໑. ວິຠງ຺ຄວາໂຣ

ເຫຕຸປຈ຺ຈໂຍ

໕໐. ຈິຕ຺ຕໍ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ ກຏຕ຺ຕາ ຈ ຣູປໍ. (໑)

ໂນຈິຕ຺ຕໍ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ປຏິຈ຺ຈ ເອໂກ ຂນ຺ໂຘ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ… ຂນ຺ເຘ ປຏິຈ຺ຈ ວຕ຺ຖຸ, ວຕ຺ຖຸໍ ປຏິຈ຺ຈ ຂນ຺ຘາ, ເອກໍ ມຫາຠູຕໍ ປຏິຈ຺ຈ…ເປ…. (໑)

ໂນຈິຕ຺ຕໍ ຘມ຺ມໍ ປຏິຈ຺ຈ ຈິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນຈິຕ຺ເຕ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ ໂນຈິຕ຺ເຕ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ. (໒)

ໂນຈິຕ຺ຕໍ ຘມ຺ມໍ ປຏິຈ຺ຈ ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ – ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ ກຏຕ຺ຕາ ຈ ຣູປໍ, ທ຺ເວ ຂນ຺ເຘ ປຏິຈ຺ຈ ເອໂກ ຂນ຺ໂຘ ຈິຕ຺ຕຎ຺ຈ ກຏຕ຺ຕາ ຈ ຣູປໍ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ. (໓)

ຈິຕ຺ຕຎ຺ຈ ໂນຈິຕ຺ຕຎ຺ຈ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ໂນຈິຕ຺ຕໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ, ທ຺ເວ ຂນ຺ເຘ ຈ…ເປ… ຈິຕ຺ຕຎ຺ຈ ມຫາຠູເຕ ຈ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ; ປຏິສນ຺ຘິກ຺ຂເຓ ໂນຈິຕ຺ຕໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ ກຏຕ຺ຕາ ຈ ຣູປໍ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ຈິຕ຺ຕຎ຺ຈ ວຕ຺ຖຸຎ຺ຈ ປຏິຈ຺ຈ ໂນຈິຕ຺ຕາ ຂນ຺ຘາ; ປຏິສນ຺ຘິກ຺ຂເຓ ຈິຕ຺ຕຎ຺ຈ ມຫາຠູເຕ ຈ ປຏິຈ຺ຈ ກຏຕ຺ຕາຣູປໍ. (໑)

ອາຣມ຺ມຓປຈ຺ຈໂຍ

໕໑. ຈິຕ຺ຕໍ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ຈິຕ຺ຕໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ…ເປ…. (໑)

ໂນຈິຕ຺ຕໍ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ…ເປ… ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຂນ຺ຘາ. (໑)

ໂນຈິຕ຺ຕໍ ຘມ຺ມໍ ປຏິຈ຺ຈ ຈິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ໂນຈິຕ຺ເຕ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ ໂນຈິຕ຺ເຕ ຂນ຺ເຘ ປຏິຈ຺ຈ ຈິຕ຺ຕໍ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕໍ. (໒)

ໂນຈິຕ຺ຕໍ ຘມ຺ມໍ ປຏິຈ຺ຈ ຈິຕ຺ໂຕ ຈ ໂນຈິຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ອາຣມ຺ມຓປຈ຺ຈຍາ – ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ ປຏິຈ຺ຈ…ເປ… ປຏິສນ຺ຘິກ຺ຂເຓ ໂນຈິຕ຺ຕໍ ເອກໍ ຂນ຺ຘໍ ປຏິຈ຺ຈ ທ຺ເວ ຂນ຺ຘາ ຈິຕ຺ຕຎ຺ຈ, ທ຺ເວ ຂນ຺ເຘ…ເປ… ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ຈິຕ຺ຕຎ຺ຈ ສມ຺ປຍຸຕ຺ຕກາ ຈ ຂນ຺ຘາ. (໓)

ຈິຕ຺ຕຎ຺ຈ ໂນຈິຕ຺ຕຎ຺ຈ ຘມ຺ມໍ ປຏິຈ຺ຈ ໂນຈິຕ຺ໂຕ ຘມ຺ໂມ ອຸປ຺ປຊ຺ຊຕິ ອາຣມ຺ມຓປຈ຺ຈຍາ – ໂນຈິຕ຺ຕໍ ເອກໍ ຂນ຺ຘຎ຺ຈ ຈິຕ຺ຕຎ຺ຈ ປຏິຈ຺ຈ ທ຺ເວ ຂນ຺ຘາ, ທ຺ເວ ຂນ຺ເຘ ຈ…ເປ… ປຏິສນ຺ຘິກ຺ຂເຓ…ເປ… ປຏິສນ຺ຘິກ຺ຂເຓ ຈິຕ຺ຕຎ຺ຈ ວຕ຺ຖຸຎ຺ຈ ປຏິຈ຺ຈ ໂນຈິຕ຺ຕາ ຂນ຺ຘາ. (໑) (ສໍຂິຕ຺ຕໍ).