ສຫຊາຕາຘິປຕິ – ໂນຈິຕ຺ຕາຘິປຕິ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຘິປຕິປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ (ທ຺ເວປິ ຄມນາ ປຐມຄມນສທິສໍ ນິນ຺ນານາກຣຓໍ. ອາຣມ຺ມຓາຘິປຕິ ສຫຊາຕາຘິປຕິ ກາຕພ຺ພາ). (໒)

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ຈິຕ຺ຕສ຺ສ ຘມ຺ມສ຺ສ ອຘິປຕິປຈ຺ຈເຍນ ປຈ຺ຈໂຍ… ອາຣມ຺ມຓາຘິປຕິ (ຕີຓິປິ ຄຣຸກາຣມ຺ມຓາ ກາຕພ຺ພາ, ອາຣມ຺ມຓາຘິປຕິເຍວ).

ອນນ຺ຕຣປຈ຺ຈຍາທິ

໗໕. ຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມໍ ປຸຣິມໍ ຈິຕ຺ຕໍ ປຈ຺ຉິມສ຺ສ ປຈ຺ຉິມສ຺ສ ຈິຕ຺ຕສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໑)

ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມໍ ປຸຣິມໍ ຈິຕ຺ຕໍ ປຈ຺ຉິມານໍ ປຈ຺ຉິມານໍ ໂນຈິຕ຺ຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ; ຈິຕ຺ຕໍ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (໒)

ຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມໍ ປຸຣິມໍ ຈິຕ຺ຕໍ ປຈ຺ຉິມສ຺ສ ປຈ຺ຉິມສ຺ສ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

໗໖. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມາ ປຸຣິມາ ໂນຈິຕ຺ຕາ ຂນ຺ຘາ…ເປ… ຜລສມາປຕ຺ຕິຍາ ອນນ຺ຕຣປຈ຺ຈເຍນ ປຈ຺ຈໂຍ (ອິເມ ທ຺ເວ ປູເຣຕຸກາເມນ ກາຕພ຺ພາ, ປຸຣິມຄມນສທິສໍ).

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ຈິຕ຺ຕສ຺ສ ຘມ຺ມສ຺ສ ອນນ຺ຕຣປຈ຺ຈເຍນ ປຈ຺ຈໂຍ – ປຸຣິມໍ ປຸຣິມໍ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມສ຺ສ ປຈ຺ຉິມສ຺ສ ຈິຕ຺ຕສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ປຸຣິມໍ ປຸຣິມໍ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມານໍ ປຈ຺ຉິມານໍ ໂນຈິຕ຺ຕານໍ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ວຸຏ຺ຐານສ຺ສ ອນນ຺ຕຣປຈ຺ຈເຍນ ປຈ຺ຈໂຍ. (ມູລໍ ປຸຈ຺ຉິຕພ຺ພໍ) ປຸຣິມໍ ປຸຣິມໍ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ປຈ຺ຉິມສ຺ສ ປຈ຺ຉິມສ຺ສ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອນນ຺ຕຣປຈ຺ຈເຍນ ປຈ຺ຈໂຍ. (໓)

ສມນນ຺ຕຣປຈ຺ຈເຍນ ປຈ຺ຈໂຍ… ສຫຊາຕປຈ຺ຈເຍນ ປຈ຺ຈໂຍ… ອຎ຺ຎມຎ຺ຎປຈ຺ຈເຍນ ປຈ຺ຈໂຍ (ປຏິຈ຺ຈວາຣສທິສາ)… ນິສ຺ສຍປຈ຺ຈເຍນ ປຈ຺ຈໂຍ… ປຎ຺ຈ (ປຈ຺ຈຍວາຣສທິສາ).

ອຸປນິສ຺ສຍປຈ຺ຈໂຍ

໗໗. ຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຈິຕ຺ຕໍ ຈິຕ຺ຕສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ສທ຺ຘໍ ອຸປນິສ຺ສາຍ ທານໍ ເທຕິ…ເປ… ມານໍ ຊປ຺ເປຕິ, ທິຏ຺ຐິໍ ຄຓ຺ຫາຕິ; ສີລໍ…ເປ… ເສນາສນໍ ອຸປນິສ຺ສາຍ ທານໍ ເທຕິ …ເປ… ສງ຺ຆໍ ຠິນ຺ທຕິ; ສທ຺ຘາ…ເປ… ເສນາສນໍ ສທ຺ຘາຍ…ເປ… ມຄ຺ຄສ຺ສ, ຜລສມາປຕ຺ຕິຍາ ອຸປນິສ຺ສຍປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ (ອິເມ ທ຺ເວປິ ປູເຣຕຸກາເມນ ສພ຺ພຕ຺ຖ ກາຕພ຺ພາ, ປຐມຄມນສທິສໍ ນິນ຺ນານາກຣຓໍ).

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ຈິຕ຺ຕສ຺ສ ຘມ຺ມສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ – ອາຣມ຺ມຓູປນິສ຺ສໂຍ, ອນນ຺ຕຣູປນິສ຺ສໂຍ, ປກຕູປນິສ຺ສໂຍ…ເປ…. ປກຕູປນິສ຺ສໂຍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສ຺ສ ອຸປນິສ຺ສຍປຈ຺ຈເຍນ ປຈ຺ຈໂຍ… ຕີຓິ.

ປຸເຣຊາຕປຈ຺ຈໂຍ

໗໘. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສຫຄຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ກາຍາຍຕນໍ…ເປ… ວຕ຺ຖຸ ໂນຈິຕ຺ຕານໍ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ…ເປ… ໂຜຏ຺ຐພ຺ພາຍຕນໍ ກາຍວິຎ຺ຎາຓສ຺ສ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ …ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ຈິຕ຺ຕສ຺ສ ປຸເຣຊາຕປຈ຺ຈເຍນ ປຈ຺ຈໂຍ. (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ປຸເຣຊາຕປຈ຺ຈເຍນ ປຈ຺ຈໂຍ – ອາຣມ຺ມຓປຸເຣຊາຕໍ, ວຕ຺ຖຸປຸເຣຊາຕໍ. ອາຣມ຺ມຓປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… ໂທມນສ຺ສໍ ອຸປ຺ປຊ຺ຊຕິ; ທິພ຺ເພນ ຈກ຺ຂຸນາ ຣູປໍ ປສ຺ສຕິ, ທິພ຺ພາຍ ໂສຕຘາຕຸຍາ ສທ຺ທໍ ສຸຓາຕິ. ຣູປາຍຕນໍ ຈກ຺ຂຸວິຎ຺ຎາຓສ຺ສ ຈ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ໂຜຏ຺ຐພ຺ພາຍຕນໍ…ເປ…. ວຕ຺ຖຸປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ…ເປ… ກາຍາຍຕນໍ ກາຍວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ວຕ຺ຖຸ ຈິຕ຺ຕສ຺ສ ຈ ສມ຺ປຍຸຕ຺ຕການຎ຺ຈ ຂນ຺ຘານໍ ປຸເຣຊາຕປຈ຺ຈເຍນ ປຈ຺ຈໂຍ. (໓)

ປຈ຺ຉາຊາຕາເສວນປຈ຺ຈຍາ

໗໙. ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ໂນຈິຕ຺ຕສ຺ສ ຘມ຺ມສ຺ສ ປຈ຺ຉາຊາຕປຈ຺ຈເຍນ ປຈ຺ຈໂຍ (ສໍຂິຕ຺ຕໍ). (໑)

ຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອາເສວນປຈ຺ຈເຍນ ປຈ຺ຈໂຍ… ນວ.

ກມ຺ມປຈ຺ຈໂຍ

໘໐. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂນຈິຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ໂນຈິຕ຺ຕາ ເຈຕນາ ວິປາການໍ ຂນ຺ຘານໍ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂນຈິຕ຺ຕາ ເຈຕນາ ຈິຕ຺ຕສ຺ສ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ໂນຈິຕ຺ຕາ ເຈຕນາ ວິປາກສ຺ສ ຈິຕ຺ຕສ຺ສ ກມ຺ມປຈ຺ຈເຍນ ປຈ຺ຈໂຍ. (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ກມ຺ມປຈ຺ຈເຍນ ປຈ຺ຈໂຍ – ສຫຊາຕາ, ນານາກ຺ຂຓິກາ. ສຫຊາຕາ – ໂນຈິຕ຺ຕາ ເຈຕນາ ສມ຺ປຍຸຕ຺ຕການໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ…. ນານາກ຺ຂຓິກາ – ໂນຈິຕ຺ຕາ ເຈຕນາ ວິປາການໍ ຂນ຺ຘານໍ ຈິຕ຺ຕສ຺ສ ຈ ກຏຕ຺ຕາ ຈ ຣູປານໍ ກມ຺ມປຈ຺ຈເຍນ ປຈ຺ຈໂຍ. (໓)

ວິປາກປຈ຺ຈຍາທິ

໘໑. ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ວິປາກປຈ຺ຈເຍນ ປຈ຺ຈໂຍ… ປຎ຺ຈ… ອາຫາຣປຈ຺ຈເຍນ ປຈ຺ຈໂຍ… ປຎ຺ຈ… ອິນ຺ທ຺ຣິຍປຈ຺ຈເຍນ ປຈ຺ຈໂຍ… ປຎ຺ຈ. ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ຌານປຈ຺ຈເຍນ ປຈ຺ຈໂຍ… ຕີຓິ… ມຄ຺ຄປຈ຺ຈເຍນ ປຈ຺ຈໂຍ… ຕີຓິ… ສມ຺ປຍຸຕ຺ຕປຈ຺ຈເຍນ ປຈ຺ຈໂຍ… ປຎ຺ຈ.

ວິປ຺ປຍຸຕ຺ຕປຈ຺ຈໂຍ

໘໒. ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ. ສຫຊາຕາ – ໂນຈິຕ຺ຕາ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ໂນຈິຕ຺ຕາ ຂນ຺ຘາ ກຏຕ຺ຕາຣູປານໍ…ເປ… ໂນຈິຕ຺ຕາ ຂນ຺ຘາ ວຕ຺ຖຸສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ; ວຕ຺ຖຸ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສຫຄຕານໍ ຂນ຺ຘານໍ…ເປ… ກາຍາຍຕນໍ ກາຍວິຎ຺ຎາຓສຫຄຕານໍ ຂນ຺ຘານໍ…ເປ… ວຕ຺ຖຸ ໂນຈິຕ຺ຕານໍ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຈ຺ຉາຊາຕາ – ໂນຈິຕ຺ຕາ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ປຏິສນ຺ຘິກ຺ຂເຓ ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ…ເປ… ກາຍາຍຕນໍ ກາຍວິຎ຺ຎາຓສ຺ສ…ເປ… ວຕ຺ຖຸ ຈິຕ຺ຕສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕໍ – ປຏິສນ຺ຘິກ຺ຂເຓ ວຕ຺ຖຸ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂາຍຕນໍ ຈກ຺ຂຸວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ…ເປ… ກາຍາຍຕນໍ ກາຍວິຎ຺ຎາຓສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ…ເປ… ວຕ຺ຖຸ ຈິຕ຺ຕສ຺ສ ຈ ສມ຺ປຍຸຕ຺ຕການຎ຺ຈ ຂນ຺ຘານໍ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ. (໓)

ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ໂນຈິຕ຺ຕສ຺ສ ຘມ຺ມສ຺ສ ວິປ຺ປຍຸຕ຺ຕປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ອຕ຺ຖິປຈ຺ຈໂຍ

໘໓. ຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຈ຺ຉາຊາຕໍ (ສໍຂິຕ຺ຕໍ). (໑)

ໂນຈິຕ຺ໂຕ ຘມ຺ໂມ ໂນຈິຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ (ສໍຂິຕ຺ຕໍ). (໑)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາຕາ – ໂນຈິຕ຺ຕາ ຂນ຺ຘາ ຈິຕ຺ຕສ຺ສ ອຕ຺ຖິປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ…ເປ… ປຏິສນ຺ຘິກ຺ຂເຓ ວຕ຺ຖຸ ຈິຕ຺ຕສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ ອນິຈ຺ຈໂຕ…ເປ… (ປຸເຣຊາຕສທິສໍ, ສໍຂິຕ຺ຕໍ). (໒)

ໂນຈິຕ຺ໂຕ ຘມ຺ໂມ ຈິຕ຺ຕສ຺ສ ຈ ໂນຈິຕ຺ຕສ຺ສ ຈ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ. ສຫຊາໂຕ – ໂນຈິຕ຺ໂຕ ເອໂກ ຂນ຺ໂຘ ທ຺ວິນ຺ນໍ ຂນ຺ຘານໍ ຈິຕ຺ຕສ຺ສ ຈ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ; ປຏິສນ຺ຘິກ຺ຂເຓ ໂນຈິຕ຺ໂຕ ເອໂກ ຂນ຺ໂຘ…ເປ… ປຏິສນ຺ຘິກ຺ຂເຓ ວຕ຺ຖຸ ຈິຕ຺ຕສ຺ສ ສມ຺ປຍຸຕ຺ຕການຎ຺ຈ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ. ປຸເຣຊາຕໍ – ຈກ຺ຂຸໍ…ເປ… ວຕ຺ຖຸໍ…ເປ… (ປຸເຣຊາຕສທິສໍ, ສໍຂິຕ຺ຕໍ). (໓)

໘໔. ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ໂນຈິຕ຺ຕສ຺ສ ຘມ຺ມສ຺ສ ອຕ຺ຖິປຈ຺ຈເຍນ ປຈ຺ຈໂຍ – ສຫຊາຕໍ, ປຸເຣຊາຕໍ, ປຈ຺ຉາຊາຕໍ, ອາຫາຣໍ, ອິນ຺ທ຺ຣິຍໍ. ສຫຊາໂຕ – ໂນຈິຕ຺ໂຕ ເອໂກ ຂນ຺ໂຘ ຈ ຈິຕ຺ຕຎ຺ຈ ທ຺ວິນ຺ນໍ ຂນ຺ຘານໍ ຈິຕ຺ຕສມຸຏ຺ຐານານຎ຺ຈ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ; ທ຺ເວ ຂນ຺ຘາ ຈ…ເປ…. ສຫຊາຕໍ – ຈິຕ຺ຕຎ຺ຈ ວຕ຺ຖຸຎ຺ຈ ໂນຈິຕ຺ຕານໍ ຂນ຺ຘານໍ ອຕ຺ຖິປຈ຺ຈເຍນ ປຈ຺ຈໂຍ (ປຏິສນ຺ຘິກ຺ຂເຓປິ ທ຺ເວ). ສຫຊາຕໍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ. ສຫຊາຕໍ – ຈິຕ຺ຕຎ຺ຈ ມຫາຠູຕາ ຈ ຈິຕ຺ຕສມຸຏ຺ຐານານໍ ຣູປານໍ ອຕ຺ຖິປຈ຺ຈເຍນ ປຈ຺ຈໂຍ (ປຏິສນ຺ຘິກ຺ຂເຓປິ ທ຺ເວ). ປຈ຺ຉາຊາຕໍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ປຸເຣຊາຕສ຺ສ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕໍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ກພຬີກາໂຣ ອາຫາໂຣ ຈ ອິມສ຺ສ ກາຍສ຺ສ ອຕ຺ຖິປຈ຺ຈເຍນ ປຈ຺ຈໂຍ. ປຈ຺ຉາຊາຕໍ – ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ ຣູປຊີວິຕິນ຺ທ຺ຣິຍຎ຺ຈ ກຏຕ຺ຕາຣູປານໍ ອຕ຺ຖິປຈ຺ຈເຍນ ປຈ຺ຈໂຍ. (໑)